11. ୧୧. ଫାସାହା ପାରାବ୍

ପାର୍ମେଶ୍ଵାର୍ ମୁଶା ହାର୍ ହାରୁନ୍ କେ ଫିରୋନ୍ ରାଜା ତାଃ ନେୟା କାଜିଲାଗିନ୍ତେ କୁଲ୍ କେଃକିନାଏ ଚି ଇସ୍ରାଏଲୀ ହୋଡ଼ୋକୋକେ ସେନ୍ ରିକା କୋକାଏ। ଇନ୍‍କିନ୍ ଆଏଃକେ ଚେତାଉନି ଏମ୍ କିଜାକିନ୍ ଚି ଆଗାର୍ ଇନିଃ ଇନ୍‍କୁକେ ସେନ୍ କାଏ ରିକାଏ ରେଦୋ, ପାର୍ମେଶ୍ଵାର୍ ମିଶାର୍ ରେନ୍ ହୋଡ଼ୋକୋୱାଃ ହାର୍ ପାଶୁ କୋୱାଃ ସୋବେନ୍ ପାହିଲା ଜାନାମ୍ ହୋନ୍ କୋକେ ଗୋଏଃ କୋୱାଏ। ଫିରୋନ୍ ରାଜା ନେୟା ଆୟୁମ୍ କେତେ ହଗୀ ପାର୍ମେଶ୍ଵାର୍ ଚେତାନ୍ ରେ ବିଶ୍ଵାସ୍ ରିକା ହାର୍ ଇନିଜାଃ କାଜି କେ କାଏ ମାନାତିଙ୍ଗ୍ ଜାନା।

ପାର୍ମେଶ୍ୱାର୍ ଆଏଃକେ ବିଶ୍ଵାସ୍ ତାନ୍ ଜାହାଁନ୍ ହୋଡ଼ୋକୋୱାଃ ହଗି ପାହିଲା ଜାନାମ୍ ହୋନ୍ କୋକେ ବାଞ୍ଚାଅ ଲାଗିନ୍ତେ ମିୟାଃ ଉପାଏ ବାଇକେଦାଏ। ସୋବେନ୍ ମିପୀୟାଃ ଅଡ଼୍ଆଃ ରେନ୍ କୋକେ ମିୟାଃ ବେଗାର୍ ଦୋଷ୍ କାନାଃ ମିଣ୍ଡି ଇଦିକେତେ ଗୋଏଃ ରିକା ତାଇକେନା।

ପାର୍ମେଶ୍ଵାର୍ ଇସ୍ରାଏଲୀକୋକେ ଏନ୍ ମିଣ୍ଡି ରାଃ ମାୟୋମ୍ କେ ଇଦିକେତେ ଆକୋୱାଃ ଅଡ଼୍ଆଃ ରାଃ ଦୁଆର୍ ରେ ଗୋଶୋଃ ଲାଗିନ୍ କାଜିକେଦାଏ। ହାର୍ ଇନ୍‍କୁକେ ଏନାରାଃ ମାଂସ୍ କେ ରାପାଃକେତେ ହାର୍ ଏନାକେ କାମେଶାକାନ୍ ଖାମିର୍ ହୋଲୋଙ୍ଗ୍ ଲୋଃ ସେକାଡ଼୍ ଗି ଜୋମ୍ ରାଃ ତାଇକେନା। ଇନ୍‍କୁକେ ଏନ୍ ଯୋଜୋମାଃ କେଃ ଜୋମ୍ ରାଃ ତାୟୋମ୍ତେ ଇମ୍ତାଗି ମିଶାର୍ ଦିଶୁମ୍ କେ ବାଗେ ଲାଗିନ୍ ହ ସେକାଡ଼େନ୍ ପେ ମେନ୍ତେ କାଜିକେଦାଏ।

ଜେଲେକା ରିକା ଲାଗିନ୍ ପାର୍ମେଶ୍ଵାର୍ ଇସ୍ରାଏଲୀ କୋକେ ଆନାଚୁ ଏମ୍ ଲେଃକୋତାଇନାଏ, ଇନ୍‍କୁ ଏନ୍ ଲେକାଗି ସୋବେନାଃ ରିକା କେଦାକୋ। ଥାଲା ନିଦା ରେ, ପାର୍ମେଶ୍ଵାର୍ ସୋବେନ୍ ପାହିଲା ଜାନାମ୍ କୋଡ଼ା ହୋନ୍ କୋକେ ଗୋଏଃ ତାନ୍ ଲୋଃ ମିଶାର୍ ଦିଶୁମ୍ ଥାଲାଏତେ ଫାରୋମ୍ ନାଏ।

ଇସ୍ରାଏଲୀ କୋୱାଃ ସବେନ୍ ଅଡ଼୍ଆଃ ରାଃ ଦୁଆର୍ କୋରେ ମାୟୋମ୍ ଗୋଶୋଃ କାନ୍ ତାଇକେନା, ଏନାଲାଗିନ୍ ପାର୍ମେଶ୍ଵାର୍ ଏନ୍ ଅଡ଼୍ଆଃ କୋକେ ବାଗେ ତାଦାଏ। ଏନ୍‍ ଅଡ଼୍ଆଃ ଭିତାର୍ ରେ ତାଇନ୍ ତାନ୍ ସବେନ୍ ହୋଡ଼ୋକୋ ବାଞ୍ଚାଅ ଲେନାକୋ। ଇନ୍‍କୁ ମିଣ୍ଡି ରାଃ ମାୟୋମ୍ ହୋରାତେ ବାଞ୍ଚାଅ ଲେନାକୋ।

ମେନ୍ଦୋ ମିଶାର୍ ଦିଶୁମ୍ ରେନ୍ କୋ ପାର୍ମେଶ୍ଵାର୍ କେ କାକୋ ବିଶ୍ଵାସ୍ ଲିଜା ହାର୍ ଇନିଜାଃ ଆନାଚୁ କୋକେ କାକୋ ମାନାତିଙ୍ଗ୍ ଲେଦା। ଏନାମେନ୍ତେ ପାର୍ମେଶ୍ଵାର୍ ଇନ୍‍କୁୱାଃ ଅଡ଼୍ଆଃ କୋକେ କାଏ ବାଗେ କେଦା। ପାର୍ମେଶ୍ଵାର୍ ମିଶାର୍ ଦିଶୁମ୍ ରେନ୍ ସୋବେନ୍ ମିପୀୟାଃ ପାହିଲା ହୋନ୍ କୋଡ଼ା କୋକେ ଗୋଏଃ ତାଦାଏ।

ଜେଲ୍ ଅଡ଼୍ଆଃ ରେ ବାନ୍ଦିକାନ୍ କୋୱାଃ ପାହିଲା ହୋନ୍ କୋଡ଼ା ତେ ଇଦିକେତେ, ଫିରୋନ୍ ରାଜା ରାଃ ପହିଲା ହୋନ୍ କୋଡ଼ା ସାନ୍ତେ ସୋବେନ୍ ମିପୀୟାଃ କୋଡ଼ା ହୋନ୍ ଗୋଏଃ ଜାନାକୋ। ମିଶାର୍ ଦିଶୁମ୍ ରେନ୍ ଥିମ୍ବାଗି ହୋଡ଼ୋକୋ ଆକୋୱାଃ ଦୁକୁ ନାମେ ରାଃ ହୋରାତେ ରାଆ ତାଇନାକୋ ହାର୍ ଗେରାଙ୍ଗ୍ ତାନ୍ ଲୋଃ କୁଡ଼ାମ୍ ବିଡ଼ା ତାଇନାକୋ।

ଏନ୍ ନିଦାଗି, ଫିରୋନ୍ ରାଜା ମୁଶା ହାର୍ ହାରୁନ୍ କିନ୍ କେ କେଡ଼ା କେଃକିନାଏ ହାର୍ କାଜିକେଃକିନାଏ, “ଇସ୍ରାଏଲୀ ହୋଡ଼ୋକୋକେ ଇଦିକେତେ ସେକାଡ଼୍ ଗି ମିଶାର୍ ଦିଶୁମ୍ ଏତେ ଅଡୋଙ୍ଗ୍ କେନୋଃପେ!” ମିଶାର୍ ଦିଶୁମ୍ ରେନ୍ ହୋଡ଼ୋକୋ ହଗି ଇସ୍ରାଏଲୀ ହୋଡ଼ୋକୋକେ ସେକାଡ଼୍ ଗି ଅଡୋଙ୍ଗ୍ କାକୋ ମେନ୍ତେ ଆର୍ଜି କେଦାକୋ।