9. देव मोशेन निवड करच

योसेफ मरव्याना बादम, दिना सबन नातेवाईक मिसर देशम रव्हान लागये। ये अनं दिनी परिवार कईक साल ह्यो रहये अनं दिन घना लळका हैया, हिवन इस्त्रादा आम बेलु लागये।

कईक सालना बदम इसरायली लोकुणी संख्या खूप वाही गई, योसेफयेकरिली काम गिरिनी मिश्री लोकन विश्वास मिलीगये। हिवये दिन इस्रायली लोकुणी डर लागु करणे कारण ये घना था। म्हणून तद मिस्रापर राज्य करू करताया फारोन इस्राएल लोकून मिसरी लोकून गुलाम करि राख्ये।

मिसरी लोकये इस्राएलना घना इमारत बिडिंग बाध काम करि दिदा अन मोठमोठा शहर निर्माण बनिगय मदत करि। आम महीनता कामती हिवन जिवन खुप त्रासदायक किवा महीननु कये, परन्तु देवये हिवन आशीर्वाद दिये अन हिवन आजुन लळका हैये।

फारोये देख्य कि इस्राएल लोकूणी घना लळका हैऊ करये, म्हणून हिये आदेश दीदे कि इस्राएलना लळकान नाइल नदीम फेकी देओ।

एक इस्राएली बाईये एक लळकान जन्म दिये हिये अन हिये अन हिना आदमीये आपन लळकान काही वेळ पर्यत लपविआनु प्रर्थन करे।

ज ये लळकान आईबाप दिन लवाई सकये कोमी, तद हिवये ये लळकान मरणकंती बचावन पर्यन करे, एक टैपलिम आपन लळकान मडईन ये नाइल नदीना किनारपती पाणीणी घरपर मंड़ाई। ये लळकान मेठी बई हिन् सु होशेल ये देखडे करती थी।

फारोना लळकीये थे टोपली खेली अदर देख्येता, जद हिय ये लळकान देख्येता, तद हिये आपनू लळकु बनईलिधू। दिये दीनं लळकान दुध पीलवानवास्तर एक इस्राएली बाई बुलाई, परन्तु ये हिनी। आया थी, ये हिन् माहित केनी जय ये लळकु मोठे हैईगये अंन हिन् आपनी आयानु दुधनी आवाश्कताथी केणी, तद हिये दिन फारोनी लळकी आळी दिलाव्ये, हिये हिन् नाम मोशे मडाये।

एक दण, जद मोशे मोठे है वे, तद हिये एक मिसरी आदमी न एक यहूदी गुलामन मारतनी देख्ये। मोशेय आपन इस्राएलयेन भाईन बचावानु पयने करे।

आपन केई देखू कर ओ देखीन मोशेये ये मिसरीन जीवती खतम अंन हिनू शरिरनी माती दिदी परन्तु मोशेन करेलू आ काम केई तरी देखऊ करे।

जद फारोनये मोशेन करेला कामजी विपच आयकेय नद दिले हिन् मारडालने प्रर्यन करये। फारोना शिपाईकनंती सुरक्षित रेव्हानवास्तरमोशे मिसर देश छड़ीनं जंगलम नाशी गये।

मोशे हाकये मिसर देसन छूळीन दूर जंगलम आपन मेंठरे चरवान लागे। हिये ह्योच एक बाईनी याहा करि लीद हिनं लळका हेया।

एक दान मेंढरा चारवतानी आम हैये कि, मोशेय एक झाड़ कण थ तद देख्ये। ये बारकाईती दिखनं गये। ये झाड कण गये, ये हचो जो झाड नलु करतुयी झाड कण जातानी देखने आपन दिनपर आयकू आये, “मोशे, तू आपना गोळमना जोड़े काढ। कारण तू एक पवित्र भूमीपर उभे।”

देव बेल्ये, “महे आपना लोकुण दुःख दैखीराख्या, म तुनं फ़ारोआळी माश लोकुण मिसरानी गुलामगिरीमती बेचवनंवास्तर तुन मैकलूच म तुन कनान देश देणोवाले छु, जे महै अब्राहाम, इसहाक अन याकोबन देवानी प्रतिज्ञा करी थी।”

मोशे बेल्ओ, “जर लोकू तुन विचारशे तुन किहै मोकल्यो तद म हिवन सु बेलीय?” देव बेलओ, “म छु तू छ हिवन बेल, मछ हिवये मज तुम्हरा आळी मोकओ छ, आ बेल कि म हिवने पूर्वजनु। अर्थ अब्राहाम इसहाक अन याकोबने देव छू आय मारी संतान छ।”

मोशे खुप घब्रईगयथे अन फ़ारोआळी जाऊकोणी आम बेलान लागओ कारण दिन व्यवस्तिती बोलत आव कोणी, म्हणून देवये मोशेने भाई, अहरोन दिनी मदतकरान वास्तर मोकव्ये देवये मोशे अन अहरोनन अगुदरच बेलिदिदे कि फ़ारो हटपणा कररोल।