13. इस्राएल कि ञाबु कोंजोक कि थांमजा।

इस्राएलि या लुंगबा मारवु ना फारका रु थोनबि तिंगला, कोंजोक खोशाला रिया ना येला खेरचा सीनै ला छोकला फुढिका। उइ ला ते मूसा ला रिया रु मि बारकिन थोङान ला ते नोक। ओए ला तेके गुप तु खुर पुपचा दता।

कोंजोक सु मूसा रांग इस्राएल कि मिया ला, ”ख्योशाक ला ङाए वुर ञानजाक तेने ओए थामजा ङा ख्योशाक तांग ञाबु दमङा ओए वोतुका फोरचाक। खालते ख्योयशाक वोतुक फेतचाना तेने ङा ख्योङशाकला ख्योमाला नोर मिनजिन, दाङ रिह रुहा च़ागंमा ज़ोवाक।

कोंजोक द्वारा खोए दोरु डोया ला मिया सु शाकपा सुम सु छोमञिन दता, था खो वोङजिना संङगुल वोंगबा लोहमार वोगबा, फुसुप वोगबा तेने सुरना फुतकान कि कत शेतचिन जिक वोङबा। तेने मूसा ते खोरंग ओए लाए खातोरु ज़ाहवा।

तेने मिया रांग ञाबु कोंजोक सु थामजा चिक दमबा। खोसु नावा, “ङा ख्योवशे कोंजोक, यहोवा यिन। ङा तेनोक ख्योशाला मिस्र ना योकपु फेच्चा ना सु खिरचा वोङान ते। जिनमा ला कि मिहवा माफित।“

“कुया माज़ो तेने खोशि उपासना माफित, चिला सेरना, ङा चिकपु ख्योशे कोंजोक, यिन।मानलोक लुह ना सु ञाए मिन माजुक। सब्त कि शाक ला चांगमा दिमु सेमजा ला आतला फोर। जिनमि लुह ला सेरचा ना, शाकपा ठुकते लाहा तोलि ला फितचाक, शाकपा दुन कि शाक खयोशाक ङाल सोया ला तेने ङाला आतला फोरचि शाक नोक।“

“रांए आमा आपा ला देमु फेतचाक। मि सोतचा मानोक। लाहा मानलोक फेतचा मानोक। कुनमा कुया मानोक। रांए खिमजिं कि नामा, तेनि खोए खांबा, खोए चि नोर वोतना कांग लिनमु माफित।”

कोंजोक सु मिया ला लुह तातचा वोकान ते खोशाक ञिनजा ला ञिनबा। खोशाक ते लिम कोंजोक कि मि रांग खोए मिहवा फेतचा ला ञिनबा।

कोंजोक सु इस्राएलियों ला खुर छिपु चिक ज़ो नावा। मिलाप वाला तबूं। खो सु ओए खुर छिपु चिक ज़ो शा वोकान ते ला देमु दुक नावा। ओए नांग दु चि नोरया फोरगि शाकपा खो सु खोशाकला तबूं ला खांगबा निरु जोया ला जुंग ना सु रा छेपु जिक ज़ोया ला नावा। कोंजोक ओए परदा कि ज्ञप छोक कि खांगबा रु वोङा तेनि ओयिरु दोतक। कोंजोक दोतसा रु लिम छेपु पुजारि ते मानी डो मिछोका।

तेने खोशाक ला मिलाप कि तबूं के दोरु (पुज़ा तोङसा) ज़ोगु वोङा नावा। कोंजोक सु जोया वोकान कि अवज्ञा फेत़कान ते ओए वेदी कि खातोरु गलछु चिक खेरला शोक। तेने कोंजोक कि कारदर सु पूज़ा तोङा, वेदी खातोरु कोंजोक कि छिला मि ला दुखिन। कोंजोक सु चावा ओए गलछु कि ठाक ते ओए मि ते कि दिकपा ला काप तोङा। तेने ओए छिना सु कोंजोकओए दिकपा ला तागु मिछोतका। ओए मिते कोंजोक कि मिकतु चागमा नोक। कोंजोक सु मूसा कि नो हारुनकि रिह रुहा ला कारदार जोवा।

तेने कोंजोक सु मूसा ला दुआ कि सलेट जोया ओए खातोरु आज्ञा चु ठिया तातपा। कोंजोक सु मिया ला जिनमा युम व्यकवस्थाऐ तातपा। खालते खोशाक उइ व्यवस्थाऐ दिमु तायाना। तेने ओए मिया ला आशीष तेरका। खोशा ला ताया कि प्रतीज्ञा तातपा। खोशाक वोतुक मिफेत चाना तेने खोशाक ला ज्ञामनि काहु वोङाक।

शाकपा युम छुवु, मूसा सीनै ला कि गोरु दता। खो कोंजोक तांङ ञांबु वुर तोञिन दता। परन्तु मिया ते मूसा खोशे दोरु लोकचा वोङाक से गुहशा दत-दत चा छतसा।ओए छिला खोशाक सेर खैरचा हारुन कि दोरु फुतचा खोला सेर कि कु चिक ज़ो नावा। ताकि खोशाक कोंजोक ला मानदा मुरति कि मिहवा फेतचा ला। वोतुक चाया खोशाक सु जिहशा दिकपा चावा।

हारुन सु सेर कि कु ते छुगमा चोनि जोवा। खोशाक सु ओए कु कि मिहवा फेतचा सुकपा। तेने खोला पुज़ा तांगबा तेनि खोला पुला। कोंजोक ते खोशे दिकपे छिना सु ज्ञामनि छिङनाह लागबा। खो खोशाला सात तोंगमु वोका। परन्तु मूसा सु ओरछे नाया कोंजोक ला वोतुक फेतु माचुकपा। कोंजोक सु खोए वुर ञानजा खोशाला मासाता।

जुङमाला मूसा सिनै ला ना सु लोकचा वोगंबा। खो ओए दुआ कि सलेट ते खेरचा वोंगबा जिसमे कोंजोक सु वुर चु ठिया तातचा वोका। तेने खो ओए मुरति ते थोंवा। खो वोचम छिङनाह नानते लांगबा कि खोसु ओए दुआ कि सलेट ते थुर- थुर चाक ताक।

तेने मूसा सु ओए कुते ला कांग दुर-दुर जौया बुरादा ज़ो ताक, ओए बुरादा ला छु रांग ञाबु टेया ओए मिया ला थुगदु चुकपा। कोंजोक सु ओए मिया ला मुसिबत तांगजा तेनि खोशाक युम शीसाक।

ओए दुआ कि सलेट मुसा सु चाक तोङान ते ला ओए ज़ारु ञा सलेट चु ज़ोया। तेने ओए ला खेरचा लाइ गोरु ज़ाहसा तेने खो मिहवा चावा कोंजोक ला ओए मिया ला माफ चि से। कोंजोक सु मूसा कि वुर ञानबा तेने खोशाकला माफ चा ताक। सोमा सलेट तु आज्ञा ठिशा वोकान ते खेरचा मूसा लाकि गो नासु माला फावा। तेनै कोंजोक सु सिनै ला ना सु णा किलि देश छुहु इस्राएलियोंकि लाम शोतकिन फुता।