18. वाटेलो राज्य

दाऊद राजा ये चालीस वर तक राज्य कारियो। फेर वू मरी गयो,ओर विनी सोरो सुलेमान ये राज्य पर शासन करणु आरम्भ कारियु परमेश्वर ये सुलेमान ती वात करी और पुछूं की तू सबती जादा काई चाहे की परमेश्वर विन हारु करे।सुलेमान ये परमेश्वर ती किदु की वू विन बुद्धिमान वाणावे।

अण वात ये परमेश्वर ने खुस कर दिदो अण हारूं परमेश्वर ये सुलेमान ने संचार नो सब्ती जड़ा बुद्धिमान आदमी वणायो सुलेमान ये नरी वात हिकी और वू एक बुद्धिमान शासक थो।परमेश्वर ये विन जबर धनवान वणायो।

येरूशलम में सुलेमान ये विन मंदिर ने वणायु जण हारु वीन दादे योजना वणावी थी और समान भेगो करीयो एवा लोग विलाप वाला तम्बू ने सोढी ने मंदिर में आराधना करता था। ओर विन हारु बली सडवता था परमेश्वर आवी ने मंदिर में रेतो थो। ओर वा वू विन लोग हाते रेतो थो।

पणे सुलेमान ये दुसरा देश नी लोगइया ती प्रेम राखियू। वणे नरी लोगिया लगभग 1000 लोगियां ती पैणी जो ओर परमेश्वर नी अवज्ञा की। विनमे ती नरी लोगई पराए देश ती आवी और वणाने हाते वणाना देवीदेवता ने बि लावि ओर विन उपासना करना जारी राखियु जब सुलेमान डोकरों थाई जो ते वणाने देवी देवता नी उपासना की।

अण वजह ती परमेश्वर सुलेमान ती रिह में आवी गयो। वणे किदु कि इसराइल देश ने दो भाग में करवा ने द्वारा विन दंड आलेगा। वू सुलेमान ने मरवा ने बाद में अवु करेगा।

सुलेमान ने मरवा बाद, रहबाम राजा वणीओ। इसराइल देश ना सब लोग विन आपड़ो राजा स्वीकार करवा हारु भैगा थाया। वणाये रहाबन ती शिकायत करी की सुलेमान ये वणाती जबर खाठू काम कराई युथु ओर नराई कर वसूले थे।वणाये रहाबान ती अनुरोध करियु वणाती कम काम करावे।

पणे राहबम ने वणाने मोटी मूर्खता तिं जवाब आलियों, "तमु कइरा की मार बाप सुलेमान ये तमाती खाठु परिश्रम करायू। पणे ऊ तमाती विनती बि खाठू परिश्रम कराऊंगा,ओर ऊ तमाने विनती बि जायदा दुख दूंगा।

जब लोग ये विन एवू केता हमालियू ते वण में ती केतराई ये वीन विरुद में बलवा करिया।दस गोत्रा ये विने सोड़ दीदो,विन हाते खाली दो गोत्र ही था।अण दो गोत्रा ये खुद ने यहूदा ना राजा किदु।

बाकी न दस गोत्रा ये यारोबाम नाम नो एक आदमी ने आपडो राजा वणई लीदो।यो देश ने उत्तर पूर्वी भाग में थो।वणाये खुद ने इसराइल नो राजा किदू।

पणे यारोबम ये परमेश्वर ने विरूद में बलवा कारिया और लोगा ती पाप कराई यो वणे आपड़ा लोग ने उपासना करवा हारु दो मूर्तियां वणावी।वि एवा यहुदा ना राज्य में येरूशलम में परमेश्वर ने मंदिर नी आराधना करवा हारु नी गया।

यहुदा ओर इसराइल ना राज्य दुश्मन बणी गया और हमेशा एक दूसरा ती लाडवा लगिया। इजराल ना एक नवा राज्य मां सब राजा दुष्ट था।इन में ती केतराई राजा विन स्थान पर राज्य करवा नी चाह राखवा वाला अन्य इसराइलियों ने द्वारा मारी गया

इसराइल राज्य ना लगभग सब राजाओं ये ओर अधिकतर लोग ये मूर्तियों नी उपासंना करी जब वणाये इवू कारियु,ते अक्सर वैश्या कने हुता और यहां तक वि नराई वखत मूर्तियां में आगे सोरा नी बली करी।

यहूदा राज्य ना राजा,दाऊद ना वंशज था। अण राजोआ में ती नरई आदमी भोला था। जणा ये न्यायपूर्वक शासन किया और परमेश्वर नी आराधना कि यहूदा ना अधिकांश राजा दुष्ट था वणाये दुष्ट ता ती शासन कारियु। ओर मूर्तियों की उपासना की। या तक कि कणाक कणाक राजा ये झूठा देवी देवता ने आगे आपड़ा सोरा ने बली सड़ाई दिदा। यहूदा के अधिकतर लोगा ये परमेश्वर ने विरूद बलवा कारियु ओर अन्य देवी देवता की उपासना करी।