12. The Exodus

Povu Izrael haksolok tebes husik hela Ejiptu. Sira la’os tan ona eskravu, no sira sei ba Rai Promesa! Ema Ejiptu sira fó saída de’it mak ema Izrael sira husu, mezmu osan-mean no osan-mutin no sasan sira seluk ne’ebe folin-boot. Ema balun husi nasaun seluk fiar ba Maromak no tuir hamutuk ho povu Izrael sira hodi husik hela Ejiptu.

Ai-riin kalohan aas ida mosu iha sira nia oin iha tempu loron. No iha tempu kalan ai-riin kalohan ne’e sai ahi-oan ne’ebe aas. Maromak ida ne’ebe mak prezente iha ai-riin kalohan no ahi-oan ne’e nia laran, sempre akompanha sira no guia sira iha sira nia viagem. Sira presiza de’it atu tuir Nia.

La kleur, Faraun no nia povu sira muda sira nia hanoin. Sira hakarak atu halo povu Izrael sai sira-nia atan fila fali. Tan ne’e sira duni povu Izrael sira. Maromak mak halo sira muda sira-nia hanoin. Nia halo nune’e tan Nia hakarak ema hotu atu hatene katak Nia, Maromak, ne’ebe kbiit boot liu Faraun no povu Ejiptu sira nia maromak seluk.

Bainhira ema Izrael sira haree tropas Ejiptu duni sira, sira realiza katak sira metin hela entre Faraun nia tropas no Tasi mean. Sira tauk tebes no hakilar, “Tamba saida mak ita husik fali Ejiptu? Ita mate ona!”

Moizes hateten ba povu Izrael, “Labele tauk! Nai Maromak sei funu ba imi loron ida ne’e no salva imi.” Hafoin Nai Maromak hatete ba Moizes, “Hatete ba povu Izrael atu book an no hakat ba Tasi mean.”

Hafoin ai-riin kalohan ne’e bok ann entre ema Izrael no ema Ejiptu sira no nia sai ahi-oan iha tempu kalan. Ema Ejiptu sira la bele hakbesik ba ema Izrael sira durante tempu kalan.

Nai Maromak haruka Moizes hodi tula liman iha be’e leten. Hafoin Nai halo anin hodi dudu fahe be’e tasi ba sorin karuk no sorin loos, hodi nune’e iha dalan atu hakur tasi.

8. Povu Izrael lao hakur tasi husi rai-maran ne’ebe iha klaran entre moru be’e iha sorin-sorin.

Depoiz ema Ejiptu haree katak ema Izrael sira halai. Ema Ejiptu sira kontinua duni fali tan sira.

Tan ne’e sira tuir ema Izrael sira ba dalan ne’ebe hakur liu tasi, maibe Maromak halo ema Ejiptu sira pániku no sira nia kareta-sira metin tiha. Sira hakilar, “Halai! Maromak funu hela ba ema Izrael sira!”

Povu Izrael sira to’o ba iha tasi sorin. Depoiz Maromak haruka Moizes atu tula fila fali liman ba be’e leten. Bainhira Moizes halo tuir nune, be’e fila fali ba nia fatin normal no kona tropas Ejiptu sira. Tropas Ejiptu sira mout hotu.

Bainhira ema Izrael sira haree katak ema Ejiptu sira mate ona, sira fiar ba Maromak. Sira fiar katak Moizes nu’udar Maromak nia profeta ida.

Povu Izrael sira mós haksolok tebes tamba Nai Maromak salva ona sira husi mate no dadur. Agora sira livre atu adora Nai Maromak no hantauk Nia. Povu Izrael hananu knanuk barak tebes hodi selebra sira nia liberdade foun no hodi fo onra ba Maromak tamba Nia salva ona sira husi tropas Ejiptu.

Nai Maromak haruka povu Izrael atu selebra eventu ne’e kada tinan atu hanoin hikas fali oinsa Maromak halo lakon povu Ejiptu no liberta povu Izrael sira husi dadur. Eventu ne’e hanaran Páskoa. Iha selebrasaun ne’e, sira tenki selebra ho koa bibi-malae oan ida ne’ebe saúde diak, tunu, no han nia hamutuk ho paun ne’ebe la uza fermentasaun.