50. यीशु हिजु रुवाड़ाए

लगभग 2,000 साल ते ने दिसुम रे सोबेन ठयाद कोरे इसु थिम्बा होड़ो को मसीह यीशु गअ: बारे रे बुगिन सन्देश को अयुम तना। कलिसिया बढ़ाओ: तना। यीशु वायदा लअ: चि इनि: ने दिसुम रअ: आखरी रे हिजु रुवाड़ए। मगर इनि: नअ: काए हिजु रुवाड़ कना, एन रेओ इनि: अयअ: वायदा के पुरायअ:।

मेनदो अबु यीशु गअ: हिजु रुवाड़ रअ: आसरा तनाबु, परमेश्वर अबुए ते ने लेका जीवन जिदेन रअ: सनङ तना जे पवित्र मेनअ: ओड़ो: जे इनिअ: माइनेया। इनि: नेयाओ सनङ तना चि अबु एटअ: कोकेओ इनिअ: राज्य रअ: बारे रिबू उदुबकोकअ:। जब यीशु ने दिसुम रे ताइनो ताइकेना इमतंग इनि: कजि लअ:, “अञङअ: चेला को दिसुम रअ: सोबेन ठयाद रेन होड़ो कोके परमेश्वर गअ: राइज रअ: बुगिन सन्देश को उदुबकोवा ओड़ो: एनेद आखरी दिन हिजु केनोगा।”

ढेइर जाति को नअ: जकेद यीशुअ: बारे रे कको अयुम कदा। स्वर्ग रुवाड़ सिदा, यीशु मसीही अयअ: चेला कोके, एन होड़ो: कोके बुगिन सन्देश उदुब लाइ कजियद कोअ: जे को चिवलाव ने संदेश के कको अयुम कदा:। इनि: कजि केदा, “जू सेनो: पे ओड़ो: सोबेन जाति रेन होड़ो: कोके चेला बाइ कोपे!” ओड़ो: “इहिर लाइ लोयोङ को सेकड़ कना!”

यीशु नेआव कजि केदा, “जाए होड़ो दासी अयअ: मालिकेते मरङ काए ताइना। ने दिसुम रेन खास होड़ो: को अञङ लोओ नफरत केदा को, ओड़ो: अञङअ: चलते इनकु अपे केओ को सताव पेअ: ओड़ो: गोए पेअ: को। ने दिसुम रे अपे दुकुवपे मगर केटेए बाइयेन पे, चियाची अञङ शैतान केञङ हराव कजा, जे ने दिसुम रे राइज तना। अगर अपे आखरी जकेद अञङअ: विश्वास लायक पे ताइन रेदो, परमेश्वर अपे के बचाव पेअ:!”

यीशु अयअ: चेला कोके नेयअ: समझाव लाइ मियद कहनी उदुबद कोअ: चि जब दिसुम आखरी योगअ: दो होड़ो कोलोओ चिनअ: होबाव गअ:। इनि: कजि केदा, “जाए होड़ो अयअ: ओते रे बुगिन जंग हेर केदा। जब इनि: दुड़ुम ताइना इमतंङ इनिअ: दुश्मन हिजु लेना ओड़ो: गोहोम जंग रअ: थला रे दुम्बू कोरअ: जंग कोए हेर तदा, ओड़ो: इनि: हडो सेनो: जना।”

“जब दुम्बू को ओमोन जना दो दासी को एन होड़ो केको कजियजअ:, ‘हे मालिक, अम दो अमअ: ओते रे बुगिन जंग हेर लअम। दो नेयअ: रे बुरु दुम्बू को चिना नङ मेनअ:?’ एन होड़ो जबाब ओम केदा, “अञङअ: दुश्मन को भइर एना कोके हेहेर को सनङअ:। नी: अञङअ: जाए दुश्मन तनी जे नेका रिका कदा।”

“एन दासी को अयअ: मालिक के जबाब को ओमा जअ:, ‘चिनअ: अले एन बुरु दुम्बू कोके तुद तअ:?’एन मालिक कजि केदा, ‘कहा। अगर अपे नेकाए रेदो पे हुडिङ लेका गोहोम केओ पे तुद तअ:। इहिर इमतङ जकेद तंगिपे। एनेद बुरु रेन दुम्बू कोके गठरी बाइ केअते जमा केपे चि अपे एना के ओंडोर दड़ि पे। मेनदो गोहोम के अञङअ: भंडार रे आउपे।’”

चेला को ने कहनी रअ: मतलब कको बुझाव जना, एनामेनते इनकु यीशु के अको के समझाव लाइ को अरजी किजअ:। यीशु कजि केदा, “बुगिन जंग हेर वाला होड़ो मसीह गअ: अगुवाइयअ:। लोयोंग, दिसुम रअ: अगुवाइयअ:। बुगिन जंग परमेश्वर गअ: राइज रेन होड़ो कोअ: अगुवाइयअ:।”

“बुरु दुम्बू को एन दुष्ट शैतान गअ: होड़ो कोअ: को अगुवाइयअ:। एन होड़ो गअ: दुश्मन शैतान गअ: अगुवाइयअ:, जे बुरु दुम्बू कोरअ: जंग कोए हेर लअ:। इहिर ने दिसुमअ: आखरी रअ: अगुवाइयअ: ओड़ो: इहिर वाला को परमेश्वरअ: स्वर्गदूत कोअ: को अगुवाइयअ:।”

जब दिसुमअ: आखरी होबव गअ: इमतङ स्वर्गदूत को एन सोबेन होड़ो: कोके मिसा तेको जमा कोअ: जे शैतान गअ: तानको। एन स्वर्गदूत को इनकु के इसु लोलो सेंगेल रेको हुरंग तकोअ:। एनता रे इनकु भयंकर सताव रेको रअ: गेरंगयअ: ओड़ो: इनकु अकोअ: डाटा को हबेया। मगर जे होड़ो को धर्मी मेनाकोअ:, जे यीशु गअ: दोया-दोया को सेन कदा, इनकु अकोअ: परमेश्वर आबा गअ: राइज रे सिंगी लेका को चमकावअ:।”

यीशु नेआव कजि केदा चि इनि: दिसुम अखरीओ: ते सिदा, ने ओते दिसुम रे रुवाड़ा। इनि: एन लेका गी हिजु रुवाड़ा चिलका इनि: सेनो: लेना। मतलब इनि: तअ: रे सरती होड़मो ताइना, ओड़ो: इनि: सिरमा रे रिमिल कोरे दुब केअते हिजुगा। जब यीशु रुवाड़ा दो यीशु गअ: सोबेन चेला को जे गोए कना को, इनकु गोजा कन कोएते तेको जीद रुवाड़ा ओड़ो: इनि: लोओ: सिरमा रेको नपामा।

एनेद जे चेला को नअ: जीद मेना कोअ:, इनकु सिरमा ते उठाव इदि केनोगको: ओड़ो: एन एटअ: चेला कोलोओ को मेसा केनोगअ: जे गोजाकन कोए तेको जीद रुवाड़ोगअ:। इनकु सोबेन एनता रे यीशु लोओ को ताइना। एना रअ: तयोमते, यीशु अयअ: होड़ो: को लोओ: ताइना। जब इनकु मिसा तेको ताइना दो इनकु तअ: रे जनाव लाइ पूरा शांति ताइना।

यीशु, अयअ: रे विश्वासे वाला सोबेन होड़ो: कोके मियद मुकुट ओम रअ: वायदा कदा। इनकु जनाव लाइ परमेश्वर लोओ: सोबेन जिनिस कोरे को राइजयअ:। इनकु तअ: रे सिद्ध शांति तयुगा।

मगर परमेश्वर एन सोबेन कोअ: फैसला यअ: जे यीशु गअ: रे कको विश्वासेअ:। इनि: इनकु के नरक रे साजू तकोअ:। एनता रे इनकु रअ: गेरंग यको ओड़ो: डाटा को हबेया, ओड़ो: इनकु जनाव लाइ दुकुवको। चिउलाव का इड़ीजो वाला सेंगेल इनकु के ओंडोर कते कोअ:, ओड़ो: तीजू को इनकु के जोजोम लाइ कको होकाया।

जब यीशु रुवाड़ाए, दो इनि: पुरअ: रीति ते शैतान के ओड़ो: इनिअ: राइज के नाश छबा तअ:। इनि: शैतान के नरक रे साजू ताइया। एन शैतान जनाव लाइ ओंडोरोगए, एन सोबेन होड़ो कोलो: जे परमेश्वर गअ: कजि को कको मनातिङ केदा ओड़ो: एना रअ: बदला रे इनकु शैतान गअ: दोया ते सेन रअ: को सला केदा।

चियाची आदम ओड़ो: हवा परमेश्वर गअ: हुकुम ककिन मानातिङ लअ: ओड़ो: पाप के ने दिसुम रेकिन आउ लअ:, परमेश्वर दिसुम के श्राप ओमा जअ: ओड़ो: एना के नाश रअ: फैसला केदा। मेनदो जा हुलङ परमेश्वर मियद नावा स्वर्ग ओड़ो: नावा ओते दिसुम के बाइया जे सिद्ध ताइना।

यीशु ओड़ो: इनिअ: होड़ो: को एन नावा ओते दिसुम रेको ताइना, ओड़ो: जनाव लाइ सोबेन जिनिस कोरे को राइज यअ:। इनि: होड़ो: कोअ: मेदे ते सोबेन मेद दाअ: कोए जोद केयअ:। नअ: दो जेतय कको दुकु-हसु वअ: चाहे को दुखी योगअ:। इनकु कको रअ: यअ:। इनकु कको बेमारो गअ: ओड़ो: कको गोजोगा। ओड़ो: एनता रे चिनाव एटकन तेअ: को कअ: होबव गअ:। यीशु अयअ: राइज रे सही फैसला याए, ओड़ो: शन्ति ते राइज याए। इनि: जनाव लाइ अयअ: होड़ो कोलोओ: ताइना।