38. यीशु ने हवाड़ नो।

हर वर, यहूदी लोग फसह नो तेवार मनाव ता था। यो अण बार एक तेवार थो। की नरी शताब्दियों पेला परमेश्वर ये वणान पूर्वज ने मिस्र के दासत्व ती छुड़ाया था। लग भग तीन वर बाद यीशु ये सार्वजनिक रूप ती प्रचार करणु और शिक्षा देणु सुरु कारियु। यीशु ये आपड़ा चेला ने वतालियू की वू वणाने हाते फसह नो तेवार येरुशलेम में मनावणु चाहवे है। और यो बी की वू वहा मराई जागा।

यीशु ना चेला में एक नू नाम यहुदा थू। यहूदा प्रेरित ने धन नी ठेली राखवा वालो प्रभारी थो। पणे वू अक्सर वू ठेली में ती पैसा निकाल लेतो थो। यीशु और चेला ने यरूशलेम में जावा ने बाद यहुदा यहूदी अगवा कने गयो। वणे धन ने बदले यीशु ने हवाड वा प्रस्ताव राखियो। वू जाणतो थो। की यहूदी अगूवे स्वीकार नी करता था की यीशु ही मसीह था। वू जाणतो थो की वी यीशु ने मार देणु चहावे है।

महायाजक ने केवा पर यहूदी अगूवो ये विन हात ती यीशु ने हवाड़ वा हारु यहुदा ने तीस चांदी ना सिक्का आलिया। यो विन हरकुस थायू जेवू भविष्यवक्ता ये किदु थू की एवू था गा। यहूदा मानी गयो ओर धन लई ने जातिरो । वह वू यीशु ने गिरफ्तार करवा हारु वणानी सहायता करवा हारु अवसर नी खोज करवा लागियो।

यरूशलेम में, यीशु ये आपडा चेला ने हाते फसह नो तेवार मनावा। फसह ने रोटा खावा वखत ,यीशु ये रोटो लई तोडियो।वणा ती किदु, "इने लो और खावो।यो मारू शरीर हे ऊ तमार हारु आलू हे।इने मारी याद में कर्जों।"इन तरेह ,यीशु ये किदु की ऊ तमा हारु मरूंगा,अर्थात वणा हारु वू आपड़ा शरीर ने बली चढा वेगा।

फेर यीशु ये एक दाखरस नो जिलास लीदो ओर किदु,"इने पिलो। ये नई वाचा नो मारू खून है जो की ऊ उंदाऊंगा केहकी परमेश्वर तमार पाप ने क्षमा करे। हर वखत पिता समय मारी याद में कर्जों जो ऊ एवा करीरों है।"

तब यीशु ये आपड़ा चेला ती किदु,"तमा में ती एक आदमी मने हवाडेगा।"चेला चोक की गया,ओर पुछवा लागीया की कुण एवू काम करेगा।यीशु ये किदु,"मने हवाड़वा वलो वू आदमी हे जीने में रोटा नो टुकड़ों आलियों है,"तब वणे वू रोटा नो टुकड़ों यहुदा ने आलियों।

विन रोटा ने लेवा ने बाद,यहुदा में शैतान बरई गयो। यहूदा निकली ने यीशु ने गिरफ्तार करावा हारु यहूदी अगुवा को सहायता करवा हारु जातिरो। ओर यो रात नो समय थो।

रोटा खावा ने बाद, यीशु और वीना चेला जेतुन डूंगर पर गया। यीशु ये किदु, " तमू सब आज रात मने छोड़ी दोगा। यो लिखेलू है,' ऊ गुवाल ने मरूंगा और सब गाडरा तीतर बितर थाई जागा।"

पतरस ये जवाब आलियों,"भले ही बाकी सब तने छोड़ दे, ऊ नी छोडूंगा! तब यीशु ये पतरस ती किदु,"शैतान तमाने सब ने लेणु चाहवे है, पणे हे पतरस,में थार हारु प्रार्थना करी हे की तू विश्वास ती चुकी नी जा ।फेर भी,आज रात, कुकडो बोलवा ने पेला ती तीन वखत बदले गा की तू मने नी जाणे है।"

पतरस ये यीशु ती किदु,"भेल ऊ मरिजाऊ ऊं कदी बि थारो इनकार नी करूंगा।" बाकी सब चेला ये योस किदु।

तब यीशु आपड़ा चेलों ने हाते गतसमनी नाम ने जगा पर गयो। यीशु ने आपड़ा चेलों ती प्रार्थना करवा हारु किदु केहकी शैतान वणानी परीक्षा नी करे तब यीशु खुद प्रार्थना करवा हारु गयो

यीशु ये तीन दाण प्रार्थना करी, "हे मार बाप,यदि थाई सके ते कृपया करी यो दुःख नो पियालो पिवा हारु मने मत आल। पणे लोगा ना पाप क्षमा हारु कोई और मार्ग नी है,ते थारी इच्छा पूरी हो।" यीशु जबर गबरई रो थो ओर विन पसीनो खून नी बूंदों हरको थो। विने सामर्थ आलवा हारु परमेश्वर ये स्वर्ग नो एक दूत मेलियो।

हर वखत प्रार्थना ने बाद,यीशु चेला कने पासों आयो, पणे वी हुता था। जब यीशु तीसरी दाण पासों आयो ते यीशु ये किदु,"जाग जांवो!मार हवाड़ वा वलो याह है।"

यहूदी अगुवा, सेनिका,ओर एक मोटी भीड़ ने हाते यहुदा आयो। वणाये तलवारे और लाखडी ली देली थी। यहूदा ये यीशु कने आवी ने किदु,"हे गुरु नमस्कार,"ओर विने बोखा दीदा । वणे गिरफ्तार करावा हारु यीशु हाते अतर कारियु केहकी यहूदी अगुवा हामे यीशु प्रकट थाई जा। तब यीशु ये किदु,"हे यहुदा,एक बोखा ती मने हवाड़ी रो है?"

जब वी सैनिक यीशु ने हावी रा था,ते पतरस ये आपड़ी तलवार निकाली और महायजाक ने सेवक नो कांदड़ो वाडी दिदो। यीशु ये किदु,"तलवार ने सेटी कर! ऊ मार बाप ती वसाड वा हारु स्वर्गदूत नी सेना ती विनती करी सकू पणे मने मार बाप नी वात माननी है।" तब यीशु ये वणआदमी नो कांदडो हाऊ कारियो। तब सब चेला नाही गया।