27. ୨୭. ହାର୍ଦି ଶମିରୋଣ ମାନାୟ୍ନି କାତା
ରଦିନ୍ ରକାନ୍ ଯିହୁଦି ସାସ୍ତର୍ ଅବ୍ୟାସ୍ ଆତାକାନ୍ ଯୀଶୁଙ୍ଗ୍ ପରିକ୍ଷା କିଦେଙ୍ଗ୍ ୱେନ୍ବାତାନ୍, “ଗୁରୁ ୱିଜ୍ୱି ଜିବୁନ୍ ପାୟାଆନି କାଜିଙ୍ଗ୍ ଆନେଙ୍ଗ୍ ଇନାକା କିଦେଙ୍ଗ୍ ଆନାତ୍?” ହେୱାନିଙ୍ଗ୍ ଯୀଶୁ ୱେଚ୍ଚାନ୍, “ସାସ୍ତର୍ତାକେ ଇନାକା ଲେକାମାନାତ୍?”
ହେ ସାସ୍ତର୍ ଅବ୍ୟାସ୍ ଆତାକାନ୍ ୱେଚ୍ଚାନ୍, “ଈଶ୍ୱର ସାସ୍ତର୍ ୱେଚ୍ନାତ୍, ଏପେଙ୍ଗ୍ ମାପୃ ଈଶ୍ୱରତିଙ୍ଗ୍ ମି ୱିଜୁ ଗରବ୍, ପାରାଣ୍, ୱିଜୁ ଶାକ୍ତି ଆରେ ୱିଜୁ ମାନ୍ ହିଜି ଲାଡ୍ କିୟାଟ୍।” ଆରେ ମି ପାଡ଼୍ହା ଇଞ୍ଜାକାରିଙ୍ଗ୍ ଲାଡ୍ କିୟାଟ୍।ଯୀଶୁ ୱେଚ୍ଚାନ୍, “ଏନେଙ୍ଗ୍ ଟିକ୍ ୱେଚ୍ଚାଇନା! ଏଲେଙ୍ଗ୍ କିୟା ଲାଗିଙ୍ଗ୍ ଏନେଙ୍ଗ୍ ଜିନାୟ୍।”
ମାତର୍ ହେ ସାସ୍ତର୍ ଅବ୍ୟାସ୍ ଆତାକାନ୍ ଜାର୍ତିଙ୍ଗ୍ ଦାର୍ମି ମାନାୟ୍ ଚଞ୍ଜି ଆଦେଙ୍ଗ୍ ୱେନ୍ବାତାନ୍, “ନା ପାଡ଼୍ହା ଇଞ୍ଜାକାର୍ ଇନେର୍?”
ଯୀଶୁ ହେୱାରିଙ୍ଗ୍ ର କାତା ୱେଚ୍ନି ଲେକେ କିଜି ୱେଚ୍ଚାନ୍, “ରକାନ୍ ମାନାୟ୍ ଯିରୁଶାଲାମ ସହର୍ତାଙ୍ଗ୍ ହାଜ୍ଦ ଯିରୀହୋତାକେ ହାଲ୍ଜି ମାଚାନ୍।”
“ହେୱାନ୍ ଏଚେପାଦ୍ନା ହାଲ୍ଜି ମାଚାନ୍, ହେପାଦ୍ନା ହେୱାନ୍ ର ମାନ୍ଦା ଚର୍କୁତାଙ୍ଗ୍ ମାଡ୍ ଚିଚାନ୍।ତା ଲାଗାୟ୍ ମାଚି ୱିଜୁ ଜିନିଷ୍ ହେ ଚର୍କୁ ଅତାର୍ ଆରେ ହେୱାନିଙ୍ଗ୍ ହାଃନି ପାତେକ୍ ଟ୍ରାକ୍ତାର୍।ତାପାଚେ ହେୱାର୍ ହାଚାର୍।”
“ହେପାଦ୍ନା ରକାନ୍ ଯିହୁଦି ପୁଜାରି ହେ ହାଜି ନିପଣ୍ ଆଜି ହାଲ୍ଜି ମାଚାନ୍। ଏଚେପାଦ୍ନା ହେ ଦରମ୍ ଗୁରୁ ଟ୍ରାକି ଆଜି ତୁହିଆଜି ମାଚି ମାନାୟ୍ତିଙ୍ଗ୍ ହୁଡ଼୍ତାନ୍ ହେପାଦ୍ନା ହେୱାନ୍ ହାଜିନି ଆଣ୍ଟିପାଡ଼୍କାତିଙ୍ଗ୍ ହାଚାନ୍, ଇନେର୍ ସାଇଜ କିନାଙ୍ଗ୍ ଇଞ୍ଜି ଆହାକିଜି ମାନାନ୍ ହେ ମାନାୟ୍ତାଙ୍ଗ୍ ମୁମ୍ ମଡ଼ିକିଜି ହାଚାନ୍।”
“ତାପାଚେ ଅଲପ୍ ସମୟ ପାଚେ, ହେ ହାଜ୍ଦିଙ୍ଗ୍ ରକାନ୍ ଲେବୀୟ ୱାତାନ୍। ଲେବିୟର୍ ଆନାରା ର ଯିହୁଦିର୍ ର ଜାତି ଇନେର୍ ପୁଜାରିରିଙ୍ଗ୍ ମନ୍ଦିର୍ତାକେ ସାଇଜ କିଜି ମାଚାର୍। ଲେବୀୟ ପା ହେ ହାଜି ଆଣ୍ଟାଙ୍ଗ୍ ଆଜି ହାଚାନ୍। ହେ ମାଡ୍ ତିନ୍ଞ୍ଜି ଆଡ଼ାଡାଡ଼ାଆତି ମାନାୟ୍ତାଙ୍ଗ୍ ମୁମ୍ ମଡ଼ିକିଜି ହାଚାନ୍।”
“କେତେକ୍ ସମୟ୍ ହାଚି ପାଚେ ଇମ୍ଣାକାନ୍ ହେ ହାଜ୍ଦିଙ୍ଗ୍ ହାଚାନ୍ ହେୱାନ୍ ରକାନ୍ ଶମିରୋଣନି ମାନାୟ୍ ମାଚାନ୍। ଶମିରୋଣନି ମାନାୟାର୍ ଯିହୁଦି ଲାତ୍ରାନିକାର୍ ଇମ୍ଣାକାର୍ ଜେକିନି ଦେସ୍ତାଙ୍ଗ୍ ବିବା ଆଜି ମାଚାର୍। ଶମିରୋଣନି ମାନାୟାର୍ ଆରେ ଯିହୁଦି ମାନାୟାର୍ ଜାର୍-ଜାର୍ତିଙ୍ଗ୍ ଗିଣ୍ କିଜି ମାଚାର୍। ମାତର୍ ଏଚେପାଦ୍ନା ଶମିରୋଣନି ମାନାୟ୍ ହେ ଯିହୁଦି ମାନାୟ୍ତିଙ୍ଗ୍ ହୁଡ଼୍ତାନ୍, ହେୱାନିଙ୍ଗ୍ କାର୍ମା ଆତାନ୍।ଲାଗିଙ୍ଗ୍ ହେୱାନିଙ୍ଗ୍ ଜାତୁନ୍ ଅତାନ୍ ଆରେ ତା ଗାଉକୁକାଙ୍ଗ୍ ନୁଜ୍ଦି ହିତାନ୍।”
“ତାପାଚେ ହେ ଶମିରୋଣନି ମାନାୟ୍ ହେ ମାନାୟ୍ତିଙ୍ଗ୍ ନିକ୍ଚି ତା ଗଦଜପି କୁଚିକିତାନ୍ ଆରେ ହେୱାନିଙ୍ଗ୍ ହାଜି ଲାଗାୟ୍ନି ର ହଟେଲ୍ ତାକେ ଅତାନ୍ ହେବେ ହେୱାନ୍ ତାଙ୍ଗେଙ୍ଗ୍ ଜାତୁନ୍ କିତାନ୍।”
“ତାଆର୍କାତ୍ ନାଞ୍ଜିଙ୍ଗ୍ ହେ ଶମିରୋଣନି ମାନାୟ୍ ହାଚାନ୍। ହେ ହଟେଲ୍ ଦାୟିତ୍ପରେ ମାନି ମାନାୟ୍ତିଙ୍ଗ୍ କେତେକ୍ ଡାବୁଙ୍ଗ୍ ହିଜି ୱେଚ୍ଚାନ୍, ଇୱାନିଙ୍ଗ୍ ଜାତୁନ୍ ଅୱା ଆରେ ଏନେଙ୍ଗ୍ ଯଦି ଇବେତାଙ୍ଗ୍ ଆଦିକ୍ କର୍ଚ କିନାୟ୍, ଲାଗିଙ୍ଗ୍ ଆନେଙ୍ଗ୍ ଲେଉଟା ଆଜି ୱାନିହିଙ୍ଗ୍ ହେ କର୍ଚ ଆତାକା ୱିଜୁ ହିଦ୍ନାଙ୍ଗ୍।”
ତାପାଚେ ଯୀଶୁ ହେ ସାସ୍ତର୍ ଅବ୍ୟାସ୍ କିତାକାନିଙ୍ଗ୍ ୱେନ୍ବାତାନ୍, “ଏନେଙ୍ଗ୍ ଇନାକା ବାବିକିନାୟା? ଇ ତିନ୍ଜାଣ୍ ବିତ୍ରେତାଙ୍ଗ୍ ଇନେର୍ ଚର୍କୁତାଙ୍ଗ୍ ମାଡ୍ଚିଚି ମାନାୟ୍ତିଙ୍ଗ୍ ପାଡ୍ହା ଇଞ୍ଜାକାର୍ ଇନେରିଙ୍ଗ୍ ଚର୍ କିତାର୍ ଆରେ ମାଡ୍ ହିତାର୍?” ହେୱାନ୍ ୱେଚ୍ଚାନ୍, “ଇନେର୍ ତା କାଜିଙ୍ଗ୍ ଦୟା ଚଚ୍ଚାନ୍, ହେୱାନ୍।” ଯୀଶୁ ହେୱାନିଙ୍ଗ୍ ୱେଚ୍ଚାନ୍, “ଏନେଙ୍ଗ୍ ହାଲା ଆରେ ହେଲେକେ କିୟା।”
ବାଇବଲ୍ନି ର କାତା: ଲୁକ ୧୦: ୨୫- ୩୭
Free to use, adapt, and share under an open license (CC BY-SA 4.0).