44. ୪୪. ପିତର ମାରି ଯୋହନ ଅରେନ୍ ବିକାରିଦିଙ୍ଗ୍ ନେଗେଣ୍ତ୍ କିନାର୍
ଅର୍ନେଣ୍ତ୍, ପିତର ମାରି ଯୋହନ ମନ୍ଦିରଦୁ ସର୍ହାର୍। ଅରେନ୍ ସଟା ଲୋକୁ ବିକ୍ୟା ଲସ୍ତେଙ୍ଗ୍ ଦୁୱାର୍ଡାଗ୍ରୁ ବାସ୍ତା ମାର୍ହାନ୍।
ପିତର ଆୟା ସଟା ଲୋକୁଦିଙ୍ଗ୍ ୱାନି ତରିନ୍ ସୁଡ଼୍ଜି ୱେର୍ତାନ୍, “ନା ଡାଗ୍ରୁ ନିଙ୍ଗିଁ ସିନି ୱାନ୍ଦିଙ୍ଗ୍ ଇନିକା ବା ସିଲେତ୍। ମାତର୍ ନାଦି ଏମେକା ଡାଗ୍ରୁ ମାନାତ୍ ନାନୁ ଆକା ସିଜିନା। ଯିଶୁଦି ଦରୁଦାନ୍ ନିଙ୍ଗ୍ଆ ମାରି ବୁଲା!”
ଗାଦେମ୍, ମାପ୍ରୁ ଆୟାସଟା ଲୋକୁଦିଙ୍ଗ୍ ନେଗେଣ୍ତ୍ କିତାନ୍। ୱାଣ୍ତ୍ରୁ ଇନିଙ୍ଗା ଆନିଙ୍ଗା ବୁଲାଦେଙ୍ଗ୍ ଆସ୍ତାନ୍ ମାରି ଡାଟ୍ତେ ଆରାମ୍ କିତାନ୍, ମାରି ମାପ୍ରୁଦିଙ୍ଗ୍ ପ୍ରଶଂସା କିଦେଙ୍ଗ୍ ଆରାମ୍ କିତାନ୍। ମନ୍ଦିରଦି ଦୁୱାର୍ତୁ ମାନ୍ଜି ଲୋକୁ କାବା ଆତାର୍।
ଗାଜିବିଜି ନେ ନାଣ୍ତୋ ଲୋକୁ ୱାନିଙ୍ଗ୍ ସୁଡ଼୍ଦେଙ୍ଗ୍ ୱାତାମାର୍ହାର୍ ଏୟେନ୍ଗି ନେଗେଣ୍ତ୍ ଆତାମାର୍ହାନ୍। ପିତର ୱାରିଙ୍ଗ୍ ୱେର୍ତାର୍, “ଇୟା ଲୋକୁ ନେଗେଣ୍ତ୍ ଆତାନ୍, ମାତର୍ କାବା ଆମାଟ୍, ମା ସାକ୍ତିଦାନ୍ କିଏପ୍ଗି ମାପ୍ରୁଦିଙ୍ଗ୍ ମାନାଜିନାପ୍ଗାନି ଆଏଜିନାତ୍। ମାତର୍ ଇକା ଯିଶୁ ନିଜେଦି ଶାକ୍ତିଦାନ୍ ନେଗେଣ୍ତ୍ କିତାନ୍। ମାପୁ ଯିଶୁଦି ମୁସ୍କୁ ବିସ୍ବାସ୍ କିଜିନାପ୍।”
“ଆକା ନିନୁନେ ନା ଏୟେନ୍ଗି ଆୟା ରୋମିୟ ରାଜ୍ୟପାଲ୍ଦି ଯିଶୁଦିଙ୍ଗ ଡ଼େଇନି ୱାନ୍ଦିଙ୍ଗ୍ ୱେର୍ତିମାହି। ମିରୁ ୱାନିଙ୍ଗ୍ ସାପିସ୍ତିଦେର୍ ଏୟେନ୍ଗି ୱିଜେରିଙ୍ଗ୍ ଜିଉ ସିଜିମାର୍ହାନ୍। ମାତର୍ ମାପ୍ରୁ ୱାନିଙ୍ଗ୍ ସାତିବାଣାନ୍ ମାରିଡ଼େସି ନିକ୍ତାନ୍। ନିନୁ ବୁଜାଦେଙ୍ଗ୍ ଆଟ୍ଏତି ନିନୁ ଇନିକା କିଜିମାହି।” ମାତର୍ ମିରୁ ଏସ୍ତିୱାଲେ ଆୟା ପାଣି କିଜିମାହିଦେର୍ ମାରି ଏମେକା ବାବବାଦିର୍ ଏମେକା ୱେର୍ତାମାର୍ହାର୍ ଆକା ପୁରା ଆତାତ୍। ୱାରୁ ୱେହ୍ତାମାର୍ହାର୍ ଜେ ମାପ୍ରୁ ଦୁକାମ୍ ପାଏଆନାନ୍ ମାରି ସାନାନ୍। ମାପ୍ରୁ ଦାନିଙ୍ଗ୍ ଇୟାୱାଜା ଆଦେଙ୍ଗ୍ ସିତାନ୍। ଆୟାୱାନ୍ଦିଙ୍ଗ୍ ୱାଣ୍ତ୍ରୁ, ପାପାମ୍ ମାନାପିନ୍ ମାରି ମାପ୍ରୁଦି ଡାଗ୍ରୁ ଡ଼େସି ରାପିନ୍, ଏଣ୍ତେସ୍ଗି ୱାଣ୍ତ୍ରୁ ମି ପାପାମ୍ କେମା କିନାନ୍।”
ଏସ୍ତିୱାଲେ ମନ୍ଦିରଦି ନେତାର୍ ପିତର ମାରି ଯୋହନଦି ମାଟା ୱେହ୍ହାନ୍, ୱାଣ୍ତ୍ରୁ ନାଣ୍ତୋ ତିଲାତାନ୍। ଆୟାୱାନ୍ଦିଙ୍ଗ୍ ୱାରୁ ୱାନିଙ୍ଗ୍ ତହ୍ସି ଜେଲ୍ଦୁ ଇଟ୍ତାର୍। ମାତର୍ ପିତର ଏମେକା ୱେହ୍ତାମାର୍ହାନ୍ ଆକା ନାଣ୍ତୋ ଲୋକୁ ବିସ୍ବାସ୍ କିତାର୍। ଯିଶୁଦିଙ୍ଗ୍ ବିସ୍ବାସ୍ କିନି ଲୋକା ସଂକ୍ୟା ପାକାପାକି ଆଇଦୁୱେଲୁ ମାନ୍ଦି ବୁଦି ପାଏଆତାର୍।
ଆଗ୍ଡ଼ି ଦିନାମ୍, ୱାରୁ ଯିହୁଦୀ ନେତାର୍ ପିତର ମାରି ଯୋହନଦିଙ୍ଗ୍ ପେରିଜାଜକ୍ ମାରି ଆଇ ଦାର୍ମୁଦି ନେତାଦି ମୋକମ୍ ଏଦ୍ରୁ ତାତାର୍। ୱାରୁ ସଟା ଲୋକୁଦିଙ୍ଗ୍ ୱିଜୁ ତାତାମାର୍ହାର୍। ୱାରୁ ପିତର ମାରି ଯୋହନଦିଙ୍ଗ୍ ୱେହ୍ନ୍ବାତାର୍, “ନିନୁ ଆୟା ସଟା ଲୋକୁଦିଙ୍ଗ୍ ଏମେ ଅଦିକାର୍ଦାନ୍ ନେଗେଣ୍ତ୍ କିତି?”
ପିତର ଉତର୍ ସିତାନ୍, “ନି ମୋକମ୍ଏଦ୍ରୁ ନିଲ୍ତିମାନି ଇୟା ଲୋକୁ ଯିଶୁ ଖ୍ରୀଷ୍ଟଦି ସାତୁଦାନ୍ ନେଗେଣ୍ତ୍ ଆତାନ୍। ମିରୁ ଯିଶୁଦିଙ୍ଗ୍ କ୍ରୁଶଦୁ ଏକିସ୍ତାର୍ ନି, ମାତର୍ ମାପ୍ରୁ ୱାନିଙ୍ଗ୍ ମାରିଡ଼େସି ନିକ୍ତାନ୍! ନିନୁ ୱାନିଙ୍ଗ୍ ଡ଼ିସ୍ତି ସିତି, ମାତର୍ ଯିଶୁଦି ସାତୁଦାନ୍ ଉଦାର୍ ଆନିକା ଆଇ ଇନି ଉପାୟସିଲେତ୍।”
ଆୟା ନେତାର୍ କାବା ଆତାର୍ ଜେ ପିତର ମାରି ଯୋହନ ନାଣ୍ତୋ ସାସ୍ଦାନ୍ ୱାର୍ଗିତା ମାର୍ହାର୍। ୱାଣ୍ତ୍ରୁ ସୁଡ଼୍ତାନ୍ ଇକାର୍ ସାଦାସିଦା ଲୋକୁ ଏମେକାର୍ ପୋଡାଇଲୋକୁ ମାର୍ହାର୍। ମାତର୍ ଦାନିୱେନ୍କା ୱାରୁ ଅଡ଼୍ବିତାର୍ ଜେ ଇୟା ଲୋକୁ ଯିଶୁଦି ୱାଲେ ମାର୍ହାର୍। ମାରି ୱାଣ୍ତ୍ରୁ ୱାରିଙ୍ଗ୍ ୱେର୍ତାର୍, “ମାପୁ ମିଙ୍ଗିଁ ନାଣ୍ତୋ ଡାଣ୍ତ୍ଗୁ ସିନାପ୍, ମାରି ମିରୁ ଇୟା ଯିଶୁଦିମାଟା ମାରି ଆଇଲୋକା ଡାଗ୍ରୁ ୱେର୍ନିଦେର୍ ଇୟାୱାଜା ନାଣ୍ତୋ ମାଟା ୱେହ୍ତି ୱେନ୍କା ୱାରୁ ପିତର ମାରି ଯୋହନଦିଙ୍ଗ୍ ସନ୍ଣ୍ତ୍ରେଙ୍ଗ୍ ସିତାର୍।
ପ୍ରେରିତ ୩:୧-୪:୨୨ ଦି ଉଣ୍ତ୍ରେ ବାଇବଲ ଦି କାତାନି
Free to use, adapt, and share under an open license (CC BY-SA 4.0).