15. ୧୫. ଈଶ୍ୱର ହିଦ୍ନାଙ୍ଗ୍ ଇଞ୍ଜି ପାର୍ମାଣ୍ କିତି ଦେସ୍
ହାରିହାରା ଈଶ୍ୱର ହିଦ୍ନାଙ୍ଗ୍ ଇଞ୍ଜି ପାର୍ମାଣ୍ କିତି ଦେସ୍ କିଣାନ ଦେସ୍ତାକେ ଇସ୍ରାଏଲନି ମାନାୟାର୍ ଜାଞ୍ଜେଙ୍ଗ୍ ର ସମୟ୍ ମାଚାତ୍।ବାଡ଼୍କାସ୍ ବାଉଣ୍ଡେରିତାଙ୍ଗ୍ ଗାଚିୟାଆତି କିଣାନ ସହର୍ ଯିରୀହୋ ନଗର୍ ବିଷୟରେ ବୁଜାଆଜି ୱାନି କାଜିଙ୍ଗ୍ ଯିହୋଶୁୟ ରିକାର୍ ଡ଼ୁଗ୍ଜି ଚର୍ନା କାରିଙ୍ଗ୍ ପକ୍ତାନ୍। ହେ ଦେସ୍ତାକେ ରାହାବ ତର୍ଦି ରକାନ୍ ଦାରୁଲା ମାନାୟ୍ ମାଚାନ୍।ହେୱାନ୍ ହେ ଡ଼ୁଗ୍ଜି ଚର୍ନାକାରିଙ୍ଗ୍ ଡ଼ୁଗ୍ଜି କୁହ୍ଡ଼ା ଆଜି ହାଞ୍ଜେଙ୍ଗ୍ ସାଇଜ କିତାନ୍। ହେୱାନ୍ ଇଲେକେ କିତାନ୍, ଇନେସ୍କି ହେୱାନ୍ ଈଶ୍ୱରତାକେ ପାର୍ତି କିତାନ୍। ହେୱାର୍ ଯେ ରାହାବ ଆରେ ତା ପରିବାର୍ତିଙ୍ଗ୍ ରକ୍ଷା କିନାର୍।ଏଚେପାଦ୍ନା ଇସ୍ରାଏଲନି ମାନାୟାର୍ ଯିରୀହୋଙ୍ଗ୍ ନଷ୍ଟ କିନାନ୍ ଇଞ୍ଜି ପାର୍ମାଣ୍ କିତାର୍।
ହେପାଦ୍ନା ଇସ୍ରାଏଲନି ମାନାୟାର୍ ଈଶ୍ୱର ହିଦ୍ନାଙ୍ଗ୍ ଇଞ୍ଜି ପାର୍ମାଣ୍ କିତି ଦେସ୍ତାକେ ହାଞ୍ଜେଙ୍ଗ୍ ଯର୍ଦନ୍ ନାଗୁଡ଼୍ ନାସି ହାଚାର୍।ଈଶ୍ୱର ଯିହୋଶୁୟଙ୍ଗ୍ ୱେଚ୍ଚାନ୍, “ଈଶ୍ୱର ହେବାକିନି ମୁଡ଼୍ଦି ପୁଜାରିର୍ ପାର୍ତୁମ୍ ହାଲେର୍।” ଏଚେପାଦ୍ନା ଈଶ୍ୱର ହେବାକିନି ମୁଡ଼୍ଦି ପୁଜାରିର୍ ଯର୍ଦନ୍ ନାଗୁଡ଼୍ତ କାଲ୍ ତଗ୍ଦେଙ୍ଗ୍ ଆରମ୍ କିତାର୍, ହେପାଦ୍ନା ଜପିଣି ବାଗ୍ଦ ମାନି ଏଜୁଙ୍ଗ୍ ହାନିକିଙ୍ଗ୍ ବନ୍ଦ୍ ଆତିକ୍ ଇନେସ୍କି ଇସ୍ରାଏଲନି ମାନାୟାର୍ ୱାଚ୍ଚି ମେଦ୍ନିତାକେ ତାଙ୍ଗ୍ଜି-ତାଙ୍ଗ୍ଜି ଯର୍ଦନ୍ ନାଗୁଡ଼୍ ନାତାର୍।
ମାନାୟାର୍ ଯର୍ଦନ୍ ନାଗୁଡ଼୍ ନାତି ପାଚେ, ଶାକ୍ତିକାଟି ଦେସ୍ ଯିରୀହୋଙ୍ଗ୍ ଇନେସ୍ ଯୁଜ୍ କିଜି ଆରାୟ୍ କିଦେଙ୍ଗ୍ ଆନାତ୍ ହେଦାଙ୍ଗ୍ ଈଶ୍ୱର ଯିହୋଶୁୟଙ୍ଗ୍ ୱେଚ୍ଚି ମାଚାନ୍। ମାନାୟାର୍ ଈଶ୍ୱର କାତାତିଙ୍ଗ୍ ମାନି କିତାର୍। ଈଶ୍ୱର ଇନେସ୍ ୱେଚ୍ଚାନ୍, ହେଲେକେ ସେନାର୍ ଆରେ ଈଶ୍ୱର ହେବାକିନି ମୁଡ଼୍ଦି ପୁଜାରିର୍ ଦିନ୍ତିଙ୍ଗ୍ ରଗ ଇଲେକେ ଚଅ ଦିନ୍ ଯିରୀହୋ ଦେସ୍ନି ଚାରିବେଣ୍ତାଙ୍ଗ୍ ବୁଲାଆତାର୍।
ତାପାଚେ ସାତ୍ ଦିନ୍ତ, ଇସ୍ରାଏଲନି ମାନାୟାର୍ ସାତ୍ ହଟ୍ ବୁଲାଆତାର୍। ଏଚେପାଦ୍ନା ହେୱାର୍ ଦେସ୍ନି ଚାରିବେଣ୍ତାଙ୍ଗ୍ ହାରିହାରା କାଜିଙ୍ଗ୍ ବୁଲାଆତାର୍, ହେପାଦ୍ନା ସେନାର୍ ଜୟ୍-ଜୟ୍ କିତାର୍ ଆରେ ଈଶ୍ୱର ହେବାକିନି ମୁଡ଼୍ଦି ପୁଜାରିର୍ ହେୱାର୍ ତା ମରିଙ୍ଗ୍ ତୁବ୍ତାର୍।
ହେପାଦ୍ନା ଯିରୀହୋନି ବାଉଣ୍ଡେରି ବାଡ଼୍ହା ଆତାତ୍, ଈଶ୍ୱର ଆଦେସ୍ ଅନୁସାରେ ଇସ୍ରାଏଲନି ମାନାୟାର୍ ଦେସ୍ତାକେ ୱିଜୁ ଜିନିଷ୍ତିଙ୍ଗ୍ ନଷ୍ଟ କିତାର୍।ହେୱାର୍ ରାହବ ଆରେ ତା ପରିବାର୍ତିଙ୍ଗ୍ ନେ ରକ୍ଷା କିତାର୍, ହେୱାର୍ ଇସ୍ରାଏଲନି ଲାତ୍ରା ଆତାର୍। କିଣାନ ଦେସ୍ତାକେ ବାହାକିନି ଜେକନି ମାନାୟାର୍ ଏଚେପାଦ୍ନା ୱେଚାର୍ ଯେ ଇସ୍ରାଏଲନି ମାନାୟାର୍ ଯିରିହୋଙ୍ଗ୍ ନଷ୍ଟ କିତାର୍ନା, ହେୱାର୍ ପାଣ୍ଡ୍ରା ଆତାର୍ ଯେ ଇସ୍ରାଏଲନି ମାନାୟାର୍ ମାଙ୍ଗେଙ୍ଗ୍ ପା ଯୁଜ୍ କିଦ୍ନାର୍।
କିଣାନ ଦେସ୍ତି ଇମ୍ଣି ମାନାୟ୍ ଦଳ୍ ହୁଦାଙ୍ଗ୍ ରାଜିରାମା କିୱେଦେଙ୍ଗ୍ ଈଶ୍ୱର ଇସ୍ରାଏଲନି ମାନାୟାରିଙ୍ଗ୍ ଆଦେସ୍ ହିଜି ମାଚାନ୍। ମାତର୍ ଗିବିୟୋନ ତର୍ଦି କିଣାନ ଦେସ୍ତି ମାନାୟ୍ ଦଳ୍ ଯିହୋଶୁୟଙ୍ଗ୍ ମିଚ୍ ୱେଚ୍ଚାର୍ ଯେ ହେୱାର୍ କିଣାନ ଦେସ୍ତାଙ୍ଗ୍ ବେସି ଦେହା ମାନି ର ବାହାତାଙ୍ଗ୍ ୱାତାର୍ନା।ହେୱାର୍ ଯିହୋଶୁୟଙ୍ଗ୍ ହେୱାର୍ ହୁଦାଙ୍ଗ୍ ର ରାଜିରାମା କିନି କାଜିଙ୍ଗ୍ ୱେଚ୍ଚାର୍।
ତିନ୍ଦିନ୍ ପାଚେ, କିଣାନ ଦେସ୍ତାକେ ଗିବିୟୋନୀୟ ଜାତିନି ମାନାୟାର୍ ବାହା କିନାରା ଇଞ୍ଜି ଇସ୍ରାଏଲନି ମାନାୟାର୍ ପୁଚାରା। ହେ ଗିବିୟୋନିୟନି ମାନାଯାର୍ ଇସ୍ରାଏଲନି ମାନାୟାର୍ ଟକାୟ୍ କିଜିମାଚି କାଜିଙ୍ଗ୍ ହେୱାରିଙ୍ଗ୍ ବେସି ରିସା ଆଜି ମାଚାର୍। ମାତର୍ ଇସ୍ରାଏଲନି ମାନାୟାର୍ ହେୱାର୍ ହୁଦାଙ୍ଗ୍ ଶାନ୍ତିନି ରାଜିନାମା ଈଶ୍ୱର ମୁମ୍ଦ କିଜି ମାଚି କାଜିଙ୍ଗ୍ ଶାନ୍ତାତାଙ୍ଗ୍ ବାହା କିତାର୍। ଆରେ କେତେକ୍ ଦିନ୍ ପାଚେ, ଗିବିୟୋନୀୟ ଜାତିନି ମାନାୟାର୍ ଇସ୍ରାଏଲନି ମାନାୟାର୍ ହୁଦାଙ୍ଗ୍ ଶାନ୍ତିନି ରାଜିନାମା କିତି କାତା କିଣାନ ଦେସ୍ତାକେ ବାହାକିଜି ମାଚି ଆରେ ବିନ୍ଜାତି ଆମରିୟନି ମାନାୟାର୍ ରାଜା ୱେଚାନ୍। ଲାଗିଙ୍ଗ୍ କିଣାନ ଆରେ ଆମରିୟନି ରାଜା ତା ସେନାରିଙ୍ଗ୍ ମାହାୟ୍ କିଜି ଗାଜା ସେନାର୍ ଦଳ୍ ଆଜି ଗିବିୟୋନ ମାନାୟାର୍ ବିରଦ୍ତାକେ ଯୁଦ୍ କିଦେଙ୍ଗ୍ ୱାତାର୍।ଲା ଗିଙ୍ଗ୍ ଗିବିୟୋନନି ମାନାୟାର୍ ଯିହୋଶୁୟଙ୍ଗ୍ ସାଇଜ କିଦେଙ୍ଗ୍ କାବୁର୍ ପକ୍ତାର୍।
ଲାଗିଙ୍ଗ୍ ଯିହୋଶୁୟ ଇସ୍ରାଏଲନି ସେନା ଦଳ୍ତିଙ୍ଗ୍ ରବେ କିତାର୍ ଗିବିୟୋନନି ମାନାୟାର୍ ଲାଗାୟ୍ ଏକିନି କାଜିଙ୍ଗ୍ ହାର୍ତା ନାଣା ତାଙ୍ଗ୍ତାର୍। ବର୍ ନାଣାଙ୍ଗେ ହେୱାର୍ ଅମୋରୀୟ ସେନା ଦଳ୍ତିଙ୍ଗ୍ ଚାନିଆ କିଜି ହେୱାରିଙ୍ଗ୍ ଜୁଜ୍ କିତାର୍।
ଈଶ୍ୱର ହେଦିନ୍ ଇସ୍ରାଏଲନି ମାନାୟାର୍ ନିପଣ୍ ଆଜି ଜୁଜ୍ କିତାନ୍। ହେୱାନ୍ ଅମୋରୀୟନି ସେନା ଦଳ୍ତିଙ୍ଗ୍ ଦାନ୍ଦାତାକେ ପକାଇ କିତାନ୍ ଆରେ ଆଞ୍ଜ୍ଗା କାଲ୍ ପକ୍ତାନ୍ ହେଦାଙ୍ଗ୍ କେତେକ୍ ଅମୋରୀୟନି ମାନାୟାରିଙ୍ଗ୍ ଜିବୁନ୍ ଅଜି ମାଚାତ୍।
ଈଶ୍ୱର ବାଦାଡ଼୍ତାକେ ୱେଡ଼ାତିଙ୍ଗ୍ ର ବାହାତାକେ ଟେବାଇ କିଜି ଇଡ଼୍ତାନ୍ ଇନେସ୍କି ଇସ୍ରାଏଲନି ମାନାୟାର୍ ବେସି ସମୟ୍ତ ଅମିରୀୟନି ମାନାୟାରିଙ୍ଗ୍ ପୁରାପୁରି ଆରାୟ୍ କିନାର୍। ହେ ଦିନ୍ ଈଶ୍ୱର ଇସ୍ରାଏଲ କାଜିଙ୍ଗ୍ ର ଗାଜା ଜୁଜ୍ତାଙ୍ଗ୍ ଜିତା ଆତାନ୍।
ଈଶ୍ୱର ଇ ୱିଜୁ ସେନା ଦଲ୍ତିଙ୍ଗ୍ ଆରାୟ୍ କିତି ପାଚେ, ଆରେ କେତେକ୍ କିଣାନ ଦେସ୍ନି ମାନାୟ୍ ଦଳ୍ ଇସ୍ରାଏଲନି ମାନାୟାରିଙ୍ଗ୍ ଜୁଜ୍ କିନି କାଜିଙ୍ଗ୍ ରବେ ଆତାର୍। ଯିହୋଶୁୟ ଆରେ ଇସ୍ରାଏଲନି ମାନାୟାର୍ ହେୱାରିଙ୍ଗ୍ ଜୁଜ୍ କିତାର୍ ଆରେ ନଷ୍ଟ କିତାର୍।
ଇ ଜୁଜ୍ ୱିସ୍ତି ପାଚେ ଈଶ୍ୱର ଇସ୍ରାଏଲନି ୱିଜୁ ଲାତ୍ରାତିଙ୍ଗ୍ ପାର୍ମାଣ୍ କିତି ଦେସ୍ନି ଜାର୍-ଜାର୍ ବାଗ୍ ଅନ୍ସାରେ ହିତାନ୍।ଇଦାଙ୍ଗ୍ ପାଚେ ଈଶ୍ୱର ଇସ୍ରାଏଲନି ହାନ୍ଦିତାକେ ମାନି ୱିଜୁ ଦେସ୍ ହୁଦାଙ୍ଗ୍ ଶାନ୍ତି ହିତାନ୍।
ଯିହୋଶୁୟ ଏଚେପାଦ୍ନା ବୁଡ଼୍ହି ଆତାନ୍, ଇସ୍ରାଏଲନି ୱିଜାକାରିଙ୍ଗ୍ ରବେ କିଜି କୁକ୍ତାନ୍। ତାପାଚେ ଈଶ୍ୱର ଇସ୍ରାଏଲନି ମାନାୟାର୍ ହୁଦାଙ୍ଗ୍ ସୀନୟ ମାଡ଼ିତାକେ ଇମ୍ଣି ନିୟମ୍ କିଜି ମାଚାର୍ ହେ ନିୟମ୍ କାଜିଙ୍ଗ୍ ମାନାୟାର୍ (ପ୍ରତିବଦ୍ଧତା) ବିଷୟରେ ହେୱାରିଙ୍ଗ୍ ୱେଚ୍ଚାନ୍। ମାନାୟାର୍ ଈଶ୍ୱର କାଜିଙ୍ଗ୍ ବିସ୍ବସ୍ତ ମାଞ୍ଜେଙ୍ଗ୍ ଆରେ ତା ନିୟମ୍ ୱିଜୁ ମାନି କିଦେଙ୍ଗ୍ ପାର୍ମାଣ୍ କିତାନ୍।
ବାଇବଲ୍ନି ର କାତା: ଯିହୋଶୁୟ ୧- ୨୪
Free to use, adapt, and share under an open license (CC BY-SA 4.0).