11. Paskoa

Na’i Maromak haruka Moizes no Araun atu hato’o ba Faraun hodi husik povu Izrael sai husi Ejiptu. Sira aviza Faraun katak kuandu nia la husik sira sai, Nai Maromak sei hamate hotu oan-mane dahuluk sira tantu ema moris ka animal sira, iha rai Ejiptu. Bainhira Faraun rona ne’e, Nia nafatin rejeita atu fiar no hamtauk ba Maromak.

Nai Maromak fornese meius ida atu salva oan-mane dahuluk sira husi ema sira ne’ebe fiar ba Nia. Kada familia tenki hili bibi mala’e oan ne’ebe furak no koa nia.

Na’i Maromak haruka povu Izrael sira atu kose ran husi bibi mala’e ne’ebe sira koa ona ne’e ba iha sira nia odamatan kada uma sira. Sira tenki tunu nia na’an. Hafoin sira tenki han kedan na’an ne’e ho paun ne’ebe la iha fermentasaun. Nai mós haruka povu Izrael sira atu preparan hodi husik kedan Ejiptu depoiz sira han ai-han ne’e.

Povu Izrael halo tuir buat hirak ne’ebe Nai Maromak haruka ba sira. Iha kalan boot, Nai Maromak ba Ejiptu no oho hotu oan-mane dahuluk sira.

Ema Izrael sira nia uma nakonu ho ran haleu sira nia odamatan sira, ho nune’e Maromak hakat liu tiha uma sira ne’e. Ema sira iha uma sira ne’e nia laran mós seguru. Sira salva tiha liu husi bibi mala’e oan ne’e nia ran.

Maibe ema Ejiptu sira la fiar ba Maromak no hantauk ba Nia ordem sira. Tan ne’e, Maromak la hakat liu sira nia uma sira. Maromak oho hotu Ejiptu sira nia oan-mane dahuluk sira.

Ema Ejiptu sira nia oan-mane dahuluk sira mate hotu, tantu oan dahuluk husi dadur sira iha prizaun to’o Faraun nia oan dahuluk. Ema barak iha Ejiptu tanis no halerik tamba triste bo’ot.

Iha kalan ne’e kedan, Faraun bolu Moizes no Araun hodi hateten, “Lori ema Izrael sira no husik hela Ejiptu!” Ema Ejiptu sira mós obriga ema Izrael sira atu sai ona.