34. Jesus Hanorin Istoria Sira Seluk

Jesus konta istoria barak seluk kona-ba Maromak nia reiñu. Ezemplu, Nia dehan, "Maromak nia reiñu hanesan fini mostarda nian ne'ebe ema kari iha nia to'os. Imi hatene katak mostarda musan mak fini ne'ebe ki'ik liu entre fini hotu."

"Maibe bainhira mostarda musan moris, nia sai ida-ne'ebé boot liu entre ai-horis sira iha jardin, boot to'o manu sira mós mai no han nia tahan sira."

Iha istoria seluk, Jesus dehan, "Maromak nia reiñu hanesan fermentu ne'ebe kahur husi feto ida ba masa paun nian to'o habelar no espalla iha masa tomak."

"Maromak nia reiñu ne'e hanesan riku-soin ne'ebé ema subar iha to'os. Ema seluk hetan riku-soin ne'e no hakarak tebtebes. Nune'e nia hakoi fali. Nia kontente tebes to'o nia bá no fa'an hotu ida ne'ebé nia iha atu bele sosa to'os ne'ebe riku-soin hela ba."

"Maromak Nia reiñu mós hanesan perola ida ne'ebé valór boot tebes. Bainhira komersiante perola ida hetan, nia fa'an hotu ida ne'ebé nia iha hodi sosa perola ne'e."

Ema balun hanoin katak Maromak sei simu sira tanba sira halo buat ne'ebé di'ak. Ema sira ne'e hateke la vale ema seluk ne'ebé la halo buat di'ak. Nune'e Jesus konta istoria ne'e ba sira: "Iha ema na'in-rua ne'ebé ba iha Maromak nia Templu hodi harohan. Ema ida husi sira mak kobrador impostu, no ida seluk mak lideransa relijiaun."

Lider relijiaun ne'e harohan hanesan ne'e, 'Obrigadu, Maromak, tanba ha'u la halo sala hanesan ema seluk hanesan na'ok teen, ema ne'ebe la justu, adulteiru, ka hanesan kobrador impostu ida ne'ebá.'"

"'Purezemplu, ha'u halo jejun dala rua iha semana ida no ha'u fó pursentu sanulu husi osan no sasan ne'ebe ha'u simu.'"

"Maibe kobrador impostu ne'e hamriik dook husi lideransa relijiaun ne'e. Nia la hateke ba lalehan. Maibe, nia baku nia hirus-matan ho nia liman-fuan no harohan, 'Maromak, hatudu laran-sadia mai ha'u tanba ha'u ema sala-na'in.'"

Depois Jesus dehan, "Ha'u dehan ba imi, Maromak rona tiha ona kobrador impostu nia orasaun no deklara nia hanesan ema loos, la'os hanesan lideransa relijiaun. Maromak sei halo moe ema sira ne'ebé foti an, maibe Nia sei hasa'e ema ne'ebé haraik-an."