36. ୩୬. ବାଦ୍ଲା ଆନାକା
ଦିନେକ୍ ଯୀଶୁ ତା ଚେଲାହିର୍ ବିତ୍ରେତାଙ୍ଗ୍ ତିନ୍ଜାଣ୍ ପିତର, ଯାକୁବ ଆରେ ଯୋହନତିଙ୍ଗ୍ ତା ହୁଦାଙ୍ଗ୍ ଅତାନ୍। ଯୋହନ ତର୍ଦି ଯୀଶୁ ଚେଲା ଆରେ ଯୀଶୁଙ୍ଗ୍ ଡୁବନ୍ ହିଜିମାଚି ଯୋହନ ଆକାୟ୍। ହେୱାର୍ ନିଜେ ପାର୍ତାନା କିନି କାଜିଙ୍ଗ୍ ର ବେସି ପାନ୍ତି ମାଡ଼ିତାକେ ହାଚାର୍।
ଯୀଶୁ ଏଚେପାଦ୍ନା ପାର୍ତାନ୍ କିଜି ମାଚାନ୍, ତା ମୁମ୍ ୱେଡ଼ା ଲେକେ ଅଜଡ଼୍ ଆତାତ୍ ଆରେ ତା ହେନ୍ଦ୍ରା କାଦିଆ ଲେକ ଡ଼ିଣ୍ଚାତ୍, ଇନାକା ପର୍ତିତାକେ ମାନି ଇମ୍ଣି ମାନାୟ୍ ପା ୱେଚ୍ଚେଙ୍ଗ୍ ଆଡୁର୍।
ତାପାଚେ ମୋଶା ଆରେ ଏଲିୟ ଚଞ୍ଜି ଆତାର୍।ଇ ରିକାର୍ ମାନାୟ୍ ଇ ଗଟ୍ନା ଶହେ-ଶହେ ବାର୍ହୁ ଆଗେ ଇ ପର୍ତିତାକେ ମାଚାର୍। ହେୱାର୍ ଯୀଶୁ ହୁଦାଙ୍ଗ୍ ତା ହଃନି ବିଷୟରେ କାତାବାର୍ତା କିଜି ମାଚାର୍, ହେଦାଙ୍ଗ୍ ଯିରୁଶାଲାମ ସହର୍ତାକେ ବେଗି ଗଟାଆଦେଙ୍ଗ୍ ମାଚାତ୍।
ଏଚେପାଦ୍ନା ମୋଶା ଆରେ ଏଲିୟ ଯୀଶୁ ହୁଦାଙ୍ଗ୍ କାତାବାର୍ତା କିଜି ମାଚାର୍, ପିତର ଯୀଶୁଙ୍ଗ୍ ୱେଚ୍ଚାନ୍, “ଆସେଙ୍ଗ୍ ଯେ ଇବେ ମାନାସ୍, ଇଦାଙ୍ଗ୍ ହାର୍। ଆପେଙ୍ଗ୍ ତିନ୍ଗଟା କୁଡ଼ିଆଙ୍ଗ୍ ରହ୍ନାପ୍, ନି କାଜିଙ୍ଗ୍ ରଞ୍ଜାଙ୍ଗ୍, ମୋଶା କାଜିଙ୍ଗ୍ ରଞ୍ଜାଙ୍ଗ୍ ଆରେ ଏଲିୟ କାଜିଙ୍ଗ୍ ରଞ୍ଜାଙ୍ଗ୍।” ପିତର ଇନାକା ୱେଚ୍ଚି ମାଚାନ୍ ହେଦାଙ୍ଗ୍ ହେୱାନ୍ ପୁନ୍ୱାଦାଙ୍ଗ୍ ମାଚାନ୍।
ଏଚେପାଦ୍ନା ପିତର ବେଣ୍ ୱେଚ୍ଚି ମାଚାନ୍, ର ଅଜଡ଼୍ କାଟି ବାଦାଡ଼୍ ତାରେନ୍ ୱାତାତ୍ ଆରେ ହେୱାରିଙ୍ଗ୍ ହେଦାଙ୍ଗ୍ ଡାବାଇ କିତାତ୍ ଆରେ ବାଦାଡ଼୍ତାଙ୍ଗ୍ ଇ ବେଣ୍ ୱାତାତ୍, “ଇୱାନ୍ ମା ଲାଡ୍ନି ମାଜି ଇୱାନିଙ୍ଗ୍ ଆପେଙ୍ଗ୍ ଲାଡ୍ କିତାପ୍। ହେୱାନ୍ତାକେ ମା ୱାରି। ତା ବେଣ୍ତିଙ୍ଗ୍ ୱେନାଟ୍।“ ହେ ତିନ୍ଜାଣ୍ ଚେଲାହିର୍ ପାଣ୍ଡ୍ରାଆଜି ମେଦ୍ନିତ ଗୁର୍ଜି ମାଚାର୍।
ତାପାଚେ ଯୀଶୁ ହେୱାରିଙ୍ଗ୍ ଆସ୍ପାତାନ୍ ଆରେ ୱେଚ୍ଚାନ୍, “ପାଣ୍ଡ୍ରା ଆମାଟ୍ ନିଙ୍ଗାଟ୍।ହେୱାର୍ ଏଚେପାଦ୍ନା ଚାରିବେଣ୍ତାଙ୍ଗ୍ ହୁଡ଼୍ତାର୍,” ହେୱାର୍ ରକାନ୍ ଯୀଶୁଙ୍ଗ୍ ନେ ହୁଡ଼୍ତାର୍।
ଯୀଶୁ ଆରେ ତା ତିନ୍ଜାଣ୍ ଚେଲାହିର୍ ମାଡ଼ିତାଙ୍ଗ୍ ତାରେନ୍ ଜୁଜି ୱାତାର୍। ତାପାଚେ ଯୀଶୁ ହେୱାରିଙ୍ଗ୍ ୱେଚ୍ଚାନ୍, “ଇବେ ଇନାକା ଗଟାଆତାତ୍ ଇନେରିଙ୍ଗ୍ ପା ୱେଚ୍ମାଟ୍। ଆନେଙ୍ଗ୍ ବେଗି ହାଃନାଙ୍ଗ୍ ଆରେ ଆରେରଗ ଜିବୁନ୍ ଆନାଙ୍ଗ୍। ତାପାଚେ ଏପେଙ୍ଗ୍ ମାନାୟାରିଙ୍ଗ୍ ୱେଚ୍ନାଦେର୍।”
ବାଇବଲ୍ନି ର କାତା: ମାଥିଉ ୧୭: ୧- ୨; ମାର୍କ ୯: ୨- ୮; ଲୁକ ୯: ୨୮
Free to use, adapt, and share under an open license (CC BY-SA 4.0).