9. Nai Maromak bolu Moizes

Depois José mate tiha, nia familia sira hela iha Ejiptu. Sira no Sira-nia jerasaun nafatin hela iha ne'ebá durante tinan barak no iha oan barak. Sira hetan naran ho ema Izrael.

Liu tiha tinan atus barak, kuantidade ema Izrael sai boot tebes. Ema sira Ejiptu haluha ona kona-ba josé no buat hotu ne'ebé nia halo hodi ajuda sira. Sira sai tauk ho ema Izrael sira tamba sira(ema Izrael) barak tebes. Nune'e, Faraun ne'ebe uluk poder boot iha Ejiptu halo ema Izrael sai hanesan atan ba ema Ejiptu.

Ema Ejiptu obriga ema Izrael harii Edifisiu barak no mós harii sidade tomak. Servisu maka'as ne'e halo sira-nia moris sai susar, maibe Maromak fó bensaun sira no sira iha oan barak liután.

Faraun haree katak ema Izrael tur-ahi barak, tan ne'e nia haruka atu oho hotu tiha ema Izrael nia bebé mane sira hodi soe sira ba mota Nilo nia laran.

Feto Izrael ida hahoris bebé mane ida. Nia ho nia laen subar bebé ne'e to'o tempu ne'ebé sira bele.

Bainhira labarik-mane ne'e nia inan-aman labele subar tan nia, sira tau nia iha raga ida ne'ebé namlele iha du'ut nia leet iha mota Nilo nia ninin atu ema labele oho nia. Ninia alin-feto boot haree atu hatene saida mak sei akontese ba nia.

Faraun nia oan-feto haree raga ne'e no haree ba laran. Bainhira nia haree bebe ne'e nia kous hanesan nia oan rasik. Nia aluga feto ida husi Izrael hodi tau-matan ba bebe ne'e, nia la hatene katak feto ne'e inan husi bebe ne'e. Bainhira labarik ne'e tinan to'o ona no la presija ona nia inan nia susu-been, nia fó fila-fali ba Faraun nia oan-feto, ne'ebé fó-naran Moises.

Loron ida, bainhira Moises boot ona, nia haree ema Mesir ida baku hela atan Izrael nian. Moises koko atu ajuda nia maluk husi nasaun ida.

Bainhira Moises sente laiha ema ida mak haree, nia oho ema Mesir ne'e no hakoi nia mate isin. Maibe ema ida haree hela saida mak Moises halo.

Bainhira Faraun hatene kona-ba ne'e, nia koko atu oho Moises. Maibe Moises halai husi Mesir ba rai-fuik iha-ne'ebé nia sei seguru husi Faraun nia tropa nia duni.

Moises sai bibi-atan iha rai-fuik ne'ebé dook husi Mesir. Nia kaben ho feto ida husi fatin ne'ebá no sira iha oan mane na'in rua.

Loron ida bainhira Moises hein hela ninia banin nia bibi-malae sira, nia haree ai ne'ebé lakan. Maibe ai ne'e lahó ahi. Moises bá hodi haree besik liutan. Bainhira nia la'o besik ai ne'ebé lakan-lakan ne'e, Maromak nia lian dehan, "Moises, hasai ó-nia sapatu. Ó hamriik hela iha rai ne'ebé santu."

Maromak dehan, "Hau haree ona Hau-nia povu nia sofre. Hau sei haruka ó ba Faraun atu ó bele lori ema Izrael sai husi sira-nia eskravidaun iha Ejiptu. Hau sei fó rai Kanaan ba sira, rai ne'ebé Hau promete ba Abraun, Ishak, no Jakó."

Moises husu, "Oinsa se hakarak hatene sé mak haruka hau, hau atu ko'alia oinsa?" Maromak dehan, "HAU MAK HAU. Hatete ba sira, 'HAU mak haruka ona hau ba imi.' Hatete mó s ba sira, 'Hau mak NA'I, imi-nia beiala Abraun, Ishak, no Jakó nia Maromak.' Ne'e mak hau-nia naran ba nafatin."

Moises tauk no lakohi bá iha Faraun tamba nia hanoin la bele ko'alia ho di'ak, nune'e Maromak haruka Moises nia maun, Harun, hodi ajuda nia.