33. Istoria kona-ba to'os-na'in

Loron ida, Jesus iha hela iha mota ninin. Nia hanorin hela ema lubun boot. Ema barak mai hodi rona Nia to'o Jesus la iha fatin hodi ko'alia ba sira hotu. Nune'e, Nia sa'e ba ró ida no hanorin ema barak.

Jesus konta istoria ne'e. "To'os na'in ida bá hodi kuda fini. Bainhira nia kuda fini ne'e ho liman, fini balun monu iha dalan. Maibe manu sira mai no han hotu fini sira ne'e."

"Fini seluk ne'ebe monu iha fatuk leet, ne'ebé iha rai oituan de'it. Fini iha rai fatuk moris lalais, maibe nia abut la bele tama kle'an ba rai laran. Bainhira loron sa'e no sai manas, ai-horis ne'e sai namlaik no mate."

Fini seluk tan monu iha ai-tarak nia leet. fini ne'e hahu moris, maibe ai-tarak sira ne'e taka nia. Nune'e ai-horis ne'ebe moris husi fini ne'ebe iha ai-tarak ne'e la fo fuan.

Fini seluk monu iha rai ne'ebe di'ak. Fini ne'e moris no fó produsaun dala 30, 60, ka dala 100 liu fali fini ne'ebe kuda. Sé maka hakarak tuir Maromak, nia sei atensaun ba saida mak Ha'u ko'alia ne'e!"

Istoria ne'e halo eskolante sira konfuzaun. Nune'e Jesus esplika, "Fini mak Maromak Nia liafuan. Nia dalan mak ema ne'ebe rona Maromak Nia liafuan maibe la komprende. Tuirmai sataná foti liafuan ne'e husi nia. Signifika katak, sataná taka nia hodi komprende."

"Fini ne'ebe iha fatuk leet mak ema ne'ebé rona Maromak nia liafuan no simu ho haksolok. Maibe bainhira nia terus, ka bainhira ema seluk halo nia terus, nia monu husi Maromak. Signifika katak, nia para fiar ba Maromak."

"Fini ne'ebé ho tarak mak ema ne'ebe rona Maromak nia liafuan. Maibe nia hahu taridu ba buat barak, no nia koko resulta osan barak, no nia koko hetan buat barak. Depois de tempu barak, nia la hadomi tan Maromak. Nune'e, saida mak nia aprende husi Maromak nia liafuan laiha kbi'it atu halo kontente Maromak nia laran. Nia hanesan hare kain ne'ebé la fó fuan.

"Maibe fini ne'ebé monu iha rai ne'ebe di'ak mak ema ne'ebé rona Maromak nia liafuan, fiar no fó fuan.