48. ४८. यिसु परतिग्या कैल मसिह बा

जब परमेस्वर संसारके सिरिस्टि कैले रहे,तब सभे बात सिध रहे ।उहा कवनो पाप नरहे । आदम आ हबा एक-पसमे पेरेम करे,आ ओकनिके परमेस्वरके पेरेम करे । उहबा कवनो रोग आ मिरतु नरहे । परमेस्वरके चाहल जैसनके संसार रहे ।

बगैचामे हबाके छल कके सैतान सापके माध्यमसे बोल्लख ।तब हबा,आदम परमेस्वरके बिरोधमे पाप कैलख । तब ओकनिके पाप कैलाके कारन मिरतु,रोग,पिरा,यी सभे संसारके सरा अदमिसबके जिबनके एगो हिसा बनगेल ।

काहेकी आदम आ हबा पाप कैलासे भी भ्यानक त ओकनिके परमेस्वरके दुसमन होगेल । ओकरे फलस्वरुप,उहे समयसे सभे अदमिसब जलमतेही पाप-स्वभाब लेके जलमैए आ ओकनिके भि परमेस्वरके सतरु होजाइए । परमेस्वर आ अदमिसब बिचके नता पाप कैलाके कारनसे टुटगेल । फिरभी उ नता फेरुसे जोरेकेलेल परमेस्वरसङे एगो योजना रहे ।

तब परमेस्वर वादा कैलख कि,हबाके जरिए हि एगो सन्तानके जलम होइ,आ उ सैतनके सिर कुची,आ सैतान ओकर ऐरीमे डसी । येकर अरथ यि बा कि,सैतान मसिहाके मुयादी । लेकिन परमेस्वर ओकरा फेरुसे मरलमेस जिन्दा कदी । तब मसिहा सैतानके सभे सक्तिके सदाके लेल खतम कदी । बहुत बरिसके बाद परमेस्वर यिसु हि मसिहा कहके परकट कैलख ।

जब परमेस्वर सरा पिरथिबिके जलपरलयके द्वारा नास कैलख,तब परमेस्वरमे बिसबास करेबला अदमिसबके लेल परमेस्वर पनिया जहाज बनबाके जलपरलयसे बचालेलख । ठिक औसनके हरकोइ पापके कारन नस्ट होएके योग्य बा । लेकिन परमेस्वर यिसुमे बिसबास करेबला सबके उधारके एगो रस्ता देलख ।

सय बरिसतक, अदमिसबके पापके कारन पुजहारिसब डन्डके समझना कराएकेलेल परमेस्वरके निरन्तर रुपसे बलिदान चरहाए । लेकिन उ बलिसे ओकनिके पापके हरन करे नसकलख । ओहिसे यिसु परधान पुजहारीके रुपमे अएलख । काहेकी,यिसु आरु पुजहारिसबके जइसन नकैलख,बलकी अपना आपके एकलवता बलिके रुमे अरपनाके अरपन कदेलख, ताकी संसारके सभे अदमिसबके पाप उठाके लेजाए । ओहिसे यिसु सिध परधान-पुजहारी रहे । काहेकी हरेक अदमिसबके पापके लेल यिसु डन्ड भोगलख ।

परमेस्वर अबरहामसे कहलख,“पिरथिबिके सभे जातके अदमी तोहरेद्वार आसिसित होइ ।”ओहिसे यिसु अबरहामके बंससे अएलख । सभे जातके अदमिसब ओकरेद्वारा आसिसित होइ,काहेकी सभे जना जे यिसुमे बिसबास करी,ओकनिके अपन पापसे उधार पाइ,आ अबरहामके आतमिक सन्तान बनजाइ ।

जब परमेस्वर अबरहामके एकेगो बेटा,इसहाककेबलिदान चरहाएके कहलख,तब परमेस्वर ;सहाकके बदलामे बली होएके लेल एगो भेराके बच्चा जुटैलख । औसनके हमनिके सभेजना पापके कारन मिरतुके योग्यके बारी । फिरभी परमेस्वर यिसुके भेजलख आ हमनिके पापके कारन बलिदान होएसे हमनिके बदलामे यिसु बलिदान होगेल ।

जब परमेस्वर मिस्रदेसमे अन्तिम बिपती पठैलख,तब परमेस्वर कहलख हरेक इजराएली परिबारके एगो सुध भेराके बच्चाके बलिदान कके ओकर खुन अपन-अपन घरके दुवारिके चौखटमे उपरिसे लेके निचातक लगैहे । जब परमेस्वरके मिरतुके दुत उ खुन जवन-जवन घरमे देखलख,उघरके छोर देलख आ ओकनिके जेठ सन्तान न मरलख । यि घटनाके निसतार पबनी कहैए ।

यिसु हमनिसबके लेल निसतार पबनिके बलिदानके भेराके बच्चा बा । यिसु सिध आ पापरहित रहे आ निसतार पबनि मनाएके समयमे यिसु मारगेल । जब केहु यिसुमे बिसबास करी,यिसुके खुनसे उ अदमिके पापके मोल तिर दीइ, आ परमेस्वरके डनड ओकरा उपरिसे हट जाइ ।

तब परमेस्वर अपन चुनल अदमी इजराएलिसबसे एगो करार कैलख । लेकिन आब परमेस्वर एगो लया करार बनैएले बा । जवन कि,सभेके लेल उपलब्ध बा । ओहिसे यि लया करारके कारनसे कवनो भि अदमी यिसुमे बिसबास करी उ परमेस्वरके सन्तान बनजाइ ।

मोसा एगो बहुत बरका अगमबक्ता रहे,आ उ परमेस्वरके बचनके घोसना करे । लेकिन यिसु ओकरोसे बरका अगमबक्ता रहे । यिसु परमेस्वर बा,ओहिसे यिसु जथी कैलख आ जथी बोल्लख उ सभे काम परमेस्वरके बचनके कामसब रहे । यि कारनसे यिसुके परमेस्वरके बचन कहैए ।

परमेस्वर रजा दाउदसे करार कैएले रहे कि,ओकर सन्तानसब मध्यमेसे एकजना रजाके रुपमे सदा-सरबदाके लेल परमेस्वरके अदमिसब उपरी राज्य करी । काहेकी यिसु परमेस्वरके बेटा आ मसिह बा । उ दाउदके उ बिसेस बन्स बा,जेकी सदा-सरबदा राज कर सकैत बा ।

दाउद खाली इजराएल देसके रजा रहे । लेकिन यिसु यि सरा बरहमानडके रजा बा । यिसु फेरु यि संसारमे न्याय करेके लेल आ सान्तिके साथ हमेसाके लेल राज करी ।