44. पत्रे अन योहन एक भिकरी नं चागंलू करच

एक दन पेत्रस आणि योहन मंदिर आणि जाऊ कऱ्या थो मंदीरना प्रवेश देरवाजा कन जावानी वक्त हीवे एक लंगडा भिकारीन भीक मागतानी वक्त देख्या

पेत्रसए यो भिकारी आदमीन देखिन बोल्यू तून देवानालीये माराकन पैशा काई नी पण माराकन जो छ यो म तून देउत येशुना नामती ऊठ आणि चालतो बन

पटकनच यो लंगडो आदमी चागलु हुई गयु यो चालवान लाग्यो आणि हुडे मारतानी वक्त देवनी स्तुति करवान लाग्यो

यो चागला हूऐला आदमीन देखवानाली ये लाकुनी हिना आगल पाछळ गडदी हुईगी पेत्रस हिवन बोल्यो आ आदमी चागली हुईग्यो हिनी तुम से नवल करुकर? हामे हामारा सामर्थ ती किवा हामारा चांगला पणती हीन चांगलू कोनी करू तर हीन येशूनी शक्तीती आणि देवये दिदेला विश्वासती यो आदमी चांगलू हुदु

तुमे रोमी सम्राटम येशुन जगवान आणि मरवान बोल्यू तुमे जीवनदातान ठार करीदिदो तरीबी देवये हीन मरीनबी हीन डबन उठयी जरी तुम काईबी करू कर्ता हुशे यो तुमनच समजु कोणी तरीबी देवये तुमरू करीनबी मसिहा दुख लेशे आजिक मरीजसे यो भविष्यवाणी पुरी करी लिदी आ वातना लिये पश्चताप करो आणि देवकर जाओ म्हणजे तुम्हारा पाप धुवाई जासे

मंदिरम पुढारी पेत्रस आणि योहन हावनु बोलनु हुईगयु म्हणुन हिवे हिवन धरीन तरुगम घाल्या परतु घना लोकुए पेत्रसना वचनपर विशश्वास मेल्हो आणि हाक्या विश्वास वालावनी संख्या वाढीन आदुगर 5000 हुई गई थी

दुसरा दन यहुदी पुडा हावे पेत्रस आणि योहान हावन महायाजकना कन्ह आणि सबन थर्मपुढा हावनाकन ऊभा कऱ्या त्यावे पेत्रस आणि योहन हावन ईचारी तुम कोनती शक्तीनाद्वारे आ लंगडा आदमीन चागलू कऱ्यो

पेत्रस हिवन बोल्यो आ, आदमी येशु ख्रिस्त ना नामती चागलु हुई तुम्हाराकन उभुछ तुमे येशुन खिल्ल माऱ्या परतु देवए हीन. डबल जिवतो कऱ्यो तुमे हीन नकाऱ्यो, परतु येशु ख्रिस्तना सामथयनाविवाम तारणणो दुसरो रस्ती काइनी.

आ ऐकिन धर्मिक पुढा हावन नवलनी धक्को बेशो करणकी पेत्रस आणि यो हान साधा आणि आडानी आदमी रईनवी हिवनाकन मोठा आवाजती बोलु कऱ्या परतु यो येशुना विश्वासम था हीवे ओलख्यू फेरी हीवे पेत्रसन आणि योहन धमकाय आणि जावा दिदा.