4. अब्राहम रे साथे परमेश्वर री वाचा

बाढ़ रे केई बरसो रे पाचे, संसार म्हे घणा ही लोग रेवता, अर उणोंने पाचा परमेश्वर रे अर एक दूजा रे खिलाफ पाप कियो। क्यूके वे सगला एक ही बोली बोला करता, इण वास्ते वे एक साथे भेला रिया अर संसार को भर देणे रे परमेश्वर रे हुकम रे बजाय एक नगर बणायो।

वे घणा घमंडी हेता, अर उणको कैड़ा जीवण जीवणा चावे इण बारे में वे परमेश्वर रे आदेश रा पालण करणा नी चावता। अटे ताई कि उणहोने एक ऐडी मीनार बणाणा सरु किया जको स्वर्ग तक जावेली। परमेश्वर ने देख्या कि अगर वे एक साथे मिल कर बुराई करेला, तो वे घणा ही पापी कामों को कर सकेला।

इण वास्ते परमेश्वर ने उणकी बोली को घणी हारी नेरी नेरी बोलियो रे माय बदल दिया अर उण लोगों को सगले संसार माही फैलाया। जिण नगर को उणहोने बणाणा सरु किया वो बाबेल कहलायो, जिणरो मतलब व्हे "गड़बड़ी"।

केई सौ बरसो रे पाचे, परमेश्वर ने अब्राम नाम रे एक मीनक सू बात करी। परमेश्वर उणसू कियो, "खुदरे देश अर परिवार को छोड़ कर उण देश को चला जा जको म्हू थाने दिखाऊँला। म्हे थने आशीष दूँला अर थारेसू एक मोटी जाति बनाऊँला। म्हे थारो नाम महान करूँला। जो थने आशीष देई म्हे उणे आशीष दूँला, अर जको थने श्राप देई उणे श्राप दूँला। थारे कारण संसार रे सगला कुल आशीष पाएला।"

अतः अब्राम ने परमेश्वर री बात माणी। उणने खुदरे सगले सेवकों अर खुदरी सगली सम्पत्ति रे हाथे खुदरी लुगाई सारै को लियो अर उण देश को, कनान देश को चला गियो जको परमेश्वर उणे दिखायो।

जद अब्राम कनान पहुँचियो तो परमेश्वर उणसू कियो, "खुदरे चारों मेर देख। म्हे थने यो सगला देश दूँला अर थारे वंशज हमेशा रे वास्ते इण माथे अधिकार रखेंला।" तबे अब्राम उण देश माए बसगिया।

मलिकिसिदक नाम रो एक मीनक थो जको सर्वोच्च परमेश्वर रो याजक थो। एक दिण जद अब्राम युद्ध करणे रे पाचे आ रियो थो तो वो अर अब्राम मिलिया। मलिकिसिदक अब्राम को आशीष दी अर कियो "सर्वोच्च परमेश्वर जको स्वर्ग अर धरती रो मालिक है वो थने आशीष देई।" पाचे अब्राम युद्ध मेंई जीतीयोडी सगली चीजों रो दशवोभाग मलिकिसिदक को दियो।

केई बरस बीतगा, पण अभार ताई अब्राम अर सारै रे कोई बच्चे नी हेतो। परमेश्वर ने अब्राम सू बात करी अर पाचे परतिज्ञा करी कि उणरे एक बच्चे पैदा व्हेला अर जैड़े आकाश माई तारे हैं वैड़े ही उणरे घणा हारा वंशज व्हेला। अब्राम ने परमेश्वर रि परतिज्ञा माथे विश्वास किदो। परमेश्वर घोषणा करी कि अब्राम एक धर्मी जन थो क्यूके उणने परमेश्वर री परतिज्ञा माथे विश्वास कियो।

तबे परमेश्वर ने अब्राम सू एक वाचा बाँधी। सामान्य रूप सू, एक वाचा दो दलों रे मायने एक दूजा रे वास्ते कामों को करणे रो एक समझौतो होतो। परमेश्वर अब्राम सू वा परतिज्ञा तबे करी जद अब्राम सूतो हो, पण वो तबे भी परमेश्वर को सुण सकतो। परमेश्वर कियो, "म्हे थारे शरीर सू पैदा करके थने थारो एक खुदरो पूत दूँला। म्हे थारे वंशजों को ओ कनान देश देऊ।" पण अभार भी अब्राम रे कोई पूत नी थो।