50. यीशुन पोशो आवणो

कोमी ते कोमी 2,000 वोर्ह्या से, केलीन जादातर जागे जास्तीत जास्ती माणहा यीशु मसीह ने बारामाय संदेश होमेलणे बाज रेणाह। कलीसिया वोडने बाज रेनीह। यीशु वायदो केरील एतो केलीन आखरी पोशो आवण्यो हि। पुण तो उंजू नाह आवो, तीभी तो तान वायदो पुरो केरी।

जेवी आपु यीशुन पोशो आवणेन वाट जोवतेह, बोगवान आपु से जिच रिती जीवणेन इच्छा किरीह जो पवित्र हि एने जो तान आदर करणे।जेवी यीशु पृथ्वी पोर रेतालो तेवी तो केयो, " मारा चेला आखी केलीन माणहाम बोगवानान राज्यान बारामाय संदेश पोरचार केरती, एने तेवी आखरी टायम आव जाय।"

जुलुम जाती अवि वोर यीशुन बारामाय नाह होमलील सोता। स्वर्गाम जाणेन पेल, यीशु मसीही माणहाह ता माणहाह संदेश होमलाडने केयो जी नाह होमलील एता। तो केयो, "आवो एने आखी जातीन माणहाह चेला बोणावो!" एने "काटणी केरणेन खेत पाक जायील हेते!"

यीशु ज्यो भी भी केयो, "काल्लाच भी माणहान सेवक आपणा मालक्याह रीन मोठो नाह रेत। ज्या केलीन मुख्य माणहा माहु कुयराना,एने मार वजेसे ता तुमूह भी विताडति एने मार टाकती।ज्या केलीन तुमु दुख वीसहो, पुण मोजबुत बोणो, काहाकाय मी शैतान आराव दियील हि जो जी केलीम राज्य किरीह। जर तुमु आखरी वोर मारा विश्वासयोग्य बोणीन रेहो,ते बोगवान तुमुह वोचाडी!"

यीशु आपणा चेलाह ज्यो सोमजाडणेन केरता एक कहाणी केयो का जेवी केलीन नाश एय ते माणहा हेरी काय एय। केयो, "एक माणुह आपणा खेताम हाजो बीज लागाडयो। जेवी तो हुवतालो ते तान दुश्मोन आवो एने गोवान बीजान विचमाय जंगली खेडान बीज लागाड देनो, एने जात रिनो।"

जेवी उगनो ते सेवक ता माणहाह केया, 'हे मालीक, तु ते तारा खेताम हाजो बीज लागाडील ते जामाय जंगली खेड किहीक हेते?'तो माणुह केयो, ' फक्त मारो दुश्मोनच ताह लागाडने होदती। ज्यो मारो काल्लो तीभी दुश्मोन किरील हि।'

ता सेवक तान मालक्याह केया, 'काय आमु जंगली खेडाह उखाल देणे?' तो मालीक केयो, 'नाह। जर तुमु इही केरहो ते गोवाह भी उखाल दिहो। काटणी वोर वात जोवो। तुलबुखे जंगली खेडाह टोलो केरीन ताह हेल्गाड देहू।पुण गोवाह मार खेताम लीन आवज्यु।'

चेला जी कहाणीन अर्थ नाह होमेजना, केरीन ता यीशुह होमजाडणे केया। यीशु केयो, "हाजो बीज लागाडणार मसीह हि। खेत केली हि हाजालो बीज बोगवानान राज्य ने माणहान हेते।"

जंगली खेड ता दुष्ट जाणा, शैतानान माणहा हेते। ता माणहान दुश्मोन शैतान हि, जो जंगली खेड लागाड दियील एतो। काटणी जी केलीन आखरी दिहाह कियील हि, एने काटणारा बोगवानान स्वर्गदूत हेते।

जेवी केलीन नाश एय तेवी स्वर्गदूत ता आखा माणहाह एकठा केरती जा शैतानान हेते। ता स्वर्गदूत ताह एक जुलुम ताता आगठाम टाक देती। ताहरी ता माणहा जुलुम पिढा माय रेडति एने दात केकडावती।पुण जा माणहा धर्मी हेते, जा यीशुह मानतेह, ता तान आबाक बोगवानान राज्य माय दिह्यान गेट चोमेकती।

यीशु ज्यो भी कियील एतो का केलीन नाश एणेन पेल तो पोशो केलीम आवी।तो जीही जायील एतो तीहीच आवी। अर्थाम, ता फाय शरीर रेय, एने तो वादला पोर बोहीन आवी।जेवी यीशु आवी ते, ते आखा मसीही जा मार जायील एता जीव उठति एने ता हेरी वादलाम मेलाति।

तेवी जा मसीही जीवताला रेती ता वादलाम विसाय एने ता दिहरा मसीहि हेरी बेलाय जाती जा मोरील मायरीन जीवील एता। ता ताहरी यीशु हेरी रेती। ता बाद, यीशु आपणा माणहा हेरी रेय।जेवी ता एकठा रेती ते ता फाय कायम ने केरता शान्ति रेय।

यीशु ता पोर विश्वास केरणारा आखाह एक मुकुट आपणेन वायदो किरील। ता कायम ने केरता बोगवाना हेरी आखी वोस्तु पोर राज्य केरती। ता फाय कायम शान्ति रेय।

पुण बोगवान ता आखान न्याय केरी जा यीशु पोर विश्वास नाह केरते। तो ताह नरक माय टाक देय। ताहरी ता रेडति एने दात केकडावती, एने ता कायम पीढा माय रेती। केदीच नाह ओलाणार ताह कायम हेलगाडती रेय, एने ताह किडा खाती कायम ने केरता।

जेवी यीशु आवी, ते तो पुरी रीती से शैतानाह एने तान राज्याह नाश केर देय। तो शैतानाह नरक माय टाक देय। ताहरी शैतान कायम ने केरता आकठाम हेल्गती रेय, ता आखा हेरी जा बोगवानान वात मानणेन नाश पुण शैतानान पासाण चालणे निवाडील एता।

काहाकाय आदम एने हवा बोगवानान आज्ञा नाह मान्या एने पापाह जी केलीम लीन आयील एता, बोगवान ताह श्राप दिनो एने नाश केरणेन निर्णय किऱ्यो। पुण बोगवान एकदिह पोशो नोवाली केली एने स्वर्ग बोणावी जी हाजी रेय।

यीशु एने तान माणहा ती नोवाली केलीम रेती, एने कायम ने केरता आखी वोस्तु पोर राज्य केरी। तो माणहान आखा आहवा नुस देय। तेवी कुण भी पिढाम एने दुखी नय रेय। ता रेडती नय। ता दुख्याऱ्या नेय एती एने मोरती नय। एने ताहरी काय भी बुराई नय रेय। यीशु आपणा राज्य पोर न्यायपूर्वक, एने शान्ति से राज्य केरी। तो कायम ने केरता आपणा माणहा हेरी रेय।