44. ४४. पतरुस आ यिहुन्‍ना भिखारीके निमन कैलख

एक दिन,पतरुस आ यिहुन्ना मन्दिरमे जाइत रहे । जइसे ओकनिके मन्दिरके दुवारिमे पुगलख तब ओकनिके एगो लेङर अदमिसबके देखलख जे कि पैसाके लेल भिख मङैत रहे ।

पतरुस यि लेङर अदमिके ओरी देखके कहलख,“तोहरा देबेके लेल हमर पासमे पैसा त न बा । लेकिन हमरासङे जथी बा,हम तोहराके देइत बारी कि,योसुके नाममे उठ आ चल ।

तब तुरन्ते, परमेस्वर उ लेङर अदमिके निमन कदेलख,जब उ निमन होगेल तब खुसिके मारे कुदकैत परमेस्वरके परसंसा करे लगलख । मन्दिर भितरी आ बहरा रहल अदमिसब उ लेङर अदमी निमन भेल देखके अचमित होगेल ।

एके तैकामे अदमिसबके भिर उ निमन भेल अदमिके देखे अएलख । तब पतरुस ओकनिसबसे कहलख, “यि अदमी निमन होगेल कहके काहेला तोहनिके सक परैत बारे ?हमनिके येकरा अपने सक्तिमे वा बलबुतामे निमन न कैली,लेकिन यि त यिसुके नामके सक्तिमे बिसबास कैलख,जेकरकारनसे यि अदमी निम होगेल ।

“तोहनिके उहेसब बारे कि, रोमी राजपालसे कहके यिसुके मरबादेले । जवनकी जिबन करताके तोहनिके मारदेले,लेकिन परमेस्वर यिसुके मरलमेसे जि उठैलख । तोहनिके हम कथी करे जाइत बारी से थाह न होएलामे भी,परमेस्वर अगबानिसबके पुरा करेके लेल तोहनिसे काम करबैएलख कि,मसिह कस्ट भोगी,आ मारल जाइ । ओहिसे तोहनिके मन फिराके परमेस्वरके ओरी लवटजो ताकी तोहनिके पापसबसे माफ कदी ।

पतरुस आ यिहुन्नाके कहल बातसबसे मन्दिरके अगुवासब बहुत जोरसे खिसिया गेल । ओहिसे ओकनिके पतरुस आ यिहुन्नाके पकरके जेलमे डालदेल । लेकिन बहुत अदमिसब पतरुसके परचारके बचनमे बिसबास कैलाके कारन ओकनिके यिसुमे बिसबास कैलख । तब बिसबास करेबलासबके संख्या ५००० हजार होगेल ।

तब दोसरका दिन,यहुदी अगुवासब पतरुस आ यिहुन्नाके परमुख पुजहारी आ आरु धारमिक अगुवासबके सामने ल्यैलख । जब ओकनिके पतरुस आ यिहुन्नासे पुसलख कि,“केकर सक्तिसे तोहनिके यि लेङर अदमिके निमन कैले ?”

तब पतरुस जबाफ देलख कि,तोहनियके सामने खरा भेल यि अदमिके यिसु खिरिस्टके सक्तिसे यि निमन भेल । तोहनिके यिसुके कुरुसमे लटकाके मुयादेले,लेकिन परमेस्वर ओकराके फेरुसे जिबित कदेलख ।

पतरु आ यिहुन्ना बहुत साहसके साथ बोलैत देखके,यि अगुवासब छक्क परगेल । काहेकी ओकनिके देखैत रहे कि,येकनिके दुनुजना सधारन आ असिकसित अदमिसब रहे । लेकिन येकनिके यिसुसङे रहैत रहे कहके ओकनिके याद आगेल । तब ओकनिके पतरुस आ यिहुन्नाके धमकी देके छोरदेलख ।