50. ५०. यिसु फेरु आइ

करिब २००० हजार बरिससे संसारभरके बहुतसे बहुत अदमिसब यिसु मसिहके बारेमे सुसमाचार सुनैत आरहलबा । मन्डली भि बरह रहल बा । यिसु परतिग्या कैले बा कि,संसारके अन्तमे हम लवटके फेरु यि संसारमे आएब । लेकिन यिसु अभी भी लवटके न आएल बा फिरभी यिसु अपन परतिउया पुरा करी ।

जब हमनिके यिसुके आगमनके परतिक्सा करैत बारी त,हमनिके पबितरताके जिबन जिइ कहके परमेस्वर चाहैय,जेकनिके ओकरा आदर करैए । हमनिके आरु अदमिके भि ओकर राज्यके बारेमे बताउ कहके उ चाहैए । जब यिसु यि संसारमे रहे त, उ कहलख,“हमर चेलासब परमेस्वरके राज्यके बारेमे सरा संसारके अदमिसबके सुसमाचार सुनादी,सेकर बाद यि संसारके अन्त होजाइ ।”

आजु भी बहुत अदमिसब यिसुके बारेमे न सुनल्लेबा । ओहिसे यिसु स्वरगमे जाएसे पहिले अपन बिसबासिसबसे कहलख,जवन अदमिसब अभितक कहियोन सुसमाचार न सुनल्ले बा । ओकनिसबके लगे ,“जोअ आ सभे जातके अदमिसबके चेला बनाअ ।”

यिसु अइसे भी कहलख,“कवनो भि दास अपन मालिकसे बरका न होसकैसै ।जैसे यि संसारके हाकिमसब हमरा घिरना कैलख,ओकनिके हमरा खातिर तोहनिके दुख दी आ मुयादी । यि संसारमे तोहनिके कस्ट भोगेपरी तब परभी,उतसाहित होअ,काहेकी हम यि संसारके सासक सैतानके हरादेलबारी । यदी तोहनिके अन्तिम घरितक बिसबासयोग्य रहबे त,परमेस्वर तोहनिसबके उधार करी ।

यिसु अपन चेलासबसे संसारके अन्ति घरिमे कैसन होइ कहके बुझाएके लेल एगो कथा कहलख । “एकजना अदमी अपन खेतमे बहत बन्हिया गहुमके बिया बोएलख । जब उ सुतल रहे । तब ओकर दुसमन आके गहुमके बिचमे समाके बिया बोके चलगेल ।”

“जब उ बिया जमलख,तब उ अदमिके दाससब कहलख,मालिक“अपने त उ खेतमे बहुत बन्हिया गहुमके बिया बोएले रहली । लेकिन कहासे उमे समा जामगेल ?” तब ओकर मालिक जबाफ देलख,“हमर कवनो दुसमन आके समा बोअ देले होइ ।”

“तब यि दाससब अपन मालिकके जबाफ देलख,‘कथी हमनिके जाके उ समाके उखार दु ?’ तब ओकर मालिक कहलख अभी ओकराके नउखार काहेकी जब ओकरा उखारबे त गहुम सुधा उखार देबे । ओहिसे कटनिके समयतक हसिया सेकरबाद समासबके बिटोरके जराके लेल बोझा बनाअ,लेकिन गहुमसब हमर बेरहिमे ल्याके राख ।”

लेकिन चेलासब यि कथाके बारेमे नबुझे सकलख,ओहिसे ओकनिके यिसुसे यि कथाके अरथ बुझादेबेके लेल अनुरोध कैलख । तब यिसु बतैएलख कि,“निमन बिया बोए बला अदमी मसिहके परतिनिधित्व करैए ।खेत संसारके जनाए । आ निमन बिया परमेस्वरके राज्यके अदमिसबके परतिनिधित्व करैए ।”

समासब दुस्ट अदमिसबके परतिनिधित्व करैए । समा बोदेबेबला दुसमन सैतानके परतिनिधित्व करैए,आ कटनिके समय अन्तिमदिनके परतिनिधित्व करैए,आकटनी गरेबलासब परमेस्वरके स्वरगदुतसबके परतिनिधित्व करैए ।”

“जब यि संसारके अन्त होइ,तब स्वरगदुतसब अधरमी अदमिसबके जम्मा करी आ ओकनिके नरकके दन्कैत आगिमे झोक दी,जहा ओकनिके रोइ आ भ्यानक कस्ट भोगी आ अपन दात पिसी ।तब धरमी जनसब अपन पिता परमेस्वरके राज्यमे सुरजके जइसन चमकी ।”

यिसु यि भि कहले कि,संसारके अन्त होएसे पहिले हम यि संसारमे लवटके आएब । उ औसनके आइ जइसेके उ स्वरगमे गेल रहे । ओकर एगो भौतिक सरिर होइ,आ उ अकासमेसे बादलके सबारिमे आइ ।जब यिसु यि धरतिमे आइ तब हरेक मरल इसाइसब मरलमेसे जिजाइ । आ अकासमे ओकरासे भेट करी ।

सेकरबाद उसमयमे जवन बिसबासिसब बाचल रही उसबके उपरी अकासमे उठालियाइ आ मिरतुसे जि उठल बिसबासिसबसे भेटकरी । तब ओकनिके सभेजना यिसुसङे रही । ओकरबाद यिसु अपन अदमिसबके सङे सदाके लेल सान्ति आ एकतामे बैठी ।

यिसुमे बिसबास करेबला हरेकके बिसबासिसबके लेल जिबनके मकुट देहब कहके परतिग्या कैलेबा । ओहिसे ओकनिके परमेसवरसङे रही आ परमेस्वरसङे राज करी ।

लेकिन परमेस्वर यिसुमे बिसबास नकरेबलासबके न्याय करी । परमेस्वर ओकनिके नरकमे फेकदी,जहाओकनिके सदाके लेल रोइ आ कस्टके कारन अपन दात पिसी । कहियोन भुताएबला आगिमे सदाके लेल ओकनिके फेकदी जहा नत किरा मरैए न त आगिए भुताइए ।

जब यिसु लवटके आइ तब सैतानके आ ओकर राज्यके सदाके लेल नस्ट कदी ।यिसु सैतानके नरकमे फेकदी,जहा ओकनिके सदाके लेल जरी आ सैतानसङे ओकनिके भी होइ जेकनिके परमेस्वरके अग्या न मानके सैतानके अपन इस्वर बनाएके लेल रोजलख ।

काहेकी आदम आ हबा परमेस्वरके अग्यापालन नकैलख आ यि संसारमे पापके परबेस करैलाके कारनसे परमेस्वर यि संसारके सराप देलख । आ यि संसारके नास करेके लेल निरनय कैलख । लेकिन एक दिन परमेस्वर एगो लया स्वरग लया पिरथिबीके सिरिस्टी करी जवन की,सिध होइ ।

तब यिसु आ ओकर अदमिसब लया अकास लया पिरथिबिमे रही, आ यिसु सदाके लेल असितत्वमे रहल सभे चिज उपरी राज्य करी,आ सभेके लोर पोंस दी । सेकरबाद उहबा कवनो कस्ट,दुख रोआइ,दुस्टता,बेदना,आ मिरतु नहोइ । यिसु सान्ति आ न्यायके साथ अपन राज्यके सासन करी,आ यिसु अपन अदमिसबके सङे सदाके लेल रही ।