6. ୬. ଇସାହାକ କାଜିଙ୍ଗ୍ ଈଶ୍ୱର ଜାଗାୟ୍ କିନାନ୍
ଏଚେପାଦ୍ନ ଅବ୍ରାହାମ ବେସି ବୁଡା ଆଜି ମାଚାନ୍, ତା ମେହି ଇସାହାକ ଗାଜା ଆଜି ବେଣ୍ଡିଆ ଆଜି ମାଚାନ୍। ଲାଗିଙ୍ଗ୍ ଅବ୍ରାହାମ ତା ମେହି ଇସାହାକ କାଜିଙ୍ଗ୍ ଗାଡ଼୍ ତାସିହିଦେଙ୍ଗ୍ ତା ଲକ୍ବାକ୍ ଇମେତାକେ ବାହା କିଜି ମାଚାର୍ ହେ ବାହାତାକେ ତା ଦାସ୍ ମାନାୟାର୍ ବିତ୍ରେତାଙ୍ଗ୍ ରକାନିଙ୍ଗ୍ ପକ୍ତାନ୍।
ବେସିଗାଡ଼ି ତାଙ୍ଗ୍ତି ପାଚେ ଇମ୍ଣି ବାହାତାକେ ଅବ୍ରାହାମ ଲକ୍ବାକ୍ ବାହାକିଜି ମାଚାର୍ ଈଶ୍ୱର ହେ ଦାସ୍ତିଙ୍ଗ୍ ରିବିକା ତର୍ଦି ଗାଡ଼୍ଚେ ଲାଗାୟ୍ ଅସାହାଚାନ୍। ହେଦେଲ୍ ଅବ୍ରାହାମ ଟଣ୍ଡାହିନି ନାତ୍ଣି ମାଚାତ୍।
ରିବିକା ତା ପରିବାର୍ତିଙ୍ଗ୍ ପିସ୍ତି ଇସାହାକ ଇଞ୍ଜ ହେ ଦାସ୍ ହୁଦାଙ୍ଗ୍ ହାଞ୍ଜେଙ୍ଗ୍ ଇଚା କିତାତ୍, ହେଦେଲ୍ ଏକିତି ଦାପ୍ରେ ତା ହୁଦାଙ୍ଗ୍ ଇସାହାକ ବିବା ଆତାନ୍।
କେତେକ୍ ଦିନ୍ ହାଚିପାଚେ ଅବ୍ରାହାମ ହାଃତାନ୍, ଆରେ ତା ହୁଦାଙ୍ଗ୍ ଈଶ୍ୱର ଇମ୍ଣି ୱିଜୁ ପାର୍ମାଣ୍ କିଜି ମାଚାନ୍ ହେୱିଜୁ ନିୟମ୍ ଇସାହାକତିଙ୍ଗ୍ ହାର୍ପି କିଜି ହିତାନ୍। ଈଶ୍ୱର ପାର୍ମାଣ୍ କିଜି ମାଚାନ୍ ଯେ ଅବ୍ରାହାମନି ଲାତ୍ରା ଗାଣାକିୟା ଆଉତ୍, ମାତର୍ ରିବିକା ଇସାହାକ ଡକ୍ରୁହି ହିମ୍ଣା ଗାଟା ଆୱାଦାଙ୍ଗ୍ ମାଚାତ୍।
ରିବିକା କାଜିଙ୍ଗ୍ ଇସାହାକ ଈଶ୍ୱରତାକେ ପାର୍ତାନା କିତାନ୍, ଆରେ ଈଶ୍ୱର ହେଦେଲିଙ୍ଗ୍ ଜଉଁଣା ହିମ୍ଣା ହୁଦାଙ୍ଗ୍ ପଟ ଆଦେଙ୍ଗ୍ ଆଦେସ୍ ହିତାନ୍। ଏଚେପାଦ୍ନା ରି ହିମ୍ଣାଙ୍ଗ୍ ରିବିକା ପଟ ବିତ୍ରେ ମାଚାର୍, ହେ ସମୟ୍ତାଙ୍ଗ୍ ହେ ହିମ୍ଣାର୍ ଜୁଜ୍ କିଜି ମାଚାର୍, ଲାଗିଙ୍ଗ୍ ଈଶ୍ୱରତିଙ୍ଗ୍ ରିବିକା ଇଦାଙ୍ଗ୍ ଇନାକା ଆନାତା ଇଞ୍ଜି ୱେନ୍ବାତାତ୍।
ଈଶ୍ୱର ରିବିକାଙ୍ଗ୍ ୱେଚ୍ଚାନ୍, “ନି ପଟ ବିତ୍ରେ ମାନି ରିକାର୍ ହିମ୍ଣାଙ୍ଗ୍ତାଙ୍ଗ୍ ରିଣ୍ଡାଙ୍ଗ୍ ଦେସ୍ ୱାନାତ୍। ହେୱାର୍ ରିକାର୍ ଜାର୍-ଜାର୍ ବିତ୍ରେ ଯୁଜ୍ କିନାର୍ ଆରେ ଗାଜା ହିମ୍ଣା ହିରୁ ହିମ୍ଣାତିଙ୍ଗ୍ ହେବା କିନାନ୍।”
ଏଚେପାଦ୍ନା ରିବିକା ମେହିର୍ ଜନମ୍ ଆତାର୍, ଗାଜା ହିମ୍ଣାନି କଲର୍ ରାତା ଆରେ ଗାଗାଡ଼୍ତାକେ ତେମୁଲ୍ ବାର୍ତି ଆଜି ଜନମ୍ ଆତାନ୍, ଆରେ ହେୱାର୍ ତା ତର୍ ଏଷୌ ହିତାର୍। ତାପାଚେ ହିରୁ ହିମ୍ଣା ଏଷୌ କାଲ୍ ପାନାତାକେ ଆସ୍ତି ଜନମ୍ ଆତାନ୍, ହେୱାର୍ ହେ ହିରୁ ହିମ୍ଣାଙ୍ଗ୍ ଯାକୁବ ତର୍ ହିତାର୍।
ବାଇବଲ୍ନି ର କାତା: ଆଦିବହି ୨୪:୧-୨୫: ୨୬
Free to use, adapt, and share under an open license (CC BY-SA 4.0).