2. पाप दिसुम रे बोलोवय

आदम ओड़ो: अयअ: घरनी इसु सुगड़ बगाइचा रे इसु पुरअ: रसिका किन ताइन केना। इनकिन लिजअ: सिनिद ककिन तुसिएन ताइकेना, एन रेओ इनकिन के एन बकड़ रअ: गियु कअ ताइकेना, चियाची ने दिसुम रे पाप कअ ताइ केना। इनकिन एन बगाइचा रे जनाव गी होनोर बड़ा तन ताइकेना किन। ओड़ो: परमेश्वर लोओ: जगर ताइ केनाकिन।

मेनदो एन बगाइचा रे मियद बिङ ताइकेना। इनि: पुरअ: चतुर ताइकेना। इनि: एन कुड़ी के कुली किजा, “चिनअ: सरती गी परमेश्वर अबेन के कजि कद बेना चि ने बगाइचा रअ: जेतन दारू रअ: जो अलोबेन जोमेय:?”

एन कुड़ी कजियजअ:, “परमेश्वर अलिङ के कजि कद लिङगा चि अलिङ एन बुगिन ओड़ो: कअ: बुगिन तेअ: इतुन रअ: दारू के बगि केयायते जान दारू रअ: जो गीलिङ जोम दड़िया। परमेश्वर अलिङ के कजि कद लिङगा चि अबेन एन जो के जोम आद् जुटीद रेदो बेन अबेन गोए केनोअ: बेन।

एन बिङ कुड़ी के जबाब ओमा जअ, “नेअ: सरती नअ: लअ:। अम कम गोजोगा। परमेश्वर खुद सरियाए चि चिलका अम एन जो केम जोमेया, अम परमेश्वर लेका बाइ केनोगम ओड़ो: इनि: लेका गी बुगिन ओड़ो: कअ: बुगिन तेअ: कोम सरियोगम।”

एन कुड़ी नेल केदा चि एन दारू रअ: जो लाइ बेस ओड़ो: लोभावन गी नेलो: तना। इनियो गी सेड़ान बाइ सनङ तन ताइ केनाय। एनामेनते इनि: एन जो के गोद केद जोम केदाय। एनेद इनि: अयअ: गोमके के एन जो ओमा जाए जे इनि: लोओ: ताइकेनाय ओड़ो: इनियो जोम केदाय।

इमतंग गी इनकिना सेंड़ा खोलाव जना ओड़ो: इनकिन सारी जना किन चि इनकिना होड़ोमो समा गिआ:। इनकिन सकम कोके रोओ: केद लिजअ: किन बाइ केदा ओड़ो: एना ते अकिनअ: होड़मो के दलोब रअ: कोशिश केदाकिन।

एनेद कोड़ा ओड़ो: अयअ: घरनी एन बगाइचा रे होनोर तन परमेश्वरअ: आवाज किन अयुम केदा। इनकिन परमेश्वर तेकिन दनङ जना। एनेद परमेश्वर कोड़ा के हकाव किजअ: चि अम कोता रेमा? आदम जबाब ओमाजाए, “अञङ अमके बगाइचा रे होनोर तन अयुम केद मञङ ओड़ो एनामेनते अञङ बोरो जनाञङ, चियाची अञङ समा होड़मो गी मेनाञङगा: एनामेनते अञङ उकु जनाञङ।”

एनेद हडो परमेश्वर कुली किजअ:, “अम के ओकोय उदुबद मेयअ: चि अम समा होड़मो गी मेना मेयअ:? चिनअ: अम एन जो के जोम केदा, जे जो के जोम मेनते अञङ मना लेद मेञङ? कोड़ा जबाब ओमाजाए, “अम अञङ के जे ने कुड़ी ओमा कदिजञम, नी गी अञङ के एन जो ओमादिङअ:। एनेद परमेश्वर कुड़ी के कुली किजअ:, “अम नेअ: चिनअ: चिका केदम?” इनि: जबाब ओमाजाए, “बिङ अञङ के बहकाव केदीङञजा।”

परमेश्वर बिङ के कजियजअ: चि अम सरपव जनम, अम अमअ: लाएअ: तेम सेसेना ओड़ो: हसा जोमेयम। अम ओड़ो: ने कुड़ी अबेन-अबेन रे खिंपिसाबेन ओड़ो: अमअ: होनको ओड़ो: इनकुअ: होनकोयो अको-अको रेको खिपिसअ:। ने कुड़ी गअ: वंश को अमअ: बो: को रिमेयाको ओड़ो: अम इनकुअ: इडी रे हाब कोअम।

एनेद परमेश्वर एन कुड़ी के कजियजअ:, “अञङ अमके होन कोम जनम को इमतङ पुरअ: हासु दुकु इकामञङ। अम अमअ: गोमके गअ: आसरायम ओड़ो: इनि: अमअ: रे हुकुममय चलावया।”

परमेश्वर कोड़ा के कजियजअ:, “अम अमअ: घरनी गअ: अयुम केदम ओड़ो: अञङगा कजि कम अयुम केदा। एनामेनते ओते सरपव जना ओड़ो: अमके जोमेयअ: को उगाव लगिन इसु पुरअ: मेहनाइत होबागअ:। नअ: दो अम गोजो:वाम ओड़ो: अमअ: होड़मो हसा रे मिलाव केनोअ:।” एन कोड़ा अयअ: घरनी गअ: नुतुम हव्वा दोहो केदाय नेयअ: रअ: अर्थ तना: “जिनिद एमो नी” चियाची इनि: सोबन जाइत कोअ: मुनु रेन एंगा बाइयोगअ:। ओड़ो: परमेश्वर आदम ओड़ो: हव्वा के जानवर कोअ: उहुर रअ: लिजअ: बाइ केद तुसिङ तद किनाए।

एनेद परमेश्वर कजि केदा, “न दो बुगिन ओड़ो: का बुगिन तेअ: सारी जानते होड़ो: अञङ लेका बाइ जना, एनामेनते इनकिन के एन जिनिद रअ: दारू रअ: जो का जोम इकाकिन चाही चि इनकिन जनाव जीद किन ताइनो गअ:।” एना मेनते परमेश्वर आदम ओड़ो: हव्वा के एन बगाइचा ते ओड़ोङ तद किना। ओड़ो: परमेश्वर जाए जेताय केओ एन जिनिद रअ: दारू रअ: जो कअ: जोम इका मेनते एन बगाइचा रअ: दुवार रे इसु पेड़ेज स्वर्ग दूत कोके दुब केद कोअ:।