2. पाप अणा संसार मे प्रवेश करे

आदम अर उणरी लुगाई परमेश्वर द्वारा उणरे वास्ते बनाए गए उण बढ़िया बगीछे म्हे रेवतोड़ा घणा राजी व्हिया। उणमें सू कुणी भी गाबा नी फेरता, पाचे भी इण बात ने उणमें से किनी को शर्मिन्दा नी करियों, क्यूकि संसार म्हे पाप नी हेतों। वे अक्सर उण बगीछे म्हे टेहलता अर परमेश्वर सू बाता किया करता।

पण उण बगीछे रे मायने एक साँप हेतों। वो घणों ही धूर्त हो। उसणे उण नारी सू पूछियों, "काई सांची परमेश्वर ने थारे सू इण बगीछे रे किणी भी रुकड़ा रे फल ने खाणे सू मना कियो?"

वा नारी जबाब दियो, "परमेश्वर ने हमारे सू कियो कि म्हा उण भले अर बुरे रे ज्ञान रे रुकड़ा रे अलावा किणी भी रुकड़ा रे फल को खा सका। परमेश्वर ने म्है सू कियो कै अगर थे उण फल को खायो या उणे छुहियों भी, तो थे मर जावोला।"

वो साँप नारी को जवाब दियो, "ओ साच नी है! थे नी मरोला। परमेश्वर जाणे कि ज्यू ही थे उण फल को खाओला, थे परमेश्वर के जैड़ा व्हे जावोला अर उणके जैड़ा भले अर बुरे ने समझण लागोला।"

वा नारी देखियो कि वो फल मन लुभावणों हेतों अर हुवाद दिखाई देवतो। वा भी हमझदार बणना चावती, इण वास्ते उणने फल को तोड़ खा लियो। पाचे उसणे खुदरे धणी को जो उणरे साथे हेतो वो फल दियो अर उसणे भी खा लियो।

एकाएक ही, उणरी आखियाँ खुलगी, अर उणको मालूम वियो कि व्हे नागा था। वे पत्तों को एक साथे सिलणे उणके गाबा बणाकर उणसे खुदरे डील को लुकावणा री कोशिश करी।

तबे मिनक अर उणरी लुगाई ने उण बगीछे रे मैयने फिरतोड़ा परमेश्वर री आवाज को सूणा। व्हे दोई परमेश्वर सू लुकगा। तबै परमेश्वर ने मिनक ने आवाज लगाई, "थू कटे है?" आदम जवाब दियो, "म्हे थाने बगीछे म्हे फिरतोड़ा सूणा, अर म्हू डर गियो, क्यूकि मैं नागो थो। इण वास्ते मैं लुकगो।"

पाचे परमेश्वर पूछियों, "थाने कूण बतायो कि थू नागो है? काई थू वो फल खायो जिणे खाणे रे वास्ते म्हे थने ना दियो?" मिनक जवाब दियो, "थे मने जो आ नारी दी इणने ही महने वो फल दियो।" तबे परमेश्वर नारी सू पूछियों, "थू ओ कई करियों?" वा नारी बोली, "साँप ने मने धोखो दियो।"

परमेश्वर साँप सू कियो, "थू शापित व्हे! थू थारे पेट रे बल लोटेला अर माटी चाटेला। थू अर आ नारी एक दूजा सू घृणा करोला, अर थारी औलादों अर उणरी औलादा भी एक दूजा सू घृणा करेंली। इण नारी रा वंशज थारे माथा ने कुचलेला, अर थू उणरी एड़ी डसेला।"

तबे परमेश्वर नारी सू कियो, "म्हे थारे टाबर जिणाणे को घणी पीड़ा देवे जैणी करूँला। थू थारे धणी सू लालसा करेली, अर वो थारे माथे प्रभुता करेला।"

परमेश्वर मिनक सू कियो, "थू थारी लुगाई री सुणी अर मारी आज्ञा नी मानी। इण वास्ते जमी शापित रेगी, अर थने भोजन उगाअणे रे वास्ते घणी मेहनत करणा री जरूरत व्हेला। अबै थू मर जावेला, अर थारो शरीर माटी में मिल जावेला।" उण मिनक ने खुदरी लुगाई रो नाम हव्वा राखियो, जिणरो मतलब रेवे "जीवण देअणे वाली", क्यूके वा सगली जातियों री मा व्हेला। अर परमेश्वर ने आदम अर हव्वा को जिणावर री खाल सू बणयोड़ा गाबा फेराया।

पाचे परमेश्वर कियो, "अबै भले अर बुरे को जाणने सू मिनक म्हारे जेड़ो व्हे गियो, इण वास्ते उणने उण जीवण रे रुकड़ा रे फल नी खाणे देणों चाहिजै कि व्हे सदा रे वास्ते जीवता रेव्है।" इण वास्ते परमेश्वर ने आदम अर हव्वा को उण बगीछे सू बारे निकाल दियो। अर परमेश्वर ने किणी भी उण जीवण रे रुकड़ा रे फल को खाणे सू रोकणे रे वास्ते उण बगीछे रे प्रवेश द्वार माथे शक्तिशाली स्वर्गदूतों को बिठा दियो।