37. ୩୭. ଯୀଶୁ ଲାଜାରତିଙ୍ଗ୍ ହାଃତିତାଙ୍ଗ୍ ଜିବୁନ୍ କିଜି ନିକ୍ତାନ୍
ଦିନେକ୍ ଯୀଶୁ ର କାତା ପାୟାଆତାନ୍ ଯେ ଲାଜାର୍ ବେସି ବିଡ଼୍ ଆତାନ୍ନା। ଲାଜାର ଆରେ ତା ରିଣ୍ଡେକ୍ ତଣ୍ଦେହିକ୍, ମରିୟମ ଆରେ ମାର୍ଥା, ଯୀଶୁଙ୍ଗ୍ ବେସି ଲାଡ୍ନି ସାଙ୍ଗ ମାଚାଚିକ୍। ଯୀଶୁ ଏଚେପାଦ୍ନା ଇ କାତା ୱେଚାନ୍, ହେୱାନ୍ ୱେଚ୍ଚାନ୍, “ଇ ବେମାର୍ ହାଃନି କାଜିଙ୍ଗ୍ ୱିଜୁତ୍, ମାତର୍ ଇଦାଙ୍ଗ୍ ଈଶ୍ୱର ଗୌରବ କାଜିଙ୍ଗ୍। ଯୀଶୁ ତା ସାଙ୍ଗହିରିଙ୍ଗ୍ ଲାଡ୍ କିଜି ମାଚାନ୍, ମାତର୍ ହେୱାର୍ ଇମ୍ଣି ବାହାତାକେ ମାଚାର୍ ହେବେ ରି ଦିନ୍ ମାଚାନ୍।”
ରିଦିନ୍ ୱିସ୍ତି ପାଚେ, ଯୀଶୁ ତା ଚେଲାହିରିଙ୍ଗ୍ ୱେଚ୍ଚାନ୍, “ୱାଡ ଆସେଙ୍ଗ୍ ଯିହୁଦା ଜିଲ୍ଲାତାକେ ହାନାସ୍।” ଚେଲାହିର୍ ୱେଚ୍ଚାର୍, “ଗୁରୁ ଅଲପ୍ ଦିନ୍ ଆଗେ ମାନାୟାର୍ ନିଙ୍ଗେଙ୍ଗ୍ ମାର୍ନେ ଅସ୍ତେଦେଙ୍ଗ୍ ଇଚା କିଜି ମାଚାର୍।” ଯୀଶୁ ୱେଚ୍ଚାନ୍, “ମା ସାଙ୍ଗ ଲାଜାର ହୁନ୍ଞ୍ଚାଚାନ୍ନା, ଆରେ ଆନେଙ୍ଗ୍ ହେୱାନିଙ୍ଗ୍ ହାତ୍ପା ହୁନ୍ଞ୍ଚିତାଙ୍ଗ୍ ନିକ୍ତେଙ୍ଗ୍ ଆନାତ୍।”
ଯିଶୁ ଚେଲାହିର୍ ୱେଚ୍ଚାର୍, “ଗୁରୁ ଲାଜାର ଯଦି ହୁନ୍ଞ୍ଚାନ୍ନା, ଲାଗିଙ୍ଗ୍ ହେୱାନ୍ ନିଙ୍ଗ୍ନାନ୍।” ତାପାଚେ ଯୀଶୁ ହେୱାରିଙ୍ଗ୍ ବୁଜାଇ କିଜି ୱେଚ୍ଚାନ୍, ଲା“ଜାର ହାଃତାନ୍ନା। ଆନେଙ୍ଗ୍ ୱାରି ଆନାଙ୍ଗା ଯେ ଆନେଙ୍ଗ୍ ହେବେ ହିଲାତାଙ୍ଗ୍, ଇନେସ୍କି ଏପେଙ୍ଗ୍ ନାବେ ପାର୍ତି କିନାଦେର୍।”
ଯୀଶୁ ଏଚେପାଦ୍ନା ଲାଜାର ମାନି ଦେସ୍ତ ୱାତାନ୍, ଲାଜାର ହାଃଜି ମୁଚ୍ଚି ଚାରିଦିନ୍ ଆଜି ମାଚାତ୍। ମାର୍ଥା ଯୀଶୁଙ୍ଗ୍ ଗିଟା ଆଦେଙ୍ଗ୍ ହାଲ୍ଜି ୱେଚ୍ଚାତ୍, “ମାପୃ ଏନେଙ୍ଗ୍ ଯଦି ଇବେ ମାଚାଇମା, ଲାଗିଙ୍ଗ୍ ନା ଟଣ୍ଡେନ୍ ହାଃୱାତାନ୍ମା। ମାତର୍ ଆନେଙ୍ଗ୍ ପାର୍ତି କିନାଙ୍ଗା ଈଶ୍ୱରତିଙ୍ଗ୍ ଇନାକା ଏନ୍ନାଇ ହେୱାନ୍ ହେଦାଙ୍ଗ୍ ନିଙ୍ଗେଙ୍ଗ୍ ହିଦ୍ନାନ୍।”
ଯୀଶୁ ୱେଚ୍ଚାନ୍, “ଆନେଙ୍ଗ୍ ହାଃଜି ଆରେରଗ ଜିବୁନ୍ ଆନାଙ୍ଗ୍। ଇନେର୍ଯଦି ନାବେ ପାର୍ତି କିନାନ୍, ଯଦି ହେୱାନ୍ ହାଃନାନ୍ ଆତିସ୍ପା ହେୱାନ୍ ଜିନାନ୍। ଇମ୍ଣି ମାନାୟ୍ ନାବେ ପାର୍ତି କିନାନ୍ ହେୱାନ୍ ଇନେୱାଡ଼ାଙ୍ଗ୍ ପା ହାଃଉନ୍। ଏନେଙ୍ଗ୍ ଇଦାଙ୍ଗ୍ ପାର୍ତି କିନାୟା କି?” ମାର୍ଥ ୱେଚ୍ଚାତ୍, “ଆଁ ଗୁରୁ ଆନେଙ୍ଗ୍ ପାର୍ତି କିନାଙ୍ଗା ଯେ ଏନେଙ୍ଗ୍ ଈଶ୍ୱର ମେହି।”
ତାପାଚେ ମରିୟମ ଇକାତାତ୍। ହେଦେଲ୍ ଯୀଶୁ କାଲ୍କୁ ତାରେନ୍ ଟଡ଼୍ଜି ୱେଚ୍ଚାତ୍, “ମାପୃ ଏନେଙ୍ଗ୍ ଯଦି ଇବେ ମାଚାଇମା, ନା ଟଣ୍ଡେନ୍ ହାଃୱାତାନ୍ମା।” ଯୀଶୁ ହେୱାରିଙ୍ଗ୍ ୱେନ୍ବାତାନ୍, “ଏପେଙ୍ଗ୍ ଲାଜାରତିଙ୍ଗ୍ ଇମେତାକେ ମୁଚ୍ଚାଦେର୍ନା?” ହେୱାର୍ ୱେଚ୍ଚାର୍, “ଦୁଗେର୍ ବାହାତାକେ। ୱାଡ ଆରେ ହୁଡ଼ାଟ୍।” ତାପାଚେ ଯୀଶୁ ଆଡ଼୍ବାତାନ୍।
ଦୁଗେର୍ ବାହା ର ପାରା ଲେକେ ମାଚାତ୍ ଆରେ ହେ ପାରା ମୁମ୍ଦ ର କାଲ୍ ପାକ୍ଚି ମାଚାର୍। ଯୀଶୁ ଏଚେପାଦ୍ନା ଦୁଗେର୍ ବାଟାତାକେ ଇକାତାନ୍, ହେୱାନ୍ ହେୱାରିଙ୍ଗ୍ ୱେଚ୍ଚାନ୍, “ପାକ୍ତି କାଲ୍ଦିଙ୍ଗ୍ ଜେୟାଟ୍।” ମାତର୍ ମାର୍ଥା ୱେଚ୍ଚାତ୍, “ହେୱାନ୍ ହାଃଜି ଚାରିଦିନ୍ ଆତାତେ। ହେବେ ବାସ୍ନା ମାନ୍ଗାନାତ୍।”
ଯୀଶୁ ୱେଚ୍ଚାନ୍, “ଆନେଙ୍ଗ୍ ଇନାକା ମିଙ୍ଗେଙ୍ଗ୍ ୱେଚ୍ୱାଦାଙ୍ଗ୍ ମାନ୍ଞ୍ଚାଙ୍ଗ୍ କି ଏପେଙ୍ଗ୍ ନାବେ ପାର୍ତି କିତିସ୍ ଈଶ୍ୱର ଗୌରବ ହୁଡ଼୍ନାଦେର୍।” ଲାଗିଙ୍ଗ୍ ହେୱାର୍ ପାକ୍ତି କାଲ୍ଦିଙ୍ଗ୍ ଜେତାର୍।
ତାପାଚେ ଯୀଶୁ ସରଗ୍ ନିପଣ୍ ହୁଡ଼୍ଜି ୱେଚ୍ଚାନ୍, “ଆବା, ନା ପାର୍ତାନା ୱେଚିଲେ ଦନ୍ୟବାଦ।” ଆନେଙ୍ଗ୍ ପୁନାଙ୍ଗ୍ ଏନେଙ୍ଗ୍ ୱିଜୁଦିନ୍ ନା କାତା ୱେନାୟା, ମାତର୍ ଇମ୍ଣି ୱିଜାକାର୍ ମାନାୟ୍ ଇବେ ନିଲ୍ତାର୍ନା ହେ ମାନାୟାର୍ କାଜିଙ୍ଗ୍ ଆନେଙ୍ଗ୍ ଇଦାଙ୍ଗ୍ ୱେଚ୍ଚାନାଙ୍ଗା। ତାପାଚେ ଯୀଶୁ ଗାଜା କାଟ୍କିଜି ୱେଚ୍ଚାନ୍, “ଲାଜାର, ବାର୍ତ ୱା!”
ଲାଗିଙ୍ଗ୍ ଲାଜାର୍ ହସି ୱାତାନ୍! ହେପାଦ୍ନା ପା ହେ ମାଡ଼ା ହେନ୍ଦ୍ରା ହୁର୍ପି ଆଜି ମାଚାତ୍। ଯୀଶୁ ହେୱାରିଙ୍ଗ୍ ୱେଚ୍ଚାନ୍, “ଇ ମାଡ଼ାତାକେନି ହେନ୍ଦ୍ରା ହେୱାନ୍ତାଙ୍ଗ୍ ଉନ୍ଦାଟ୍ ଆରେ ତାଙ୍ଗେଙ୍ଗ୍ ମୁକ୍ତି କିୟାଟ୍।” ଯୀଶୁ କିତି ଇ ଚାନିଆ କାମାୟ୍ କାଜିଙ୍ଗ୍ ବେସିହେନି ଯିହୁଦିର୍ ଯୀଶୁଙ୍ଗ୍ ପାର୍ତି କିତାର୍।
ମାତର୍ ଯିହୁଦିର୍ ଦରମ୍ ଗୁରୁର୍ ଆକାର୍ ଆଜି ମାଚାର୍, ଲାଗିଙ୍ଗ୍ ହେୱାର୍ ଇନେସ୍ କିଜି ଯୀଶୁଙ୍ଗ୍ ଆରେ ଲାଜାରତିଙ୍ଗ୍ ମାର୍ନେ ଅହ୍ନାର୍ ହେଦାଙ୍ଗ୍ ରବେଆଜି ଉପାଇ କିଦେଙ୍ଗ୍ ଲାଗାତାର୍।
ବାଇବଲ୍ନି ର କାତା: ଯୋହନ ୧୧: ୧- ୪୬
Free to use, adapt, and share under an open license (CC BY-SA 4.0).