26. २६. येशू सेवाकाई सुरु कर्नै

शैतानके परीक्षासे विजय होके सेकके, येशू पवित्र आत्माके शक्तिमे गालील प्रदेशमे लौट्नै। जहाँ येशू बैथैँ। येशू बात सिखैति एक ठाउँसे दोसर ठाउँ गइनै। सबजाने येशूक् बारेमे मजा बात बोलैँ।

येशू नासरतमे गइनै, जहाँ ऊ छोट्टी भर रहनै। शबाथके दिनमे, येशू आराधना कर्ना घरमे गइनै। मनइ उहिनहे पह्रेक लग् यशैया अगमवक्ताके किताब देनै। येशू वैनके लग् वचनके एक भाग पहरदेनै।

येशू पहरनै कि परमेश्वरके आत्मा मोरमे बाटैँ काहेकी गरीबहुक्रहन मजा खबर सुनाइक लग् महिन अभिषेक कर्ले बाटैँ। टुटल मन रहल मनइन चोख्वाइक लग्, बन्धनमे परल हुक्रहन छुटाइक लग्, आन्धर मनइन देख्नाहा बनाइक लग्, थिचल मिचल हुक्रहन छुटकारा देहेक लग् ओ प्रभूक दयाके समय घोषणा करेक लग् परमेश्वर महिन पठैले बाटैँ।

तब् यी बात कहिके येशू बैथ्नै। सक्कुजाने उहिने हेरतहै। काहेकी जौन वचन पहरले रहैँ ऊ मसिहके बारेमे रहे। येशू कहनै,“पवित्रशास्टके यी वचन आज तुह्रे सुनेबेर पूरा हुसेकल।” तब् सब मनइ यी बात सुनके अचम पर्नै। वैने कहनै यी योसेफके छावा नाइ हुइतै का?

तब् येशू कहनै,“मई तुहरन सच कहतु, कौनो फे अगमवक्ताहे ओकर देशके मनइ उहिन स्वीकार नाई कर्थै। एलियाके समयमे इसा्रएलमे धेउरे विधुवाहुँक्रे रहैँ। जब् साह्रे तिन सालसम् इसा्रएलमे पानी नाइ परल तब् परमेश्वर एलियाहे इसा्रएलमे रहल विधुवाहुक्रहन मदत करे नाइ पठैनै, औरे देशके विधुवाहे सहायता करे पठैनै।

येशू ओस्तेक कहती गइनै, “एलिशा अगमवक्ताके समयमे, छालाके रोग रहल मनइ धेउरे इसा्रएलमे रहैँ। मने एलिशा वैनहे निक नाइ पर्नै। एलिशा सिरिया देशके नामानहे किल निक पर्नै।” यी बात सुनुइयन यहूदीहुँक्रे रहैँ।जब् यि बात यहूदीहुँक्रे यी बात सुन्नै, वैनै येशूक्मे बहुत ज्यादा रिसैनै।

नासरतके मनइ येशूहे आराधना घरमन्से घिसयैति बाहेर निकर्नै ओ पहारके किनारे लैजाके मारेक् खोज्नै मने येशू भीरके बीच्चेसे छिरके निकरगिनै।

ओकरपाछे येशू गालीलके सहरमे गइनै, ओ हुँकारथे मनइनके भारी भीर आइल। वैने येशूक्थे रोगीयन, आन्धर, नाँङगर, लाट मनइन लन्नै ओ येशू वैनहे निक पर्नै।

भूतात्मा लागल धेरे मनइ हुँक्रन येशूक्थे लन्नै। येशू वैनहे फे निक पर्नै। भूत लागल मनइ यैसिक चिल्लाईँ, “तुँ परमेश्वरके छावा हुइतो।"

तब् येशु ब्राह थो मनइन् छन्नै ओ वैन आपन चेला बनइने। ऊ चेलन् येशुके सँग रहै ओ सिखैँ।