35. Istoria Kona-ba Aman Ne'ebé Domin Na'in

Loron ida, Jesus hanorin hela ema barak ne'ebé halibur hamutuk hodi rona Nia. Ema sira ne'e mak kobrador impostu sira no mós ema sira seluk ne'ebe la esforsu atu obedese ba lei torah Moises nian.

Lideransa relijiaun balun haree Jesus ko'alia ho ema sira ne'e hanesan belun. Nune'e sira hahú ko'alia ba malu katak Nia halo sala. Jesus rona sira-nia konversa, depois Nia konta istoria ne'e ba sira.

"Iha mane ida ne'ebé iha oan mane na'in-rua. Oan ikun dehan ba nia aman, 'Aman, hau hakarak eransa agora! Nune'e aman ne'e fahe ninia riku-soin ba nia oan na'in rua."

"Nune'e oan ikun halibur hamutuk hotu ida-ne'ebé ninian no la'o dook no estraga nia osan ba moris sala nian."

"Depois de ida-ne'e, hamlaha boot ida mosu iha rai ne'ebé oan ikun hela ba, no nia laiha osan hodi sosa hahan. Nune'e nia foti serbisu ida ne'ebé nia bele hetan, mak fó-han fahi. Nia terus tebtebes no hamlaha to'o nia hakarak han fahi ne'e nia hahan."

"Ikusmai, oan ikun ne'e dehan iha nia laran, 'Saida mak ha'u tenke halo? Ha'u-nia aman nia atan hotu iha hahan barak, maibe ha'u iha ne'e hamlaha. Hau sei fila ba ha'u aman no husu hodi sai ninia atan ida.'"

"Nune'e oan ikun ne'e fila ba nia aman nia uma. Bainhira nia sei dook, nia aman haree nia no sente laran-sadia ba nia. Nia halai ba nia oan no hako'ak no rei nia."

Oan ne'e dehan, 'Aman, hau sala ona hasoru Maromak no ba ita. Hau la serve sai ita-nia oan.'"

"Maibe nia aman dehan ba nia atan ida, 'Bá lalais no lori mai ropa ne'ebé di'ak liu no fó-hatais ba ha'u-nia oan. Tau kadeli ba nia liman-fuan no fó-hatais sandallas ba nia ain. Tuirmai oho karau-oan ne'ebé di'ak liu atu ita bele halo festa no selebra, tanba ha'u-nia oan mate ona, maibe agora nia moris fali! Nia lakon ona, maibe agora ita hetan fali ona nia!'"

"Nune'e ema hotu hahu selebra. La kleur, oan mane boot fila husi servisu iha to'os. Nia rona múzika no dansa no nia husu saida mak akontese."

"Bainhira oan mane boot hatene katak sira selebra hela tanba nia alin fila ona, nia hirus tebtebes no lakohi tama bá uma laran. Nia aman sai no husu nia hodi selebra hamutuk, maibe nia rejeita."

"Oan mane boot ne'e dehan ba nia aman, 'Durante ne'e ha'u servisu ona ho leal ba ita! Ha'u nunka la halo tuir ita, no ita la fó-mai ha'u mesmu bibi ki'ik ida atu ha'u bele selebra hamutuk ho ha'u-nia maluk sira. Maibe ita-nia oan ne'e estraga ona osan ho halo buat ne'ebé sala. Bainhira nia fila, ita oho bibi-oan ne'ebé di'ak liu hodi selebra!'"

"Aman hatan, ;Ha'u oan, ó sempre hamutuk ho ha'u, no buat hotu ne'ebé ha'u nian hanesan mós ó nian. Maibe loos mai ita hodi selebra tanba ó-nia alin mate ona, maibe agora moris fali. Nia lakon ona, maibe agora ita hetan fali ona nia!'"