27. अच्छो सामरीको कथा

एकदिन, यहुदी व्यवस्थाको निपुण एक जनई गुरु येशू ठिन बाको परीक्षा कारन अइसे कहीके आओ, “गुरुज्यु, अनन्त जीवनको हकदार होन ताहीं मए का करओ?” येशू जवाफ दै, “परमेश्वरको व्यवस्थामे का लिखो हए?”

बो व्यवस्थाको निपुण आदमी परमेश्वरको व्यवस्था अइसे काहात हए कहीके जवाफ दै, “त्ए परमप्रभु अपन परमेश्वरके अपन पुरा हृदयलसे, अपन पुरा प्राणसे, अपन पुरा शक्तिसे और अपन समझसे प्रेम कर फिर अपन पडोसीके अपनी जैसो प्रेम कर।” येशू जवाफ दै, “त्ए ठिक कहो

पर बो व्यवस्थाको निपुण आदमी अपनए धर्मी ठहरान चाही, तही बो पुछी, “मिर पडोसी कौन हए?”

येशू बप आदमीके एक कथा कहीके जवाफ दै, “एक जनई यहुदी आदमी यरूशलेमको डगरसे यरिहो घईन जात रहए।”

“यात्रा करतए करत, बो आदमीके लुटेरानको एक समुह लुटदैं। बे बाको संग रहो सब चिज लैगए और बाके अधमरो होन कर्के मारी। तओ फिर बे बाके आदमीके छोडके हुनासे गए।”

“बुक कुछ समय पिच्छु, एक जनई यहुदी पुजाहारी फिर संयोगवश बहे डगर हुईके जात रहए। जब बो धार्मिक अगुवा बो तुतो और घायल भओ आदमी क देखी, बो डगरको बो छोर गओ और बो आदमीसे दुर गओ, और अपन डगर गओ।”

“उइसी भओ गजब समय नाकटो, एक जनई लेवी फिर बो डगर हुइके आओ। (लेवी यहुदीनको एक कुल रहए जौन, मन्दिरमे पुजाहारीनके सहायता करत् रहए)। बो लेवी फिर डगरको बो छोर घैनसे गैभओ और बो लुटो और घायल भओ आदमीको वास्ता नाकरी।”

“बो डगरसे हुइके जान बालो दुसरो मनई एक जनाई सामरी रहए। (सामरी यहुदीनको बे सन्तान रहए, जौन दुसरे राष्ट्रके आदमीनके बिहा करे रहए। सामरी और यहुदी एक दुस्रेके घृणा करत् रहए)। पर जब बो सामरी बो यहुदी आदमीके देखी, बाको मन दयाको भावसे भरी गओ। तही बा बो यहुदीके सहनुभूती दिखाई और बाको दुखौनोमे पट्टी लगाई दै।”

“तओ बो सामरी बो यहुदीके अपन गधा उपर चढाई और बाके डगर टिकारे एक पौवामे लैके बो सामरी बाके स्याहार करी।”

“दुस्रे दिन, बो सामरी अपन यात्रामे लगातार जानके रहए। बा बाको पौवाको मालिकके कुछ रुपैया दै और कही, ‘बाको ख्याल करीए, तओ अगर तुक जासे जद्धी खर्च लगो तओ, मए घुमन पेती, सो खर्च तिर्देमंगो।”

तओ फिर येशु व्यवस्थाको बो निपुण मनईसे पुछी, “बो मद्धे कौन्छो चाहिं बो लुतो और घायल भओ आदमीको छिमेकी हए?” बो जवाफ दै, “बहे, जौन बाकोप्रती दयालु रहए।” येशू बोके कही, तए फिर जा और अइसी कर।”