13. God’s Covenant with Israel

Depois Maromak lidera povu Izrael hakat liu Tasi Mean, Nia lidera sira liu rai-maran ba iha foho ida nebe hanaran Sinai. Ida-ne'e mak foho nebe hanesan iha-nebe Moises haree ai nebe lakan. Povu Izrael harii sira-nia tenda sira iha foho ain.

Maromak hatete ba Moises no povu Izrael hotu, "Imi tenki rona didiak Hau-Nia lian no kaer metin ba promesa ne'ebe Hau halo ho imi. Se imi halo tuir, imi sei sai Hau-nian ne'ebe espesial, reinu sacerdotal ida, no nasaun ne'ebe santu.

Durante loron tolu, povu Israel prepara sira-nia an, atu Maromak bele mai besik ba sira. Depois Maromak tuun iha Foho Sinai leten. Bainhira Nia mai, lia fulin tuun, rai-lakan, ahi-suar, no lian korna boot loos. Depois, Moisés ba mesak hodi sa’e foho ne’e.

Depois Maromak halo promesa ho povu ne'e. Nia dehan, "Hau mak NA"I, o-nia Maromak, ne'ebe hasai imi husi servisu atan iha Ejitu. Labele adora Maromak seluk.

"Labele halo no labele adora buat lulik, tamba Hau, Maromak, tenke sai imi-nia Na'i mesak. Labele temi Hau-nia naran ho arbiru de'it. Halo santu loron Sabado. Ho liafuan seluk, halo imi-nia servisu durante loron neen, tamba loron dahituk hanesan loron deskansa ba imi hodi deskansa no hanoin Hau."

"Respeita ba imi-nia aman no inan. Labele oho. Labele halo adulteiru. Labele na'ok. Labele hatete lia bosok ba imi-nia maluk. Labele hakarak imi-nia maluk nia uma; Labele hakarak nia feen, ka saida de'it mak imi-nia maluk iha."

Ema hotu konkorda hodi haktuir lei ne'ebe Maromak fo ona ba sira. Sira konkorda hodi sai Maromak ninian de'it no adora Nia de'it.

Maromak mos ordena povu Izrael hodi halo tenda boot ida — Tenda reuniaun. Nia fo-hatene sira maneira oinsa halo tenda ne'e no saida de'it mak uza iha laran. Nia haruka sira halo kurtina boot hodi hafahe tenda ne'e sai kuartu rua. Maromak sei tama ba kuartu laran ne'e no hela iha ne'eba. So sacerdote boot mak bele tama ba kuartu iha ne'ebe Maromak hela ba.

Povu mos tenki halo altar iha tenda reuniaun oin. Se de'it mak kontra Maromak Nia lei tenki lori animal ida ba altar ne'e. Sacerdote ida sei oho animal ne'e no tunu iha altar leten hanesan oferta ba Maromak. Maromak dehan katak animal nia ran ne'e sei taka ema ne'e nia sala. Ho maneira ne'e, Maromak sei la haree tan sala ne'e. Ema ne'e sei sai "moos" iha Maromak nia oin. Maromak hili Moises nia maun-alin, Harun, no Harun nia jerasaun hodi sai sacerdote.

Maromak hakerek Ninia mandamentu sanulu iha fatuk rua leten no fo ba Moises. Maromak mos fo lei barak no regra seluk hodi Nia povu sira obedese. Maromak promete hodi abensoa Nia povu no proteje sira se sira haktuir lei sira ne'e. Maibe, Nia mos dehan katak Nia sei kastigu sira se sira la haktuir.

Durante loron barak, Moises nafatin iha Foho Sinai leten. Nia ko'alia ho Maromak. Maibe, ema sira komesa baruk hodi hein nia fila ba sira. Nune'e sira lori osan-mean ba Harun no husu nia hodi halo buat lulik ne'ebe sira bele adora hodi troka Maromak. Ho nune'e, sira sala boot ba Maromak.

Harun halo estatua osan-mean forma karau-oan. Ema sira hahu adora buat lulik ne'e ho maka'as no hasa'e sakrifisiu ba nia! Maromak hirus tebtebes sira tanba sira-nia sala. Maromak hatete ba Moises katak Nia hakarak harahun tiha sira. Maibe Moises husu Maromak hodi labele oho sira. Maromak rona nia orasaun no la harahun sira.

Bainhira Moises tun husi Foho Sinai, nia lori fatuk-belar rua ne'ebe hakerek Maromak Nia Mandamentu sanulu. Bainhira Moises haree buat lulik ne'e, nia hirus tebtebes no harahun fatuk-belar sira ne'e.

Tuirmai Moises sunu estatua ne'e no halo sai tiha rai-rahun. Nia soe rai-rahun ne'e ba mota no haruka ema hotu hemu bee ne'e. Maromak Haruka pesti ba nasaun ne'e no halo sira mate barak.

Moises halo fatuk-belar foun hodi troka fali fatuk-belar ne'ebe hakerek Maromak Nia Mandamentu sanulu ne'ebe nia harahun ona. Depois nia sa'e fali foho ne'e no harohan atu Maromak perdua nasaun ne'e. Maromak rona Moises no perdua Moises no perdua sira. Moises tuun fali husi foho ho Maromak Nia mandamentu sanulu iha fatuk-belar ne'ebe foun. Depois Maromak lori ema Izrael sira sai husi Foho Sinai ba rai ne'ebe Maromak promete.