34. ୩୪. ଯିଶୁ ଆଇ କାତାନିଙ୍ଗ୍‌ ଅଜା କିତାନ୍‌

ଯିଶୁ ମାପ୍‌ରୁଦି ରାଜି ବିଷୟ୍‌ଦାନ୍ ଆଇ ନାଣ୍ତୋ କାତାନି ୱେହ୍‌ତାମାର୍‌ହାନ୍। ଅଡ଼୍‌ବିଦୁ, ୱାଣ୍ତ୍ରୁ ୱେର୍‌ତାନ୍‌, ମାପ୍‌ରୁଦି ରାଜି ଉନ୍‌ଡ୍ରେ ସର୍‌ସୁ ଗିଡା ୱାଜା ଏମେଦାନିଙ୍ଗ୍‌ଗି ଅରେନ୍‌ ନିଜେ କେଡ଼୍‌ଇଦୁ ୱିତ୍‌ତା ମାର୍‌ହାନ୍‌। ମିରୁ ନେସ୍‌ନିଦେର୍ ଜେ ସର୍‌ସୁ ଗିଡା ଆଜିନାତ୍ ୱିଜୁଦାଣାନ୍ ନିସ୍‌ରି ଗିଡା।”

“ମାତର୍ ଏସ୍ତିୱାଲେ ସାର୍‌ସୁ ଗିଡା ପିରିନାତ୍, ଇକା କେଡ଼୍‌ଇଦି ୱିଜୁ ମାରାକାଣାନ୍ ପେରିକା ଆନାତ୍, ନିସା ପିରିନାତ୍ ଜେ ଇକା ପଟିଙ୍ଗ୍ଁ ୱାଜି ଦିନି କମାଦୁ ରମ୍‌ନେ।”

ଆଇ ଉନ୍‌ଡ୍ରେ କାତାନି ୱେହ୍‌ତି ୱେନ୍‌କା, ଯିଶୁ ୱେହ୍‌ତାମାହାନ୍, ମାପ୍‌ରୁଦି ରାଜି ସଡ଼ା ସମାନ୍ ୱାଜା ଜେ ଉରେତ୍ ଆଇଲି କଡ଼ୋ ଇନି ରୁଟି ଗୁଡ଼ିଦୁ କୁଡ଼ୁପ୍‌ତାତ୍, ଦାନିୱେନ୍‌କା ଆୟା ସଡ଼ା ୱିଜୁ ଗୁଡ଼ିଦୁ ୱିଦିତାତ୍।

“ମାପ୍‌ରୁଦି ରାଜି ଇୟାୱାଜା ନାଣ୍ତୋ ଦନ୍‌ ୱାଜା ଜେ ଏମେଦାନିଙ୍ଗ୍‌ଗି ଅରେନ୍‌ ମାଡିଦୁ ମାରାକ୍‌ସି ଇଟ୍‌ତାମାର୍‌ହାନ୍। ଆଇ ଅରେନ୍ ଲୋକୁ ଦନ୍ ପାଏଆତାନ୍ ମାରି ଦିନିଙ୍ଗ୍ ନାଣ୍ତୋ ମାନ୍‌ସୁକିତାନ୍। ଇୟାୱାନ୍ଦିଙ୍ଗ୍ ୱାଣ୍ତ୍ରୁ ଦିନିଙ୍ଗ୍ ମାରିଢେସି ଗୁଟା କାର୍‌ଜି ମୁସ୍‌ତାନ୍‌। ୱାଣ୍ତ୍ରୁ ନିସା ସାର୍‌ଦା ଆତାମାର୍‌ହାନ୍ ଜେ ୱାନ୍ତ୍ରୁ ସନ୍‌ସି ନିଜେ ଡାଗ୍‌ରୁ ମାନି ୱିଜୁ ଜିନିସ୍ ପର୍‌ତାନ୍, ଏଣ୍ତେସ୍‌ଗି ୱାଣ୍ତ୍ରୁ ଆୟା ମାଡିଦିଙ୍ଗ୍‌ କଡ୍‌ଦେଙ୍ଗ୍ ଆଟ୍‌ନାନ୍ ଏମେବାନୁଗି ଦନ୍ ମାର୍‌ହାତ୍।”

“ମାପ୍‌ରୁଦି ରାଜି ଉଣ୍ଡ୍ରେ ନାଣ୍ଡୋଦାମ୍‌ତି ୱେଣ୍ଡି ୱାଜା। ଏସ୍ତିୱାଲେ ଅରେନ୍ ହୀରା ବେପାରି ଇକା ପାଏଆତାନ୍, ମାରି ୱାଣ୍ତ୍ରୁ ଆୟା ମାଡିଦିଙ୍ଗ୍ କଡ଼୍‌ନି ୱାନ୍ଦିଙ୍ଗ୍‌ ନିଜେଦି ୱିଜୁ ଜିନିସ୍‌ ପର୍‌ତାନ୍।”

ଆବେନୁ ଏସୋ ଲୋକୁ ମାର୍‌ହାର୍ ଏମେକାର୍ ଅଡ଼୍‌ବିଜି ମାହାର୍ ଜେ ୱାରୁ ନେଗି ପାଣି କିତିମାହିଙ୍ଗ୍ ମାପ୍‌ରୁ ୱାରିଙ୍ଗ୍ ନିଜେଦି କିନାନ୍ ଇୟା ଲୋକୁ ଆୟା ଲୋକାଙ୍ଗ୍ କାରାଇ ଇଜି ମାର୍‌ହାର୍। ଏମେକାର୍‌ଗି ନେଗିପାଣି କିଏଜିମାହାର୍‌। ଇୟାୱାନ୍ଦିଙ୍ଗ୍ ଯିଶୁ ୱାରିଙ୍ଗ୍ ଇୟା କାତାନି ୱେର୍‌ତାନ୍; ଆବେନୁ ରିଏର୍ ଲୋକୁ ମାର୍‌ହାର୍ ମାରି ରିଏର୍ ପାର୍‌ତନା କିଦେଙ୍ଗ୍ ମନ୍ଦିର୍‌ଦୁ ସର୍‌ହାର୍। ୱାରି ବାଣ୍‌କୁ ଅରେନ୍ ସିସ୍‌ତୁ ଅନି ଲୋକୁ ମାର୍‌ହାର୍ ମାରି ଅରେନ୍ ଦାର୍‌ମୁ ନେତା ମାର୍‌ହାନ୍।

“ଆୟା ଦରମ୍ ଗୁରୁ ଇୟାୱାଜା ପାର୍‌ତନା କିତାନ୍। ଏ ମାପ୍‌ରୁ ନାନୁ ନିଙ୍ଗିଁ ଦନ୍ୟବାଦ୍ ସିଜିନା ଜେ ଆଇ ଲୋକାୱାଜା ନାନୁ ପାପି ଆଏ, ଏୟେନ୍‌ଗି ଆରେନ୍ ଡାକୁଏନ୍ ଅଦରମ୍ ଲୋକୁ, ଦାରିପାଣି, ମାରି ଇୟା ବାଡିଦୁ ମାନି ସିସ୍‌ତୁ ଲସ୍‌ନି ଲୋକୁ ୱାଜା ଆଏ।”

“ଉନ୍‌ଡ୍ରେ ମାଟା ୱାଜା ନାନୁ ୱାରାମ୍‌ଦିଙ୍ଗ୍ ରିଜା ଉପବାସ୍ କିନା ମାରି ନାନୁ ପାଏଆତି ୱିଜୁ ଡାବୁ ମାରି ଜିନିସ୍‌ଦି ୱିଜୁ ଦଶ୍ ଅଙ୍ଗ୍‌ଶ ସିନା।”

ମାରି ସିସ୍‌ତୁ ଲସ୍‌ନି ଦାର୍‌ମୁ ଗୁରୁଦିବାଣାମ୍ ନାଣ୍ଡୋଆକ ନିଲ୍‌ତା ମାର୍‌ହାନ୍, ମାରି ୱାଣ୍ତ୍ରୁ ସାର୍‌ଗି ମୁସ୍‌କୁ ସୁଡ଼୍‌ଦେଙ୍ଗ୍ ସାସ୍‌ କିଏତାନ୍ ଇୟାୱାନ୍ଦିଙ୍ଗ୍ ୱାଣ୍ତ୍ରୁ ନିଜେ କିୟୁମୁଟାଦାନ୍‌ ନିଜେ ବକାଦୁ ଡ଼େୟାତାନ୍ ମାରି ପାର୍‌ତନା କିତାନ୍, “ଏ ମାପ୍‌ରୁ ନାନୁ ଅରେନ୍ ପାପି, ନାଙ୍ଗିଁ ଦୟା କିଆ।”

ୱେନ୍‌କା ଯିଶୁ ୱେର୍‌ତାନ୍ ନାନୁ ମିଙ୍ଗିଁ ନିକାମେ ୱେର୍‌ସିନା, ମାପ୍‌ରୁ ସିସ୍‌ତୁ ଲସ୍‌ନି ଲୋକୁଦି ପାର୍‌ତନା ୱେହାନ୍ ମାରି ଦର୍‌ମିକ୍ ଇଜି ୱେହ୍‌ତାର୍‌ ମାତର୍ ଆୟା ଦାର୍‌ମିକ୍‌ଦି ପାର୍‌ତନାଦଙ୍ଗ୍ ମାନ୍‌ସୁ କିଏତାନ୍‌। ମାପ୍‌ରୁ ୱାରି ତାଲାଦିଙ୍ଗ୍ ସାଲୁ କିନାନ୍ ଏମେକାର୍‌ଗି ନିଜେଦିଙ୍ଗ୍‌ ଗର୍ବ ତରାନାର୍‌, ମାତର୍ ମାପ୍‌ରୁ ଆୟାୱିଜେରିଙ୍ଗ୍ ଲାଡ୍‌କିନାନ୍‌, ଏମେକାର୍‌ଗି ନିଜେଦିଙ୍ଗ୍ ଦରମ୍‌ କିନାର୍‌।”