34. यीशु दूसरों कहानीहीन की शिक्षा देसे

यीशु न परमेश्वर को राज्य को बारे मा दूसरी बहुत सारी कहानीहीन ला आयकाईस। उदाहरण लाईक, वन कहीस, “ परमेश्वर को राज्य एक सरसो को बीजा वाणी से जे कोई न आपरो खेत मा पेरी होतीस। तुमि जान सेव की सरसो को बीज पुरो बीजाहिन लक लाहान होसे। ”

“पर जब सरसों को बीज बड़से त बगीचा को पुरो झाड़हिन लक सबलक मोठो होए जासे, एतरों मोठों की पक्षी आयसारि ओको खानदीहिन पर आराम करसेत। ”

यीशु न एक दूसरी कहानी ला सांगिस, “परमेश्वर को राज्य खमीर को जसो से जेला धर सारी एक बायको पीट को लोया मा मिलाय देसे तब ऊ पुरो पीट मा मिल जासे। ”

“ स्वर्ग को राज्य वन खज़ानो को जसो से जेला कोई न खेत मा लुकाए देईसे। कोई दूसरों आदमी ला ऊ खज़ानो मिल गएव अखिन वन ओला प्राप्त करण की बहुत ईच्छा करिस। एकोलाईक वन ओला अखिन गाड देईस। ऊ आनन्द लक एतरों भरेव होतो की वन जायसारि आपरो सब काई बिक देईस ताकि ऊ वन खेत ला लेय ले जहाँ ऊ खज़ानो होतो। ”

“ स्वर्ग को राज्य एक बहुत कीमती शुद्ध मोती को जसो भी से। जब कोई मोतीहिन को धन्दा करण वालो ला मिल जासे त ऊ ओला लेन लाईक आपरो पुरो चीज ला बिक देसे। ”

वहाँ काई लोख होता वय सोचत होता की परमेश्वर ऊनला एकोलाईक स्वीकार करे काहेकी वय साजरा काम करसेती। वय लोख असो लोखहीन ला बेकार मानत होता जो वन साजरों कामहिन ला नहीं करत होता। एकोलाईक यीशु न ऊनला या कहानी सांगिस ” “ दुई आदमी होता अखिन दुईही प्रार्थना करण लाईक मंदिर मा गया। ऊनकों मालक एक चुंगी लेन वालो होतो, अखिन दूसरों एक साजरों अगुवा होतो। ”

“ वन साजरों अगुवा न एन तरीका लक प्रार्थना करिस, ‘ अ परमेश्वर, तोरो धन्यवाद होए की मी दूसरों लोखहीन को जसो - जसा की डाकू, अनयाई आदमी, व्यभिचारी, या यहाँ वरी की यहाँ पर उपस्थित वन चुंगी लेन वालो को जसो एक पापी नाहाव। ”

“ उदाहरण लाईक, मी हर हप्ता मी दुई बार उपवास राखू सु, अखिन मी मोला मिलन वालो धन अखिन सामाहिन को दसाया हिस्सा तोला देसू। ”

“ पर ऊ चुंगी लेन वालो वन साजरों अगुवा सीन बहुत दूर ऊबो भय गएव। वन वोरत्या स्वर्ग कर डोरा भी नहीं ऊठाईस। एको अलावा, वन आपरो बूकि लक आपरो छाती ला पीटिस अखिन प्रार्थना करिस, ‘ अ परमेश्वर, कृपा करसारी मोरो पर दया कर काहेकी मी एक पापी सेव। ”

मंग यीशु न कहीस, “ मी तोरोलक सही कसू, परमेश्वर न वन चुंगी लेन वालो की प्रार्थना ला आयकिस अखिन ओला साजरों आदमी घोषित करिस। पर वन ओला साजरों अगुवा की प्रार्थना ला पसंद नहीं करिस। परमेश्वर हर एक घमंडी को डोसकी ला खालत्या करे, पर ऊ हर वन जन ला आदर देए जो खुद ला नम्र कर से। ”