36. येशूको रुप परिवर्तन

एकदिन, येशू बाको तिन जनै चेला पत्रुस, याकुब और यूहन्नाके अपनसंग लैगओ। (जा यूहन्ना येशूके बप्तिस्मा देनबालो मनै नाहए)। बे एक ढेंगो पाहाड उपर प्रार्थना करन गए।

जब येशू प्रार्थना करत् रहए, बाको चेहेरा दिन जैसो चमक गओ और बाको कपडा ज्योति जैसो सेतो हुइगओ।

तओ फिर हुना मिशा और एलिया अगमवक्ता देखा पणो। जे आदमी बो घटना होनसे अग्गु सयौँ बचो रहए। बे येशु संग बाको मृत्युकीबारेमे बारेमे बात करी, जौन हल्ली नए यरुशलेममे होन बालो रहए।

जब मोशा और एलिया येशूसंग बातचित करत् रहए, पत्रुस येशूस्र कही, “हम्के हीनै रहान असल हए। हम तिन बासस्थान बनामए, एक तुम्हार ताही, एक मोशाको ताही, और एक एलियाको ताही।” बो बेला पनना का मस्कत हओ कहीके पत्रुसके पता नारहएअ

जब पत्रुस मस्कत रहए, एक उज्यारो बादर तरे आयके बिनके घेरलै और बादरसे परमेश्वरको आवाज अइसो कही, “जा मिर प्रिय लौणा हए जौनक मए गजब प्रेम करत् हओ। मए बुस प्रसन्न हओ। बाको बात सुनके बे तिन चेला डराई गए और जमिनमे गिरिगए।

तओ येशू बिनके छुई और कही, “मत डराओ, “उठओ।” जब बे आसपिस देखिँ, हुना केवल येशू खाली रहए।

येशू और बे तीन चेला फिर पहाडसे तरे झडे। फिर येशू बिनके कही, “हीना भओ घटनाको बारेमे हबे कोइसे फिर मत कहीयो। मए हल्ली नए मरंगो और फिर जिन्दा होमंगो। तओ फिर, तुम आदमिनके काहान नासिकैगे।”