47. फिलिप्पी नगर रे पौलुस ओड़ो:सिलास

जब शाऊल गोटा रोम साम्राज्य रे सेन होरा छबा केदा दो इनि: अयअ: रोमी नुतुम “पौलुस” के ब्यवहार रे आउ एटेज केदा। मुसिंङ हुलंङ, पौलुस ओड़ो: इनिअ: गति सिलास फिलिप्पी नगर रे यीशु गअ: बारे रे बुगिन सन्देश सुनाव लाइ किन सेनो: जना। इनकिन नगर रअ: बाहर नाइ गेना रअ: मियद ठयाद रेकिन सेनो: जना, जे तअ: रे होड़ो: को विनती लाइ को जमा लेना। एनता रे इनकिन लुदिया नुतुम मियद कुड़ी लोओ: किन नपम जना जे मियद बेपारी ताइकेना। इनि: परमेश्वर के दुलाड़ी ताइना ओड़ो:इनिअ: मानारंग ताइना।

परमेश्वर लुदिया के यीशु गअ: बारे रअ: संदेश रे विश्वास लाइ बाइ किजअ:। पौलुस ओड़ो: सिलास इनि: के ओड़ो: इनिअ: परिवार कोके बपतिस्मा किन ओमाद कोअ:। इनि: पौलुस ओड़ो: सिलास के अयअ: ओड़ा रे रोकन लाइ केड़ा केद किनाए, एनामेनते इनकिन एनता रे रुकाव जना।

पौलुस ओड़ो: सिलास होड़ो कोलोओ जनाव एन ठयाद रेकिन नपम ताइना जे तअ: रे यहूदी होड़ो को विनती ताइनको। रोज दिन जब इनकिन एनता किन सेन ताइना दो मियद दासी कुड़ी जे निजअ: रे दुष्टआत्मा ताइकेना इनकिना पीछा ताइ केनाए। ने दुष्टआत्मा गअ: चलते इनि: होड़ो कोअ: भविष्य रअ: बारे रे उदुबको ताइना। एनामेनते इनि: भविष्य रअ: बारे रे उदुब रअ: चलते अयअ: मालिक को लाइ इसु टकाए कमि ताइना।

इनकिन सेनो: ताइन इमतंग एन दासी कुड़ी गुल ताइनाए, “ने कोड़ा किन परमप्रधान परमेश्वर गअ: सेवक तानकिन। निकिन आमके छुटकारा ननम लाइ होरा किन उदुबम तना!” इनि:रोज दिन नेका गी रिका ताइना एनाते पौलुस परेशान जना।

आखरी रे मुसिङ हुलङ जब एन दासी कुड़ी गुलए एटे केदा, दो पौलुस हेता रुवाड़ केअते इनिअ: भीतर रेन दुष्टआत्मा के कजियजअ:, “यीशु गअ: नुतुम ते नीजे ते ओडोङ केनोम।” इमतंग गी एन दुष्टआत्मा इनि: के बगि तजा।

एन दासी कुड़ी गअ: मालिक को इसु खिस जनाको। इनकु सरी जना चि बेगर दुष्टआत्मा ते एन कुड़ी होड़ो: कोके भविष्य रअ: बारे रे काय उदुब दड़िया। नेयअ: रअ: अर्थ तना चि होड़ो को नअ: दो इनिअ: मालिक कोके पैसा कको ओमा कोअ: चि इनि: इनकुअ: भविष्य के उदुबकोअ: चि इनकुअ: लोओ: चिनअ: होबाव गअ:।

एनामेनते एन दासी कुड़ी गअ: मालिक को पौलुस ओड़ो: सिलास के रोमी अधिकारी को तअ: को इदि केद किना। इनकु पौलुस ओड़ो: सिलास केको बीड़ा केद किना, ओड़ो: हडो इनकिन के जेल ओड़ा: रेको साजू तद किना।

इनकु पौलुस ओड़ो: सिलास के जेल ओड़ा रे नेलकन तअ: रेको दोहो केद किना जेतअ: रे इसु थिम्बा सिपाही को ताइकेना। नेतअ: जकेद चि इनकु इनकिना कटा कोके साहन रअ: मरङ लट्ठा कोरे को जोड़ाव तद किना। मगर पौलुस ओड़ो: सिलास थला निदा इमतंग परमेश्वर गअ: मानारंग दुरंग किन दुरङ ताइना।

अचका तेगी मियद भयानक भूकंप हिजु लेना! जेल ओड़ा रेन सोबेन दुवार निज जना, ओड़ो सोबेन कैदी कोअ: सिकड़ी को खोलव केअते उयु जना।

एनेद दरोगा एहेन जना। इनि: नेल केदा चि जेल ओड़ा: रअ: दुवार को निजा कना। इनि: सोचाव केदा चि सोबेन कैदी को बचाव केअते निर जना को। इनि: बोरो जनाए चि इनकु नीर जन रअ: चलते रोमी अधिकारी को इनि: केको गोए ताइया, एनामेनते इनि: आएगी गोजेन लाइ सेकड़ जनाए, मगर पौलुस इनि: के नेल केअते जोर ते गुल केदाए, “आउरी! खुद आलोम नोकसानेना। अले सोबन नेतअ: रेगी मेना लेया।”

एन दरोगा थरथराव केअते पौलुस ओड़ो: सिलास तअ:हिजु केअते कुली केदकिना, “छुटकारा नम लाइ अञङ चिनअ: चिका यञङ?” पौलुस जबाब ओमा जाए, “प्रभु यीशु गअ: रे विश्वासे रेदो अम ओड़ो: अमअ: घराना को छुटकारा को नमेया।” एनेद एन दरोगा पौलुस ओड़ो: सिलास के अयअ: ओड़ा: इदि केद किना ओड़ो: इनकिना घाव कोए चपी केदा। पौलुस इनिअ: ओड़ा: रेन सोबेन होड़ो: कोके यीशु गअ: बारे रे बुगिन सन्देश उदुबद कोअ:।

दरोगा ओड़ो: इनिअ: पूरा परिवार यीशु गअ: रेको विश्वास केदा, एनामेनते पौलुस ओड़ो: सिलास इनकु के बपतिस्मा किन ओमाद कोअ:। एनेद दरोगा पौलुस ओड़ो: सिलास के जोमाए ओमाद किना ओड़ो: इनकु मिसा तेको रसिका जना।

तयोम हुलङ नगर रेन अगुवा को पौलुस ओड़ो: सिलास के जेल ओड़ाए तेको आजाद तद किना ओड़ो: फिलिप्पी नगर रेते सेनो: लाइ को कजियद किना। पौलुस ओड़ो: सिलास, लुदिया ओड़ो: हुड़ीङ लेका एटअ: हडो गति कोलोओ किन मिलाव जना ओड़ो: एना रअ: तयोमते नगर रे तेकिन ओडोङ जना। यीशु गअ: बारे रे बुगिन संदेश को पसराव इदि जना, ओड़ो: कलिसिया बढ़ाव इदि जना।

पौलुस ओड़ो: एटअ: हडो मसीही अगुवा को इसु थिम्बा नगर कोको सेन होरा केदा। इनकु होड़ो: कोके यीशु गअ: बारे रे बुगिन संदेश को उदुबद कोअ:। इनकु कलीसिया रेन विश्वासी होड़ो कोके रसिका लाइ ओड़ो: शिक्षा ओम लाइ चिमिन गी चिठ्ठी कोको ओल केदा। ने मेसे हुडीङ लेका चिठ्ठी को बाइबल रअ: किताब को बाइ जना।