6. परमेश्वर इसहाक रे वास्ते प्रबंध करे

जद अब्राहम घणों बूढ़ो व्हेगियों तबे उणरो छोरो, इसहाक, एक जवान री उमर रो व्हेगियो। इण वास्ते अब्राहम ने खुदरे एक सेवक को खुदरे छोरो इसहाक रे वास्ते उण देश सू एक लुगाई लाणे रे वास्ते भेजियो जटे उणरा रिश्तेदार रेवता।

जटे अब्राहम रे रिश्तेदार रेवता उण देश को जाणे री एक लामबी यातरा रे पाचे परमेश्वर ने उण सेवक रा साक्षात्कार रिबका सू करवायो। वो अब्राहम रे भाई री पोती ही।

रिबका खुदरे परिवार को छोड़कर उण सेवक रे साथे पाछी जाणेरे वास्ते मानगी। ज्यूही वे पूगिया इसहाक उणसू बिहाव करलियो।

एक लांबी वेला रे पाचे, अब्राहम मरगियो। तबे परमेश्वर ने अब्राहम रे छोरा इसहाक को, अब्राहम रे साथे बाँधयोडी वाचा री वजह सू आशीष दीयो। उण वाचा माहि परमेश्वर री एक परतिज्ञा हेती कि अब्राहम रे अणगिणत वंशज व्हेला। पण इसहाक री लुगाई रिबका रे औलाद पैदा नी वी।

इसहाक रिबका रे वास्ते प्रार्थना करी, अर परमेश्वर ने उणे बेला रो गर्भ धारण करणे महे सक्षम कियो। जिण वेला वे बेटे रिबका रे गर्भ मेंही हेता वे खुद माहि लड़ने लागा, इण वास्ते जो कुछ व्हे रिहो रिबका ने वो परमेश्वर को बता दियो।

परमेश्वर रिबका सू कियो, "थू दो टाबर जिणेला। उणरे वंशज दो नेरी-नेरी जातियाँ बणेला। वे एक दूजा सू लड़ेंला। पण मोटोडा छोरा सू पैदा रेणेवाली जाति को छोटेणे छोरे सू आणे वाली जाति री आज्ञा मानणि व्हेला।"

जद रिबका रे टाबरो रो जनम व्हियों, तो मोटों छोरो लाल अर रोएँदार थो, अर उणहोने उणरो नाम एसाव राखियो। तबे छोटा छोरो एसाव री एड़ी पकडियोडो जन्मियों, अर उणहोने उणरो नाम याकूब राखियो।