7. ୭. ମାପ୍ରୁ ଯାକୁବଦିଙ୍ଗ୍ ଆର୍ଶିବାଦ୍ କିତାନ୍
ଏସ୍ତିୱାଲେ ଆୟାକଢର୍ ପେରିକାର୍ ଆତାର୍ ଯାକୁବଦିଙ୍ଗ୍ ଇଣ୍ଡ୍ରୋମାଣ୍ଡ୍ରେଙ୍ଗ୍ ନେଗେଣ୍ଡ୍ ଲାଗେ ଆତାତ୍, ମାରି ଏସାଉଦି ଜାନ୍ତୁଙ୍ଗ୍ ସିକାର କିଦେଙ୍ଗ୍ ନେଗେଣ୍ଡ୍ ଲାଗେ ଆତାତ୍। ରିବିକା ଯାକୁବଦିଙ୍ଗ୍ ଲାଡ଼୍ କିଜି ମାର୍ହାତ୍, ମାରି ଇସାକ୍ ଏସାଉଦି ଲାଡ଼୍ କିତାନ୍।
ଉଣ୍ଡ୍ରି ଦିନାମ୍,ଏସ୍ତିୱେଡ଼ାଦୁ ଏସାଉ ୱେଟା ସନ୍ସି ୱାତାନ୍ ନେ ୱାନିଙ୍ଗ୍ ନାଣ୍ଡୋ ବାଙ୍ଗାଁକାଟ୍ତାତ୍। ଏସାଉ ଯାକୁବଦିଙ୍ଗ୍ ୱେର୍ତାନ୍, “ଏମେ ଜାୱା ନିନୁ ୱାର୍ତିମାନି ଆବେଣାନ୍ ଖାଣ୍ଡେକ୍ ନାଙ୍ଗିଁ ସିଦା।” ଯାକୁବ ୱେର୍ତାନ୍, “ ପରତୁମ୍ ନାଙ୍ଗିଁ ପରମାନ୍ କିଆମେ ପର୍ତୁମ୍ ଜନମ୍ ଆନିଦାନିଙ୍ଗ୍ ଏମେୱିଜୁ ବିଷୟ୍ ନିଙ୍ଗିଁ ପୁଟ୍ନାତ୍,ଆୟା ୱେଜୁ ନାଙ୍ଗିଁ ସିଦା।” ମାରି: ଏସାଉ ଆୟା ୱିଜୁ ବିଷୟ୍ଦି ଯାକୁବଦିଙ୍ଗ୍ ସିଦେଙ୍ଗ୍ ପର୍ମାନ୍ କିତାନ୍। ମାରି ଯାକୁବ ୱାନିଙ୍ଗ୍ ଖାଣ୍ଡେକ୍ ଜାୱା ସିତାନ୍।
ଇସାକ୍ ଯାକ୍ବଦିଙ୍ଗ୍ ଆର୍ଶିବାଦ୍ ସିଦେଙ୍ଗ୍ ଇଷ୍ଟାମ୍ କିଜି ମାର୍ହାନ୍। ମାତର୍ ଆକା ଇକା କିନି ଆଗ୍ଡି, ରିବିକା ମାରି ଯାକୁବଦି ଏସାଉ ୱାନିୱାଜା ଆଜି ଧକା ସିତାନ୍। ଇସାକ୍ ଡକ୍ରା ମାର୍ହାନ୍ ମାରି ସୁଡ୍ଦେଙ୍ଗ୍ ଆଟ୍ଏଣ୍ଡା ମାର୍ହାନ୍। ଏମେଣାନ୍ ଯାକୁବ ଏସାଉଦି ସକା ଇଟ୍କାଜି ମାରି ଗୋରିଆ ତୋଲୁ ନିଜେ ଗୁଞ୍ଜାମ୍ଦୁ ମାରି କିଦୁଦୁ ପିଡ୍ଗାତା ମାର୍ହାନ୍।
ଯାକୁବ୍ ଇସାକ୍ ଡାଗ୍ରୁ ୱାଜି ୱେର୍ତାନ୍, “ନାନୁ ଏସାଉ। ନାନୁ ଇୟାୱାନ୍ଦିଙ୍ଗ୍ ୱାତାମାନା ଜେ ନିନୁ ନାଙ୍ଗିଁ ଆର୍ଶିବାଦ୍ କିୟା।” ଏସ୍ତିୱାଲେବା ଇସାକ୍ ଗୋରିଆ ତୋଲୁଦି କୁକୁଟି ନେସ୍ତାନ୍ ମାରି ସକାଦିଙ୍ଗ୍ ମୁଞ୍ଜିତାନ୍, ମାରି ଇସାକ୍ ଅଢ୍ବିତାନ୍ ଜେ ଆୟାକାନ୍ ଏସାଉ ମାରି ଆର୍ଶିବାଦ୍ କିତାନ୍।
ଏସାଉ ଯାକୁବଦିଙ୍ଗ୍ ଗିଣ୍ କିତାନ୍ ଏନିଦାନିଙ୍ଗ୍କଗି ଯାକବ ଏସାଉଦି ପର୍ତୁମ୍ କୋଢଦି ଅଦିକାର୍ ମାରି ୱାନି ଆର୍ଶିବାଦ୍ ଡ଼ଙ୍ଗାକିଜି ଅତା ମାର୍ହାନ୍। ଆୟାୱାନ୍ଦିଙ୍ଗ୍ ଏସାଉ ୱାରିବୁବାରିଙ୍ଗ୍ ସାତି ୱେନ୍କା ଯାକୁବଦିଙ୍ଗ୍ ସାଗାମାର୍ଗା ଡ଼େଇଦେଙ୍ଗ୍ ଆକାନ୍ ଯୋଜନା କିତାନ୍।
ମାରି ରିବିକା ଏସାଉ କିତି ଯୋଜନା ୱେର୍ହାତ୍। ଇୟାୱାନ୍ଦିଙ୍ଗ୍ ରିବିକା ମାରି ଇସାକ୍ ଯାକୁବଦିଙ୍ଗ୍ ୱାରିଙ୍ଗ୍ ଆକ ଲୋକାଦି ୱାଲେ ମାଣ୍ଡ୍ରେଙ୍ଗ୍ ପୋକ୍ତାନ୍।
ଯାକୁବ ରିବିକେଙ୍ଗ୍ ଲୋକାବାକୁ ୱାଲେ ଏସୋ ପାଟେଙ୍ଗ୍ ମାନ୍ଜି ମାର୍ହାର୍। ଆୟାୱେଡ଼ାଦୁ ଆକାତ୍ ପେଡ଼ିଆତାତ୍ ମାରି ୱାରିଙ୍ଗ୍ ପାନେଣ୍ଡୁ କଢୋର୍ ମାରି ଉଣ୍ଡ୍ରି ଆଇଲି ମାର୍ହାତ୍। ମପ୍ରୁ ଦାନିଙ୍ଗ୍ ନାଣ୍ଡୋ ଧନି କିତାନ୍।
ଇରିୱେୟ୍ ପାଟେଙ୍ଗ୍ କାନାନ୍ ଦେଶେମଦୁ ନିଜେ ଇଲୁଦାନ୍ ଆକମାର୍ହି ୱେନ୍କା, ଯାକୁବ ୱାରି ପରିବାର୍ ୱାଲେ, ୱାରି ଗତି ମୁର୍ଲିୱାଲେ ମାରି ୱାରି କଡ଼ିଙ୍ଗ୍ ଗରିଏଙ୍ଗାଁ ୱାଲେ ଆବେ ଇତାର୍।
ଯାକୁବ ତିଏଲାଜି ମାର୍ହାନ୍ ମାରି ଆକାନ୍ ଅଡ଼୍ବିଜି ମାର୍ହାନ୍ ଗାନି ଇଏଲ୍ବା ଏସାଉ ୱାନିଙ୍ଗ୍ ଡ଼େଇଦେଙ୍ଗ୍ ଅଡ୍ବିତାନ୍। ଆବେଣାନ୍ ଉପହାର୍ ୱାଜା ଏସାଉୱାନ୍ଦିଙ୍ଗ୍ ନାଣ୍ଡୋ କଡ଼ିଗରିଏଙ୍ଗାଁ ଏସାଉଦିଙ୍ଗ୍ ସିଜି ପୋକ୍ତାନ୍। ଆୟା ଗତି ମୁର୍ଲିଦିଙ୍ଗ୍ କଡ଼ିଙ୍ଗ୍ ଗରିଏଙ୍ଗ୍ଁ ତାତାମାର୍ହାର୍ ଆୟାକାର୍ ଏସାଉଦିଙ୍ଗ୍ ୱେର୍ତାର୍, “ମି ଗତି ଯାକୁବ, ନିଙ୍ଗିଁ ଇୟା କଡ଼ିଗରିଏଙ୍ଗ୍ଁ ସିତାମାନାନ୍। ଆକାନ୍ ଦାପ୍ରେ ୱାଜିନାନ୍।
ମାରି ଏସାଉ ଯାକୁବଦିଙ୍ଗ୍ ନାଷ୍ଟାମ୍ କିଦେଙ୍ଗ୍ ଇଷ୍ଟାମ୍ କିଏଣ୍ଡା ମାର୍ହାନ୍। ଇୟାୱାନ୍ଦିଙ୍ଗ୍, ଆକାନ୍ ୱାନିଙ୍ଗ୍ ମାରିଅର୍ସୁ ସୁଡ଼୍ଜି ନାଣ୍ଡୋ ସାର୍ଦା ଆତାନ୍। ଇୟାୱାନ୍ଦିଙ୍ଗ୍ ରିଏର୍ ବାଇର୍ ନେଗେଣ୍ଡ୍ଦାଣ୍ କାନାନ୍ ଦେଶେମ୍ଦୁ ମାର୍ହାର୍। ମାରି ଇସାକ୍ ସାତାନ୍ ମାରି ଏସାଉ ୱାନିଙ୍ଗ୍ ମୁସ୍ତାର୍। ମାପ୍ରୁ ଏମେ ପର୍ମାଣାମ୍ ଆବ୍ରାହାମ୍ଦିଙ୍ଗ୍ କିଜି ମାର୍ହାନ୍ ଆକା ଇଏଲ୍ ଇସାକ୍ବାଣାନ୍ ଯାକୁବ ୱାନ୍ଦିଙ୍ଗ୍ ୱାତାର୍।
ଆଦିପୁସ୍ତକ୍ ୨୫:୨୭-୩୫:୨୯ ଦି ଉଣ୍ତ୍ରେ କାତାନି
Free to use, adapt, and share under an open license (CC BY-SA 4.0).