14. Wandering in the ira Wilderness

Maromak fo hetene ba ema Izraelmkona-ba lei hotu ne'ebe sira tenke halo tuir tanba Nia aliansa ho sira, Depois Nia lori sira sai husi Foho Sinai. Nia hakarak lori sira ba rai prometido. Rai ne'e mos hanaran Kanaan. Maromak la'o iha sira-nia oin iha kalohan leten, no sira la'o tuir Nia.

Maromak promete ona ba Abraun, Isaac, no Jacob katak Nia sei fo Rai Prometida ba sira-nia jerasaun, maibe agora iha ema grupu barak ne'ebe hela iha ne'eba. Sira hanaran ema Kanaan. Ema Kanaan la adora ka la halo tuir Maromak. Sira adora maromak falsu sira no halo buat aat oioin.

Maromak dehan ba ema Izrael, "Depois de imi tama iha Rai Prometidu, imi tenke hasai ema Kanaan sira husi ne'eba. Labele halo dame ho sira no labele kaben ho sira. Imi tenke harahun estatua sira. Se imi la halo tuir Hau, imi sei adora estatua sira no la'os Hau."

Bainhira ema Izrael to'o iha fronteira Kanaan, Moises hili ema na'in-12, ema ida husi kada suku husi Izrael. Nia fo instrusaun ba sira hodi ba no espia nasaun ne'eba atu haree oinsa nasaun ne'eba. Sira mos tenke hafuhu ema Kanaan atu haree se sira forte ka fraku.

Ema na'in-12 ne'e la'o liuhusi rai-Kanaan durante loron 40, depois sira fila fali. Sira dehan ba povu ne'e, "Rai ne'e bokur tebtebes no kolleta barak!" Maibe espiaun na'in sanulu ne'e dehan, "Sidade sira forsa tebtebes no nia populasaun boot tebes! Se ita ataka sira, sira sei halakon ita no oho ita!"

Imediatamente, Kaleb no Joshua, espiaun na'in-rua seluk, dehan, "Loos duni katak Ema Kanaan sira ne'e aas no forsa, maibe ita bele halakon sira! Maromak sei luta ba ita!"

Maibe povu la rona ba Kaleb no Joshua. Sira sai hirus ba Moises no Harun no dehan, "Tanba sa imi lori ami ba fatin aat ne'e? Loloos ami hela nafatin iha Ejitu. Se ami tama ba nasaun ne'e, ami sei mate iha funu laran, no ema Kanaan sei halo ami-nia feen no oan sai atan." Nasaun ne'e hakarak hili lideransa seluk hodi lori sira fila ba Ejitu.

Bainhira nasaun ne'e dehan nune'e, Maromak sai hirus tebtebes. Nia ba tenda reuniaun no dehan, "Imi kontra hasoru ona Hau, nune'e imi hotu tenke la'o-rai iha rai-maran. Kada ema hotu ne'ebe ne'ebe ho idade 20 ba leten sei mate iha ne'eba no sei la tama ba rai ne'ebe Hau fo ba imi. So Joshua no Kaleb mak sei tama iha ne'eba.

Bainhira ema Izrael rona Maromak ko'alia nune'e, sira arepende sira-nia sala. Nune'e sira deside hodi ataka rai Kanaan. Moises fo hatene sira hodi labele ba tanba Maromak sei la hamutuk sira, maibe sira la rona.

Maromak la hamutuk sira iha funu laran, to'o ema Kanaan halakon sira no oho ema barak. Tuirmai ema Izrael fila kotuk ba Kanaan. Durante tinan 40 tuirmai, sira la'o-rai iha rai-fuik maran.

Durante tinan 40 ema Izrael la'o hale'u iha rai-fuik maran, Maromak fornese hahan ba sira. Nia fo ba sira paun husi lalehan, ne'ebe hanaran Manna. Nia mos haruka manu kodor (manu ho medida natoon) ba sira-nia tenda atu sira bele han na'an. Durante ne'e Maromak tau matan ba sira-nia hatais no sandalias.

Hodi fornese bee hemu ba sira, Maromak halo milagre ida halo bee sai husi fatuk. Maibe maske nune'e, ema Izrael nafatin halerik no murmura ba Maromak no Moises. MNAske nune'e, Maromak nafatin laran-metin. NIa halo saida mak Nia promete ona ba Abraun, Isaac no Jacob nia jerasaun.

Iha tempu seluk, bainhira ema Izrael la iha bee, Maromak dehan ba Moises, "Ko'alia ba fatuk ne'e, nune'e bee sei sai husi ne'e." Maibe Moises la ko'alia ba fatuk ne'e. Maibe, nia baku fatuk ne'e dala rua ho ai-tonka. Ho nune'e, nia insulta Maromak. Bee mos sai husi fatuk ne'e hodi ema hotu hemu, maibe Maromak hirus Moises. Nia dehan, "Tanba imi halo nune'e, imi sei la tama ba rai prometida."

Depois ema Izrael la'o hale'u iha rai-fuik maran durante tinan 40, ema hotu ne'ebe kontra ona hasoru Maromak mate ona. Tuirmai Maromak lidera nasaun ne'e ba rai prometida nia ninin. Moises katuas tebes ona, nune'e Maromak hili Joshua hodi lidera nasaun ne'e. Maromak mos promete ba Moises katak loron ida Nia sei haruka profeta seluk hanesan Moises.

Tuirmai Maromak haruka Moises hodi ba iha foho leten atu nia bele haree Rai Prometida. Moises haree Rai Prometida, maibe Maromak la fo lisensa nia tama. Tuirmai Moises mate, no ema Izrael triste durante loron-30. Joshua sai sira-nia lideransa foun. Joshua mak Lideransa ne'ebe diak tanba nia fiar no obedese ba Maromak.