16. छोड़ाव नी:

यहोशू गोए जन रअ: तयोमते इस्राएली होड़ो को परमेश्वरअ: हुकुम कको मनातिङ जना। इनकु परमेश्वरअ: नियम को कको मनातिङ केदा ओड़ो: इनकु एन वायदा कद देशेते बचाव लेन कनानी होड़ो कोके बाहर कको ओडोङ केद कोअ:। इस्राएली होड़ो को अकोअ: सच्चा परमेश्वर यहोवा के बागे केअते कनानी होड़ो कोअ: देवता कोअ: आराधना को एटेज केदा। इस्राएली होड़ो कोअ: जेताय राजा काए ताइकेना, एनामेनते ओकोए के जे ठीक अदा किजअ:, इनि: एना गी रिका ताइना।

परमेश्वरअ: हुकुम कको मानातिङ जन रअ: ते इस्राएली होड़ो को मियद होरा को एटेज केदा, एना ढेइर बेर दोहराव लेना।ने होरा ने लेकाते सेसेन जना: कटीइ साल जकेद इस्राएली होड़ो को परमेश्वरअ: हुकुम कको मनातिङ ताइना, एमतंग परमेश्वर इनकु के अकोअ: दुश्मन कोए ते हराव इका केअते सजा ओमा को ताइना। ने दुश्मन को इस्राएली होड़ो कोएते इनकुअ: सोबेन जिनिस को रेए केद ताइना। इनकुअ: सम्पति कोके नाश ताइनको ओड़ो: इनकु मे से ढेइर होड़ो कोके गोए को ताइनको। एनेद जब इस्राएली होड़ो कोअ: दुश्मन को इनकुअ: चेतन रे ढेइर साल जकेद को अत्याचार ताइना, एना रअ: तयोमते इस्राएली होड़ो को अकोअ: पाप कोके को मानातिङ ताइना ओड़ो: परमेश्वर ते इनकुअ: बचाव लाइ को अरजी ताइना।

हर बार जब इस्राएली होड़ो को अकोअ: पाप कोके को मनातिङ ताइना दो परमेश्वर इनकु के बचाव को ताइना। इनि: मियद छोड़ाव वाला नीजे ते नेकाए ताइना – मियद नेलकन होड़ो जे इनकुअ: दुश्मन कोअ: बिरोध रे लड़ाई ताइना ओड़ो: इनकु के हराव को ताइना। एने नङ एन देश रे शांति होबाव ताइना ओड़ो: एन छोड़ाव नी इनकुअ: रे बेस लेका ते राइज चलाव ताइना।परमेश्वर एन होड़ो कोके बचाव लाइ ते ढेइर छोड़ाव वाला कोए कुल केद कोअ:। परमेश्वर नड़े रेन गी मियद दुश्मन जाति मिद्यानी होड़ो कोएते इस्राएली होड़ो कोके हराव लाइ हडो मिसा नेका केदा।

मिद्यानी होड़ो को सात साल जकेद इस्राएली होड़ो कोअ: अन्न को रेए केद कोअ:। इस्राएली होड़ो को इसु को बोरो लेना ओड़ो: इनकु लतरा कोरे को उकु जना चि मिद्यानी होड़ो को अलोको नम दड़ि का। अखीर रे इनकु अकोअ: बचाव लाइ परमेश्वर केको हकाव किजअ:।

गिदोन नुतुम नी मियद इस्राएली कोड़ा ताइकेना। मुसिङ हुलङ इनि: मिद्यानी होड़ो को अलोको चोराव दड़ि का मेनते दनङ ठयाद रे गोहोमए झड़ाव ताइना, यहोवा गअ: स्वर्गदूत गिदोन तअ: हिजु केअते इनि:के कजियजअ:, “हे बहादूर होड़ो, परमेश्वर अमअ: लोओ: मेनाइअ:। जु इस्राएली होड़ो कोके मिद्यानी होड़ो कोएते बचाव कोम।”

गिदोनअ: अपुते तअ: रे मूर्ति गअ: मियद बेदी ताइ केना। सोबेनअ: ते सिदा जे परमेश्वर गिदोन के कजि लिजअ: एना एन बेदी के तोड़ाव ताइकेना।मगर गिदोन होड़ोकोए ते बोरो ताइना, एनामेनते इनि: अयुबो रअ: आसरा केदा।एनेद इनि: एन बेदी के तोड़ाव केअते खंड-खंड तदा।इनि: परमेश्वर लाइ मियद नवा बेदी बाइ केदा ओड़ो: एना रे परमेश्वर लाइ दाड़े रकब केदा।

तयोम हुलङ सेतअ: होड़ो को नेल केदा को चि जाय जेताय बेदी के तोड़ाव केअते खंड-खंड कदा, एनामेनते इनकु इसु पुरअ: को खीस जना।इनकु गिदोन के गोगोए लाइ इनिअ: ओड़ा को सेन जना, मगर गिदोनअ: अपुते कजि केदा, “अपे चिनअ: लाइ अपेअ: देवता गअ: देंगा लाइ पे कोशिश तना? अगर इनि: देवता तनि रेदो अएअ गी बचावेन का।चियाची इनि: नेका कजि केदा एनामेनते होड़ो को गिदोन के कको गोगोज केनअ:।

एनेद मिद्यानी होड़ो को इस्राएली होड़ो कोके रेए लाइ हडो को हिजु लेना।इनकु नीमिन थिम्बा को ताइकेना चि इनकुअ: हिसाबो का दड़िओ ताइना।गिदोन इनकुअ: बिरोध रे लड़ाई लाइ इस्राएली होड़ो कोके मिसाते केड़ा केद कोअ:। गिदोन परमेश्वर के बरिया चिन्हा असी किजअ: चि इनि: बिसवास दड़ि काए चि परमेश्वर सरती गी इनि: के इस्राएली होड़ो कोके बचाव लाइ कजि तनाए।

सिदा रअ: चिन्हा लाइ, गिदोन मिण्डी गअ: उब के ओते रे मंडाव केअते परमेश्वर के कजियजअ: चि सेतअ: रअ: सिसिर दाअ: मिण्डी गअ: उब रे भइर उयुगो चअ: ओड़ो: ओते रे कअ टोगो कअ। परमेश्वर नेका गी रिका केदा। तयोम अयूब गिदोन परमेश्वर के कजियजअ: चि ओते लूमोओ कअ: मगर मिण्डी उब रोहोड़ गी ताइनो कअ:। परमेश्वर नेकावो रिका केदा।ने बरिया चिन्हा रअ: चलते गिदोन बिसवास केदाए चि परमेश्वर सरती गी सनङ तनाए चि इनि: इस्राएली होड़ो कोके मिद्यानी होड़ो कोएते बचाव कोकअ:।

एनेद गिदोन फौज कोके केड़ा केद कोअ: ओड़ो: 32,000 कोड़ा को हिजु लेना।मेनदो परमेश्वर कजि केदा चि निकु इसु थिम्बा मेना कोअ:। एनाते गिदोन 22,000 कोके ओड़ा ते कुल रुवाड़ केद कोअ: जे लड़ाई तेको बोरो ताइना। परमेश्वर गिदोन के कजियजअ: चि ने कोड़ा को नअव गी इसु थिम्बा मेना कोअ:। एना मेनते गिदोन 300 सेना कोके बगी केअते सोबेन कोके ओड़ाते कुल रुवाड़ केद कोअ:।

एन अयूब परमेश्वर गिदोन के कजियजअ:,“मिद्यान होड़ो कोअ: छावनी रे सेनोमे ओड़ो: इनकुअ: बकड़ को अयुमेम।जब अम अयुमेयम चि इनकु चिनअ: कोको बकाड़ेया दो अम इनकु लोओ: लड़ाई रे कम बोरोया।” एनामेनते एन अयूब गिदोन लतार ते इनकुअ: छावनी रे सेनो: जना ओड़ो: इनि: मियद मिद्यानी फौजी के अयअ: गति तेके एन बकड़ उदुबाई तन अयुम किजअ: जे इनि: कुमु रे नेल लअ:। इनिअ: गति ते इनि: के कजियजअ:, “ने कुमु रअ: अर्थ तना चि गिदोन गअ: फौज को अबु मिद्यानी फौज कोके को हराव तबुअ:।” जब गिदोन ने बकड़ अयुम केदा दो इनि: परमेश्वरअ: बड़ाई केदा।

एनेद गिदोन अयअ: फौजी कोतअ: रुवाड़ जना ओड़ो: इनि: सोबेन कोके मियद-मियद नरसिंग, मियद हसा रअ: बर्तन ओड़ो: मियद मशाल ओमाद कोअ:।इनकु एन छावनी केको घेराव केदा जे तअ: रे मिद्यानी को गिति ताइनको।गिदोनअ: 300 फौजी को अकोअ: मशाल के बर्तन तेको दलोब कद ताइना एनामेनते मिद्यानी होड़ो को एन मशाल रअ: मरसल को कको नेल दड़ि जना।

एनेद गिदोनअ: सोबेन फौजी को अकोअ: बर्तन कोके मिसा तेको रपुद केअते अचका तेगी मशाल रअ: सेंगेल कोके को देखाव तदा।इनकु अकोअ: नरसिंग कोके को ओम तदा ओड़ो: को गुल केदा, “यहोवा गअ: ओड़ो: गिदोन गअ: तलवार।”

परमेश्वर, मिद्यानी कोके घबराव तद कोअ:,एनामेनते इनकु अको-अको रेको मापअ: गोपोए जना।जल्दी गी गिदोन एन संदेश सेटेर वाला कोके इसु हडो इस्राएली होड़ो कोके मिद्यानी कोअ: पीछा लाइ देंगा मेनते केड़ा कुल केद कोअ:। इनकु एन में से रे इसु होड़ो कोके को गोए तद कोअ: ओड़ो: बचाव लेन कोअ: पीछा केद इनकु के इस्राएली देश ते बाहर को ओडोङ तद कोअ:। एन हुलङ 1,20,000 मिद्यानी होड़ो को गोए जना।ने लेका परमेश्वर इस्राएली होड़ो कोके बचाव केद कोअ:।

इनकु गिदोन के अकोअ: राजा को बबाइ को सनङ ताइना, मगर गिदोन इनकु के नेका काए रिका इका केद कोअ:, मेनदो इनि: इनकु के एन सोना रअ: जेवर को असी केद कोअ: जे इनकु मिद्यानी होड़ो कोके को रेए लेद कोअ:। इनकु इसु थिम्बा सोना गिदोन केको ओमाजअ:।

एनेद गिदोन एन सोना ते मियद लिजअ: बाइ केदा जे लेका चि महापुरोहित को तुसिङ येन ताइना। मेनदो होड़ो को एना रअ: आराधना को एटेज केदा, चिलका चि इनि: मियद मूर्ति तनी। एनेद परमेश्वर हडो इस्राएली होड़ो कोके सजा ओमाद कोअ: चियाची इनकु मूर्ति गअ: को उपासना लअ:। परमेश्वर इनकुअ: दुश्मन कोके इनकु के हराव लाइ पेड़ेज ओमाद कोअ:। आखिर रे इनकु हडो परमेश्वरअ: ते देंगा लाइ को अरजी केदा ओड़ो: परमेश्वर इनकु तअ: इनकु के बचाव लाइ मियद एटअ: छोड़ाव नी के कुल किजअ:।

ने कजि गी ढेइर बेर होबा लेना : इस्राएली होड़ो को पापयको, परमेश्वर इनकु के सजा ओमा कोअ:, इनकु अकोअ: पाप केको मनातिङगेंया, ओड़ो: परमेश्वर इनकु के छोड़ाव लाइ जाए के कुलिअ:। ढेइर साल जकेद परमेश्वर इसु छोड़ाव वाला कोए कुल केद कोअ:, इनकु इस्राएली होड़ो कोके इनकुअ: दुश्मन कोएते को बचाव केद कोअ:।

आखिर रे एन होड़ो को एटा देश को लेका गी परमेश्वर ते अको लाइ मियद राजा को असी किजअ:। इनकु मियद नेलकन राजा को सनङ ताइना जे सलंगी ओड़ो: इसु पेड़ेजन ताइनाए ओड़ो लड़ाई रे इनकुअ: अगुवाई दड़िकाए। परमेश्वर के ने अरजी का सुकु किजअ:, मगर इनि: इनकु के एनकन राजा गी ओमाद कोअ: चिलका इनकु असी ताइना।