28. धनि जुआन शासक

गोटक दिने, गोटक धनी जुआन अगुआ यीशु लगे आई करी हाके पचारू आय, ’’हे उत्तम गुरु, अनंत जीवन पायबा काचे मोके काय करबार चाहिए? ’ यीशु हाके बोलुआय, ’’तुई मोके ‘उत्तम’ काय काचे बोलबिआस? केवल गोटकीच उत्तम आय आउरी हाय परबु आय। मांतर यदि तुई अनंत जीवन पायबार चायबी आस तो तुई परबुर व्यवस्थार पालन कर।’’

हाय पोचारू आय, ‘’मोके कोन कोन बीती आज्ञा के पालन करबार जरुरत आचे?’’। यीशु जवाब देउआय,’’हत्या ना कर। व्यभिचार ना कर। चोरी ना कर। झूट ना बोल। निजर माता आउरी पितार आदर कर, आउरी निजर पड़ोसी के निजर जसन मया कर।’’

मांतरहाय जुआन माने बोलुआय, ’’मुई मोर पीला दायले ए सबु आज्ञार पालन करते आयबी आची। मोक सबुदाय काचे जिन्दा रेबा काचे एबे बले काय करबार जरुरत आचे? ’’यीशु हाके दखु आय आउरी हाके मया करूआय।

तेबे यीशु जवाब देउआय, ’’अगर तुई सिद्ध होयबार चायबी आस तो जाई करी निजर सबु के बिकी देस आउरी हाय पयसा के गरीब मनके बाटी देस, आउरी तोके सरग ले धन मिलसी। तेबे आसी करी मोर पीटी बाटे होई देस।’’

जेबे हाय जुआन माने यीशुर गोट के सुनुआय तो हाय खुबे उदास होई जाउआय, काय काचे कि हाय खुबे धनी रेउआय आउरी हाय निजर सबु सम्पति के देबार ना चायते रेउआय। हाय लेवटी केरी यीशु लगले चले जाउ आय।

तेबे यीशु निजर चेला मनके बोलुआय, ’’धनी लोक मन काचे परबुर राज्य ने ओल्बाटा खुबे कठिन आय! हां, गोटक धनी मानेर परबुर राज ने ओल्बा टार तुलना ने कोनी ऊंटर सुईर काना थानले निकली जीबा टा आसान आय।’’

जेबे चेला मन यीशुर गोट के सुनुआत तो हाय मन खुबे चकित होउआत। हाय मन बोलुआत, ’’अगर ए असन आय तो परबु काके बाचायसी?’’

यीशु चेला मन के दखु आय आउरी बोलुआय, ’’लोक मन खुद के ना बाचाय के सकेत। अमता करबाटा असम्भव आय। मांतरमापरू काचे काई बले करबाटा असम्भव नुआय।’’

पतरस यीशु के बोलुआय, ’’हामी तो तोर चेला मन आव सबु के छाड़ी करी तोर पीटी बाटे होयलु आचू। तो हामर पुरस्कार काय होयसी?’’

यीशु जवाब देउआय, ’’सबु लोक मन जोन मन मोर काचे घर,भाई, भोइन, बुआ, माँ, पीला या सम्पति के छाड़ला आचेत, हाय हातार ले 100 गुना खुबे पायसी आउरी अनंत जिवन के बले पायसी। मांतरखुबे असन जोन मन पोयले आचेत हाय मन पीटी बाटे होयबाय, आउरी खुबे असन जोन मन पीटी बाटे आचेत हाय मन पोयले होयबाय।’’