29. ୨୯. ଦୟାସିଲି ଦାସ୍ଦି କାତାନି
ଉଣ୍ଡ୍ରେ ଦିନାମ୍, ପିତର ଯିଶୁଦିଙ୍ଗ୍ ୱେନ୍ବାତାନ୍, “ଏ ଗୁରୁ, ନା ତଡ଼ାନ୍ ନା ବିରୁଦ୍ଦୁ ପାପାମ୍ କିତିଙ୍ଗା ମାରି ନାନୁ ଏସୋଜାରିଙ୍ଗ୍ ୱାନିଙ୍ଗ୍ କେମା କିନା?” ଇନିକା ଏଡ଼ୁ ଜାରିଙ୍ଗ୍? ଯିଶୁ ୱେର୍ତାନ୍, “ଏଡୁ ଜାରିଙ୍ଗ୍ ସିଲେ, ମାତର୍ ସତୁରିଦାନ୍ ଏଡ଼ୁଗୁଣ୍ ଜାରିଙ୍ଗ୍!” ଇୟା ବାଣାନ୍, ଯିଶୁଦି ୱେହ୍ନି ଅର୍ତ ମାଡୁ ୱିଜୁୱାଲେ କେମା କିଦେଙ୍ଗ୍ ଦରକାର୍। ଦାନିୱେନ୍କା ଯିଶୁ ଇୟା କାତାନି ୱେର୍ତାନ୍।
ଯିଶୁ ୱେର୍ତାନ୍, “ମାପ୍ରୁଦି ରାଜି ଉଣ୍ଡ୍ରେ ରାଜାଦି ସମାନ୍ ଏୟେନ୍ ନିଜେ ଗତିମୁର୍ଲିଦି ବାଣାନ୍ ଇସାବ୍ ଅତେଙ୍ଗ୍ ମାନ୍ସୁ କିଜିମାର୍ହାନ୍। ୱାନି ଅରେନ ଗତିମୁର୍ଲି ୨,୦୦,୦୦୦ ପାଟେଙ୍ଗାଁଣି କୁଲିସମାନ୍ ଉଣ୍ଡ୍ରେ ଉଦାର୍ଦି ଉଦାର୍ ଅତିକାନ୍ ମାର୍ହାନ୍।”
ମାରି ଆୟା ଗତିମୁର୍ଲି ୱାନି ରୁଣ୍ ତେଉଦେଙ୍ଗ୍ ଆଟ୍ଏତାନ୍, ଇୟାୱାନ୍ଦିଙ୍ଗ୍ ରାଜା ୱେର୍ତାନ୍, “ୱାନି ରୁଣ୍ ତେଉଦେଙ୍ଗ୍ ଇଜି ଇୟା ମେମାର୍ ମାରି ୱାନି ପରିବାର୍ଦିଙ୍ଗ୍ ଗତିମୁର୍ଲିୱାଜା ପର୍ତାନ୍।”
“ଆୟା ଗତିମୁର୍ଲି ରାଜାଦି ଏଦ୍ରୁ ମେଣ୍ଡେଙ୍ଗ୍ ଉର୍ଜି ୱେର୍ତାନ୍, ଦୟାକିଜି ନାୱାଲେ ସାସ୍ ଆସ୍ଆ, ମାରି ନାନୁ ଅତିମାହି ୱିଜୁ ରୁଣ୍ ଡ଼େପ୍ନାସିନା। ରାଜାଦିଙ୍ଗ୍ ଆୟା ଗତିମୁର୍ଲିମୁସ୍କୁ ଦୟା ୱାତାତ୍, ଇୟାୱାନ୍ଦିଙ୍ଗ୍ ରାଜା ୱାନି ୱିଜୁ ରୁଣ୍ଦିଙ୍ଗ୍ ଡ଼ିସ୍ତାସିତାନ୍ ମାରି ୱାନିଙ୍ଗ୍ ସନ୍ଣ୍ଡ୍ରେଙ୍ଗ୍ ସିତାନ୍।
ମାରି ଆୟା ଗତିମୁର୍ଲି ଏସ୍ତିୱାଲେ ରାଜାଦି ଡାଗ୍ରୁହାନ୍ ସସି ସର୍ହାନ୍, ୱାନି ଅରେନ୍ ତୋଡ଼ୁଏନ୍ ଗତିମୁର୍ଲିଦିଙ୍ଗ୍ ବୁଡ଼ୁତାନ୍ ଏୟେନ୍ଗି ନାଲ୍ଗି ଲେସ୍କାଣି କୁଲିଦି ରୁଣ୍ ମାର୍ହାତ୍। ଆୟା ଗତିମୁର୍ଲି ନିଜେଦି ତଡ଼ୁଦିଙ୍ଗ୍ ଆସ୍ସି ୱେହ୍ତାନ୍, ନିମୁସ୍କୁ ନାଦି ଏମେ ରୁଣ୍ ମାନାତ୍ ନାଙ୍ଗିଁ ଆକା ଡ଼େପ୍ସି ସିଦା!”
ଆୟା ଦାସ୍ ମେଣ୍ଡେଙ୍ଗ୍ ଉର୍ଜି ୱେର୍ତାନ୍, ଦୟା କିଜି ନାୱାଲେ ସାସ୍ ଆସ୍ଆ, ମାରି ନାନୁ ନା ୱିଜୁ ରୁଣ୍ ଡ଼େପ୍ନା ସିନା, ମାରି ଇୟାବାଦ୍ଲୁ, ଆୟା ଗତିମୁର୍ଲି ତଡ଼ୁ ଗତିମୁର୍ଲିଦିଙ୍ଗ୍ ଏମେସାନ୍ଦି ୱାଣ୍ତ୍ରୁ ୱାନି ରୁଣ୍ ଡ଼େପ୍ସି ସିଏନ୍ ଆୟାସାନ୍ଦି ୱାନିଙ୍ଗ୍ ଆସ୍ସି ଜଇଲ୍ଦୁ କେର୍ତାନ୍।”
“ଏମେକା ୱିଜୁ ଆତାମାର୍ହାତ୍ ଆକା ଆଇ ଏସଡ଼୍ ଗତିମୁର୍ଲିର୍ ସୁଡ଼୍ତାର୍ ମାରି ୱାରୁ ନାଣ୍ଡୋ ଦୁକାମ୍ ଆତାର୍। ୱାରୁ ରାଜାଦି ଡାଗ୍ରୁ ସହାର୍ ମାରି ୱାନିଙ୍ଗ୍ ୱିଜୁ ୱେହ୍ତାର୍।”
“ରାଜା ଆୟା ଗତିମୁର୍ଲିଦିଙ୍ଗ୍ କୁକ୍ସି ମାରି ୱେର୍ତାନ୍, ଏ ସେଇ ଗତିମୁର୍ଲି! ନାନୁ ନି ରୁଣ୍ଦିଙ୍ଗ୍ ଇୟାୱାନ୍ଦିଙ୍ଗ୍ କେମା କିତାମାହା ମାତର୍ ନିନୁ ନାଙ୍ଗିଁ ବାତିମାଲିତିମାହି। ନିନୁବା ଇୟା ୱାଜା କିଦେଙ୍ଗ୍ ମାର୍ହାତ୍। ରାଜା ଏସୋ ରିସା ଆତାମାର୍ହାନ୍ ଜେ ଏମେ ସାନ୍ଦି ୱାଣ୍ତ୍ରୁ ରୁଣ୍ ଡ଼େପ୍ଏନ୍ ଆୟା ସାନ୍ଦି ଆୟା ସେଇ ଗତିମୁର୍ଲିଦିଙ୍ଗ୍ ଜଇଲ୍ଦୁ କେହ୍ତାନ୍।”
ଦାନିୱେନ୍କା ଯିଶୁ ୱେର୍ତାନ୍, “ନା ସାର୍ଗିଦୁ ମାନି ବୁବା ମି ୱିଜେରି ୱାଲେ ଇୟାୱାଜା କିନାନ୍ ଜଦି ମିରୁ ମି ତଡାନ୍ଦିଙ୍ଗ୍ ନିଜେ ଜିଉଦାନ୍ କେମା କିଇଦେର୍।
ମାଥିଉ ୧୮:୨୧:୩୫ ଦି ଉଣ୍ଡ୍ରେ ବାଇବଲ୍ଦି କାତାନି
Free to use, adapt, and share under an open license (CC BY-SA 4.0).