11. ୧୧. ନିସ୍ତାର୍ ପାର୍ବୁ
ଈଶ୍ୱର ଫାରଙ୍ଗ୍ ଜାଗ୍ରତ୍ କିୟିକିଜି ୱେଚ୍ଚାନ୍, “ଯଦି ହେୱାନ୍ ଇସ୍ରାଏଲ ଜାତିନିକାରିଙ୍ଗ୍ ହାଞ୍ଜେଙ୍ଗ୍ ହିଉନ୍, ଲାଗିଙ୍ଗ୍ ହେୱାନ୍ ମାନାୟ୍ ଆରେ ପଶୁକାଙ୍ଗ୍ ପାର୍ତୁମ୍ ଜନମ୍ ଆତାକାରିଙ୍ଗ୍ ମାର୍ନେ ଅହ୍ନାର୍।” ଫାର ଏଚେପଦ୍ନା ଇ କାତା ୱେଚାନ୍ ହେୱାନ୍ ଆତିସ୍ପା ପାର୍ତି କିଦେଙ୍ଗ୍ ଆରେ ଈଶ୍ୱର ଆଦେସ୍ତିଙ୍ଗ୍ ମାନିକିଦେଙ୍ଗ୍ ମୁନା କିତାନ୍।
ହେୱାନ୍ତାକେ ଇମ୍ଣାକାର୍ ପାର୍ତି କିତାର୍ ଈଶ୍ୱର ହେୱାର୍ ପାର୍ତୁମ୍ ଜନମ୍ ଆତି ୱିଜାକାରିଙ୍ଗ୍ ରକ୍ଷା କିଦେଙ୍ଗ୍ ର ଉପାୟ୍ ଜଗାଇ କିତାନ୍। ୱିଜୁ ପରିବାର୍ତିଙ୍ଗ୍ ରକ୍ଷା କିଦେଙ୍ଗ୍ ଚିନା ଆୱିତି ମେଣ୍ଢା ହିମ୍ଣାତିଙ୍ଗ୍ ର ମାନ୍ କିଜି ହେଦାଙ୍ଗ୍ତିଙ୍ଗ୍ ମାର୍ନେ ଅସ୍ତେଙ୍ଗ୍ ଲାଗ୍ଦାନାତ୍।
ଈଶ୍ୱର ଇସ୍ରାଏଲ ଜାତି ନିକାରିଙ୍ଗ୍ ମେଣ୍ଢା ହିମ୍ଣାନି ଇଚ୍କେ ନେତେର୍ ତାହିୱାଜି ହେୱାର୍ ଇଲ୍ନି ଦୁୱାର୍ ବାନ୍ଦାନି ଚାରିବେଣ୍ତାଙ୍ଗ୍ କାଜ୍ଦେଙ୍ଗ୍ ୱେଚ୍ଚି ମାଚାନ୍, ଆରେ ଜେଇ ହୁଜ୍ଦି ତାଡ଼ି ମାହାଆୱିତି ରୁଟି ବେଗି ଚିଞ୍ଜେଙ୍ଗ୍ ୱେଚ୍ଚି ମାଚାନ୍। ହେୱାର୍ ତିନ୍ଞ୍ଜି ୱିସ୍ତି ପାଚେ ମିଶର ଦେସ୍ତାକାରିଙ୍ଗ୍ ପିସ୍ତିହିନି କାଜିଙ୍ଗ୍ ରେଡି ଆଦେଙ୍ଗ୍ ପା ହେୱାନ୍ ୱେଚ୍ଚି ମାଚାନ୍।
ଈଶ୍ୱର ଇନେସ୍ ହେୱାରିଙ୍ଗ୍ କିଦେଙ୍ଗ୍ ଆଦେସ୍ ହିଜି ମାଚାନ୍, ଇସ୍ରାଏଲନି ମାନାୟାର୍ ହେ ୱିଜୁ କାମାୟ୍ କିତାର୍। ନାଣାଲିଙ୍ଗ୍ ଈଶ୍ୱର ମିଶର ଦେସ୍ ନିପଣ୍ ହାଲ୍ଜି ପାର୍ତୁମ୍ ଜନମ୍ ଆତି ହିମ୍ଣାକାଙ୍ଗ୍ ମାର୍ନେ ଅସ୍ତାନ୍।
ଇସ୍ରାଏଲନି ମାନାୟାର୍ ଇଲ୍ ଚାରିବେଣ୍ତାଙ୍ଗ୍ ନେତେର୍ ଆଣ୍ଜି ମାଚାତ୍, ଲାଗିଙ୍ଗ୍ ଈଶ୍ୱର ହେୱେକିୟାକାଙ୍ଗ୍ ପିସ୍ତି ହିତାନ୍। ଇଲ୍ ବିତ୍ରେ ୱିଜାକାର୍ ହାର୍ଦାଙ୍ଗ୍ ମାଚାର୍। ମେଣ୍ଢା ହିମ୍ଣା ନେତେର କାଜିଙ୍ଗ୍ ହେୱାର୍ ଉଦାର୍ ପାୟାଆଜି ମାଚାର୍।
ମାତର୍ ମିଶର ଦେସ୍ତାକାର୍ ଈଶ୍ୱରତିଙ୍ଗ୍ କି ତା ଆଦେସ୍ତିଙ୍ଗ୍ ପାର୍ତି କିୱାତାର୍। ଲାଗିଙ୍ଗ୍ ଈଶ୍ୱର ହେୱାର୍ ଇଲ୍କୁକାଙ୍ଗ୍ ପିହ୍ୱାତାନ୍। ଈଶ୍ୱର ମିଶର ଦେସ୍ନି ୱିଜାକାର୍ ପାର୍ତୁମ୍ ଜଲମ୍ ଆତି ହିମ୍ଣାକାଙ୍ଗ୍ ମାର୍ନେ ଅସ୍ତାନ୍।
ୱିଜୁ ମିଶର ଦେସ୍ନି ୱିଜୁ ପାର୍ତୁମ୍ ଜନମ୍ ଆତାକାର୍ ହାଃତାର୍, ଜଇଲ୍ ଇଞ୍ଜ ବନ୍ଦି ଆଜିମାଚି ପାର୍ତୁମ୍ ଜଲ୍ମ୍ ଆତିତାଙ୍ଗ୍ ଫାର ହିମ୍ଣା ପାର୍ତୁମ୍ ଜନମ୍ ଆତାକାନ୍ ପା ହାଃତାନ୍। କେତେକ୍ ମିଶର ଦେସ୍ତାକାର୍ ହେୱାର୍ ବେସି ଦୁକ୍ ଆତି କାଜିଙ୍ଗ୍ ଆଡ଼୍ବିସ୍ ମାଚାର୍।
ହେ ନାଣା ଫାର ମୋଶା ଆରେ ହାରଣଙ୍ଗ୍ କୁକ୍ଚି ୱେଚ୍ଚାନ୍, “ଇସ୍ରାଏଲ ଜାତିନି ମାନାୟାରିଙ୍ଗ୍ ଅଜି ବେଗି ମିଶର ଦେସ୍ ପିସ୍ତି ହାଲାଟ୍!” ମିଶର ଦେସ୍ନି ମାନାୟାର୍ ପା ଇସ୍ରାଏଲ ମାନାୟାର୍ ହୁଦାଙ୍ଗ୍ ମିଶର ଦେସ୍ ପିସ୍ତି ହାଞ୍ଜେଙ୍ଗ୍ ଗୁୱାରି କିତାନ୍।
ବାଇବଲ୍ନି ର କାତା: ଯତ୍ରାବହି ୧୧:୧- ୧୨:୩୨
Free to use, adapt, and share under an open license (CC BY-SA 4.0).