15. वादा कर देश

आखरी में अब उ बेरा आय जाय रहे कि इसरइली मन वादा कर देश कनान में घुसेक वाला रहलैन। उ देश में यरीहो नाव कर एगो शहर रहे उकर सुरक्षा लगीन उकर चाईरों बटे मजबूत दिवाल रहे। यहोशू उ शहर में दुईठो जासूस के भेजलक। उ शहर में रहाब नाव कर एगो वेश्या रहत रहे। उ इ जासूसमन के छिपाए रहे। आउर फिर बाद में उ उमनके नगर से बाईंचके के निकलेक ले मदद करलक। उ ऐसन ईकरले करलक कि उ परमेश्वर उपरे विश्वास करत रहे। जे समय इजरायली मन यरीहो नगर के खतम करबैन तब उमन रहाब आउर उकर परिवार के बचाएक कर वादा करलैन।

इजराइली मन वादा कर देश में घुसेक लगीन यरदान नदी के पार करेक रहे। परमेश्वर यहोशू के कहलक "याजक मन के पहले जायेक देबा" जैसन याजक मन यरदन नदी में आपन कदम के राखलैन तो पानी कर बहाव रुईक गेलक जे कर से इसराइली मन नदी के पार कईर के उ पाखी सूखल भुदयां में चईल गेलय।

उमन यरदन नदी के पर करलैं तेकर परमेश्वर यहोशू के कहलक कि यारीहो नगर ऊपरे चढ़ाई करेक ले तेयार रहा काहेकि उ बहुते शाक्तिशाली नगर रहे। परमेश्वर उमन के कहलक कि उमनकर याजक आउर फौजी मन के छव दिन तक उ नगर कर चाईरो बटे चक्कर लगाएक होवी। इकरले याजक आउर सेना मन ऐसेने करलैन।

तब सातवां दिन इसराइली मन उ नगर के 7 बेर घूमरलैन। उमनकर नगर कर चाईरो बटे सात बेर घुमरल पाच्छे याजक मन आपन तुरही के फुकलैन आउर जोर से गुल करलैन।

तब यरीहो कर चाईरों बट कर दिवाल गिर गेलक जैसन परमेश्वर आज्ञा देई रहे इसराइली मन नगर कर सब चीज के सत्यनाश कईर देलैन। उमन सिर्फ रहाब कर परिवार के छोईड़ देलैन। जे मन इजरायली मन कर हिस्सा बाईन जाए रहलेंन।जब कनान में रहेक वाला दूसर आदमीमन सुनलैन कि इजरायली मन यरीहो के सत्यानाश कईर देई हैं तो उमन डराय गेलय।

परमेश्वर इस्राएली मन के आज्ञा देई रहे कि कनान मे रहेक वाला कोनो जाईत कर संगशांति मेल मिलाप नी करे कईह रहे। गिबोनी नाव कर एगो कनानी जाईत यहोशू से झूठ बोईलके कहलैं कनान से दुर कर एगो जगह कर रहेक वाला हेकी। उमन यहोशु कर संगे शांति कर वाचा करेक कर अनुरोध करलैं। यहोशू आउर दूसर इजरायली अगुवामन परमेश्वरसे नी पुछलैं कि उमन के का करेक चाही। इकर बजाए उमन गिबोनि जाईत संग शांति सन्धि कईर लेलैन।

3 दिन कर पाछे से इसराइली मन के पता चललक कि गिबोनी मने कनान में रहेना। उमने गुस्सा होई गेलै। कहेकि गिबोनी मन उमनके धोखा देई रहलैन। लेकीन उमन उमनसे करल शान्ति सन्धि के बरकरार रखलैन कहेकि परमेश्वर केर आगे शांति सन्धि कैईर रहलैं। तेकर तनिक दिनकर बाद, कनान में रहेकवाला एगो दोसर जाईत, इमोरी कर राजा मन सुनलैं। कि गिबोनी मन इजरायली मन से शान्ति सन्धि कईर लेईहैं, ईकरले उमन आपन आपन सेना के एक कईर के एगो बड़का फौज बनालै आउर गिबोन उपरे लड़ाई कईर देलै। गिबोनी आपन मदद ले यहोशू ठीन एगो खबहर भेजलय।

अतः यहोशू इस्राएलीमन कर सेना के जमा करलक आउर गिबोनीमन ठीन पहुचेक लगीन उमन राइत भईर चललय। बिहान तड़के उमन एमोरी कर सेना मन के आश्चर्य मे डाईल देलैन। आउर उमन उपरे लड़ाई कईर देलय।

उ दिन परमेश्वर इजरायली मन लगीन लड़ाई करलक। उमन इमोरिमन के सुमन ए मोरे मन के घबराए देना और बड़का बड़का का रागिरा लक और बहुत से एमोरी मन के माईर देलय।

परमेश्वर बेईर के हूं आकाश में एक जगह में खड़ा कईर दे लक ताकि इसराइली मन के भरपूर समय मिल जाई कि एमोरी मन के पूरा पूरा हरूवाई देबय। उ दिन परमेश्वर इजरायली मन ले एगो बड़का जीत के देलक।

जब परमेश्वर उ सेनामन के हरूवाल बाद, बहुत से कनानी जाईत कर आदमी मन इजरायली मन उपरे लड़ाई करेक ले ढेरे जाईत के जमा करलय। यहोशू आउर इसराइली मन लड़ाई कईर के सबके सत्यनाश्त कईर देलय।

इ लड़ाई कर पाछे परमेश्वर इसराइली मन केर हरेक गोत्र के प्रतिज्ञा कर उ देश में उमन के हिस्सा देलक।तब परमेश्वर इजराइल मन कर सोब सिमान में शांति देलक।

जब यहोशू बुढ़ा होई गेलक तो उ इजराइल कर सब जनके एक संग बुलालक।तब यहोशू उमनके ईयाद कारुवालक कि उमन उ वाचा कर पालन करेक कर प्रतिज्ञा कईर रहे जे परमेश्वर उमन कर संग सीनै पहाड़ में वाचा बांईध रहे। उमन परमेश्वर कर प्रति विश्वासयोग्य रहेक आउर उकर व्यवस्था कर पालन करेक कर वादा करलक।