25. ୨୫. ସୋଇତାନ୍ ଯିଶୁଦିଙ୍ଗ୍ ପରିକ୍ଷା କିତାନ୍
ଯିଶୁ ଡୁବନ୍ ଆତିୱେନ୍କା ଦାପେ ପବିତ୍ର ଆତ୍ମା ୱାନିଙ୍ଗ୍ ଗରୋତୁ ଅତାନ୍ ଯିଶୁ ଆବେ ନାଲ୍ପାଏ ଦିନାମ୍ ନାଲ୍ପାଏ ନାଡ଼େଙ୍ଗ୍ ମାହାନ୍। ଆୟା ୱେଡାଦୁ ଆକାନ୍ ଉପବାସ୍ କିତାନ୍ ମାରି ସୋଇତାନ୍ ଯିଶୁଦି ଡାଗ୍ରୁ ୱାତାନ୍ ମାରି ୱାନିଙ୍ଗ୍ ପାପାମ୍ କିନିୱାନ୍ଦିଙ୍ଗ୍ ପରିକ୍ଷା କିତାନ୍।
ପର୍ତୁମ୍ଦୁ ସୋଇତାନ୍ ଯିଶୁଦିଙ୍ଗ୍ ୱେର୍ତାନ୍, ଜଦି ନିନୁ ମାପ୍ରୁଦି କଡୋ ଆଦେଙ୍ଗେଁ ଇୟା କାଲ୍କାଙ୍ଗ୍ ରୁଟି ଆନିୱାନ୍ଦିଙ୍ଗ୍ ଆଦେସ୍ ସିଦା ମାରି ନିନୁ ତିଣ୍ଡ୍ରେଙ୍ଗ୍ ଆଟ୍ନି।
ମାରି ଯିଶୁ ସୋଇତାନ୍ଦିଙ୍ଗ୍ ୱେହ୍ତାନ୍ “ଆୟା ମାପ୍ରୁଦି ବୋଇଦି ରାସାତା ମାନାତ୍, ‘ଲୋକୁଦିଙ୍ଗ୍ ଜିନିୱାନ୍ଦିଙ୍ଗ୍ ରୁଟି ଦର୍କାର୍ ସିଲେତ୍ ମାରି ମାପ୍ରୁ ୱେର୍ନି ୱିଜୁ ମାଟା ୱାରିଙ୍ଗ୍ ଦର୍କାର୍।
ଦାନିୱେନ୍କା ସୋଇତାନ୍ ଯିଶୁଦିନ୍ ମନ୍ଦିର୍ଦି ମୁସ୍କୁଦି ବାଡ଼ିଦୁ ଅତାନ୍। ସୋଇତାନ୍ ଯିଶୁଦିଙ୍ଗ୍ ୱେର୍ତାନ୍, “ମିରୁ ଜଦି ମାପ୍ରୁଦି କଡୋ, ‘ଆଡ଼୍ଗିଡାଟ୍ଆ ମାତର୍ ଇକା ରାସାତାମାନାତ୍ ମାପ୍ରୁଦି ୱାନିଦୁତ୍କାଙ୍ଗ୍ ମିଙ୍ଗିଁ ଆସ୍ନିୱାନ୍ଦିଙ୍ଗ୍ ଆଦେଶ୍ସିନାନ୍ ଏମେୱାଜା ମି ପାଦାମ୍ କାଲ୍କୁଦୁ ତାକ୍ମାକିତ୍।
ମାତର୍ ସୋଇତାନ୍ଦିଙ୍ଗ୍ ଏମେକା କିନିୱାନ୍ଦିଙ୍ଗ୍ ୱେର୍ତାନ୍ ଯିଶୁ ଆକା କିଏତାନ୍। ଦାନିବାଦୁଲୁ, ୱାଣ୍ଡ୍ରୁ ୱେର୍ତାନ୍, “ମାପ୍ରୁ ୱିଜେରି ଲୋକାଙ୍ଗ୍ ୱେହ୍ତାନ୍, ପ୍ରବୁ ମି ମାପ୍ରୁଦିଙ୍ଗ୍ ପରିକ୍ଷା କିମା।’”
ଦାନିୱେନ୍କା ସୋଇତାନ୍ ଯିଶୁଦିଙ୍ଗ୍ ପୁର୍ତିବିଦି ୱିଜୁ ରାଜି ତର୍ପତାନ୍। ୱାଣ୍ଡ୍ରୁ ୱାନିଙ୍ଗ୍ ତର୍ପତାନ୍ ଆୟା ୱିଜେରେ ଏସୋ ସାତୁତିକାନ୍, ମାରି ଏସୋ ଦନ୍ ମାର୍ହିକାନ୍, ୱାଣ୍ଡ୍ରୁ ଯିଶୁଦିଙ୍ଗ୍ ୱେର୍ତାନ୍ ନିନୁ ଜଦି ନାଙ୍ଗିଁ ମାଡିସି ପୁଜାକିନି ଆକାଇଙ୍ଗା ନାନୁ ଆୟାୱିଜୁ ସିନା।
ଯିଶୁ ଉତର୍ସିତାନ୍, “ସୋଇତାନ୍ ନାଡାଗ୍ରୁହାଣ୍ ଆକସନ୍ଆ! ମାପ୍ରୁଦି ବୋଇଦୁ ୱାଣ୍ଡ୍ରୁ ନିଜେଦି ଲୋକାଙ୍ଗ୍ ଆଦେସ୍ ସିତାମାନାନ୍, “ପ୍ରବୁ ମି ମାପ୍ରୁଦିଙ୍ଗେଁ ଉପାସନା କିଆ। ମାରି ମାପ୍ରୁଇଜି ୱାନିଙ୍ଗେଁ ଜିଉନୋଆ।
ଯିଶୁ ସୋଇତାନ୍ଦି ପରିକ୍ଷାଦୁ ଆରାଏତାନ୍, ଇୟାୱାନ୍ଦିଙ୍ଗ୍ ସୋଇତାନ୍ ୱାନିଙ୍ଗ୍ ଡିସି ସହାନ୍ ଦାନିୱେନ୍କା ସାରଗ୍ଦୁତ୍ ୱାଜି ଯିଶୁଦିଙ୍ଗ୍ ଜାତ୍ନୁ କିତାର୍।
ବାଇବଲ୍ ଦି ଉଣ୍ଡ୍ରେ କାତାନି ମାଥିଉ ୪:୧୧;ମାର୍କ ୧:୧୨-୧୩ ଲୁକ ୪୧-୧୩
Free to use, adapt, and share under an open license (CC BY-SA 4.0).