19. ୧୯. ଆୟାର୍ କାଜି କାଜିକୋ(ନାବୀ କୋ)

ପାର୍ମେଶ୍ଵାର୍ ସୋବେନ୍ ଇମ୍ତାଙ୍ଗ୍ ଇସ୍ରାଏଲୀ କୋତାଃ ଆୟାର୍ କାଜି କାଜିତାନ୍ କୋକେ କୁଲ୍ କୋ ତାଇନାଏ। ଆୟାର୍ କାଜି କାଜିତାନ୍ କୋ ପାର୍ମେଶ୍ଵାର୍ ଏତେ କାଜିକେ ଆୟୁମ୍ ତିନାକୋ ହାର୍ ଏନାକେ ହୋଡ଼ୋକୋକେ ଉଦୁବ୍ ତିନାକୋ।

ଚିମ୍ତାଙ୍ଗ୍ ଆହାବ୍ ଇସ୍ରାଏଲ୍ ରାଇଜ୍ ରେ ରାଜା ତାଇକେନାଏ ଦୋ ଏନ୍ ସାମାୟ୍ ଏଲିୟା ଆୟାର୍ କାଜି କାଜିନିଃ ତାଇକେନାଏ। ଆହାବ୍ ମିୟାଃ ଖାରାପ୍ ହୋଡ଼୍ ତାଇକେନାଏ। ଇନିଃ ଲୋଗୋ ବାଲ୍ ଦେବ୍ତା କୋକେ ପୂଜା ଲାଗିନ୍ତେ ହୋଡ଼ୋକୋକେ ଜାବ୍ରାଇ ଲେଃ କେଃ କୋଆଃଏ। ଏନାଲାଗିନ୍ ଏଲିୟା ଆହାବ୍ କେ କାଜିକିଜାଏ ଚି ପାର୍ମେଶ୍ଵାର୍ ଏନ୍ ହୋଡ଼ୋକୋକେ ଦାଣ୍ଡ ଏମ୍ ଲାଗିନ୍ ସାନାଙ୍ଗ୍ ତାନାଏ। ଏଲିୟା ଆହାବ୍ କେ କାଜିକିଜାଏ, “ଚିମ୍ତାଙ୍ଗ୍ ସାନ୍ ଇଙ୍ଗ୍ ଆଡୋଃଗି ଦାଆ ଗାମା ଲାଗିନ୍ କାଇଙ୍ଗ୍ କାଜିୟା ଏନ୍ ସାନ୍ ଇସ୍ରାଏଲ୍ ଦିଶୁମ୍ ରେ ଦାଆ କାଏ ଗାମାୟା ହାର୍ ଓସ୍ ହଁ କା ଉୟୁଗୋଗା।” ନେ ବାଖାଣ ରେ ଆହାବ୍ ଇମିନ୍ ଖିସ୍ ଜାନାଏ ଯେ ଇନିଃ ଏଲିୟା କେ ଗୋଏଃ ଲାଗିନ୍ ସାନାଙ୍ଗ୍ କେଦାଏ।

ଏନାଲାଗିନ୍ ପାର୍ମେଶ୍ଵାର୍ ଏଲିୟା କେ କାଜିକିଜାଏ ଚି ଇନିଃ ଟନାଙ୍ଗ୍ ରେ ସେନ୍ କେତେ ଆହାବ୍ ଏତେ ଉକୁ କେନୋଃ କାଏ। ଏଲିୟା ଟନାଙ୍ଗ୍ ରେ ଏନ୍ ଝାରେନ୍ ତାଃ ସେନ୍ ଯାନାଏ ଅକତାଃ ରେ ପାର୍ମେଶ୍ଵାର୍ ଇନିଃ କେ ଉଦୁବ୍ ଲିଯାଏ। ସୋବେନ୍ ସେତାଆଃ ହାର୍ ସୋବେନ୍ ଶିଙ୍ଗୀ ଡୁବିଃ, ଅଡ଼େକୋ ଏଲିୟା ଲାଗିନ୍ ହୋଲୋଙ୍ଗ୍ ହାର୍ ମାସ୍ ଆଉକେତେ ହୁଜୁଃ ତିନାକୋ। ନେକାନ୍ ଖାସ୍ ସାମାୟ୍ ରେ, ଆହାବ୍ ରାଜା ହାର୍ ଆୟାଃ ସିପାହୀକୋ ଏଲିୟା କେ ଦାଣାରେ ତାଇନ୍ ତିନାକୋ, ମେନ୍ଦୋ ଇନିଃକେ ଦାଣା କାକୋ ଧାଡ଼ିଜାନା।

ଦାଆ କା ଗାମା ରାଃ ତାୟୋମ୍ତେ ଏନ୍ ଝାର୍ନା ରୋହୋଡ଼୍ ଜାନା। ଏନାଲାଗିନ୍ ଏଲିୟା ମିୟାଃ ନାଡ଼େଏ ଦିଶୁମ୍ ରେ ସେନ୍ ଜାନାଏ। ଏନ୍ ଦିଶୁମ୍ ରେ ମିୟାଃ ଗାରିବ୍ ରାଣୀଆହି ତାଇକେନାଏ ଅକନିଜାଃ ମିୟାଃଗି ହୋନ୍ କୋଡ଼ା ତାଇକେନାଏ। ଇନ୍ କିନ୍ ତାଃ ଯୋଜୋମାଃ ଲାଗ୍ ଭାଗ୍ ଛାବା କାନ୍ ତାଇକେନା ଚିୟାଃଚି ଏନ୍ତାଃରେ ଜେତାନ୍ ଚାଷ୍ କା ହୋବାକାନ୍ ତାଇନା। ମେନ୍ଦୋ ଏନ୍ ରାଣୀଆହି ଏଲିୟାକେ ଜାତାନ୍ କିଜାଏ,ଏନାଲାଗିନ୍ ପାର୍ମେଶ୍ଵାର୍ ଏନ୍ ହୋନୋନ୍ ପେଜାଃ କିନ୍ଆଃ ଦାର୍କାର୍ ତେୟାଃ ପୁରା କେଦାଏ, ନେ ଲେକାତେ ହୋନୋନ୍ ପେଜାଃ କିନ୍ଆଃ ଆଟା ହାର୍ ଜାରକିନ୍ ରେ ଶୁନୁମ୍ ଚିଉଲା ଅଗି କା ଛାବା ଜାନା। ଏନ୍ ପୁରାଃଆ ଆକାଲ୍ ସାମାୟ୍ ରେୟଗି ଇନ୍ କିନ୍ ତାଃ ଯୋଜୋମାଃ ତାଇକେନା। ଏଲିୟା ଚିମିନ୍ ବାରାଶ୍ ସାନ୍ତେ ଏନ୍ତାଃ ରେ ତାଇଜାନାଏ।

ଆପି ବାରାଶ୍ ଛାଅ ମାହିନା ସାମାୟ୍ ରାଃ ତାୟୋମ୍ତେ, ପାର୍ମେଶ୍ଵାର୍ ଏଲିୟା କେ କାଜିକିଜାଏ ଚି ଇନିଃ ଆଡୋଃ ମିଶା ଦାଆ ଗାମା ରିକାୟାଏ। ଇନିଃ ଏଲିୟା କେ ଇସ୍ରାଏଲ୍ ଦିଶୁମ୍ ରୁଆଡ଼୍ କେତେ ଆହାବ୍ ଲୋଃ ବାଖାଣ ଲାଗିନ୍ କାଜିକିଜାଏ। ଏନାଲାଗିନ୍ ଏଲିୟା ଆହାବ୍ ତାଃ ସେନ୍ ଜାନାଏ। ଚିମ୍ତାଙ୍ଗ୍ ଆହାବ୍ ଏଲିୟା କେ ନେଲ୍ କିଜାଏ ଦୋ ଇନିଃ କାଜିକେଦାଏ, ଆଛା ଆମ୍ ଗିଚି ସାମାସ୍ୟା ଯାନାମ୍ ନିଃ!” ଏଲିୟା କାଜିକିଜାଏ, “ସାମାସ୍ୟା କେ ଯାନାମ୍ ନିଃଦୋ ଆମ୍ ତାନ୍ ମେ!” ଆମ୍ ସାର୍ତି ଇଶ୍ଵାର୍ କେ ବାଗେ ତିଜାମ୍। ଇନିଃ ସାର୍ତି ପାର୍ମେଶ୍ଵାର୍ ତାନିଃ, ମେନ୍ଦୋ ଆମ୍ ବାଲ୍ ଦେବ୍ତା କୋକେ ପୂଜା ତାନାମ୍। ନାଆ ଆମ୍ ଇସ୍ରାଏଲ୍ ଦିଶୁମ୍ ରେନ୍ ସୋବେନ୍ ହୋଡ଼ୋକୋକେ କାର୍ମିଲ୍ ବୁରୁତେ ଆଉକୋମେ।”

ଏନ୍ତେ: ସୋବେନ୍ କୋ କାର୍ମିଲ୍ ବୁରୁତେକୋ ସେନ୍ ଜାନା। ଏନ୍ ହୋଡ଼ୋକୋ କୋଗି ହିଜୁଃ ଲେନାକୋ ଅକନ୍ କୋ ବାଲ୍ ଦେବ୍ତା ରାଃ ସାନ୍ଦେଶ୍ ଉଦୁବ୍ ତିନାକୋ। ନେକୁ ସୋବେନ୍ ବାଲ୍ ଦେବ୍ତା ରେନ୍ ନାବୀକୋ ତାଇନ୍ କିନାକୋ। ଇନ୍‍କୁ ସୋବେନ୍ ୪୫୦ଝାନ୍ ତାଇକେନାକୋ। ଏଲିୟା ହୋଡ଼ୋକୋକେ କାଜିକେଦାଏ,”ଆପେମାନ୍ ଚିମିନ୍ ଦିନ୍ ସାନ୍ ଆପାଃନାଃ ମୋନ୍ ରୁଆଡ଼୍ କାତେୟାପେ? ଆଗାର୍ ୟାହୋବା ପାର୍ମେଶ୍ଵାର୍ ମେନିଯା ଦୋ ଆଜାଃ ଆରାଧାନା ଏପେ! ଆଗାର୍ ବାଲ୍ ଦେବ୍ତା ମେନିଃରେଦୋ ଆଜାଃ ଆରାଧାନା ଏପେ!”

ଏନ୍ତେ ଏଲିୟା ବାଲ୍ ଦେବ୍ତା ରାଃ ନାବୀ କୋକେ କାଜିକେଦାଏ,”ମିୟାଃ ଉର୍ଇ ଦାଣେ କେତେ ଆଜାଃ ମାସ୍ କେ ଦାଣେ ଏମ୍ ଲାଗିନ୍ ମିୟାଃ ବେଦିରେ ମାଣ୍ଡାୟିପେ, ମେଣ୍ଡୋ ସେଙ୍ଗେଲ୍ ଆଲୋପେ ଯୁଲେୟା। ଏନାରାଃ ତାୟୋମ୍ତେ ଇଙ୍ଗ୍ଗୋଗି ଏନ୍ ଲେକା ରିକାୟାଇଙ୍ଗ୍, ହାର୍ ମିୟାଃ ଏଟାଃ ବେଦିଚେତାନ୍ ରେ ଇଙ୍ଗ୍ ଏନ୍ ମାସ୍ କେ ମାଣ୍ଡାଅ ଇଙ୍ଗ୍। ଆଗାର୍ ପର୍ମେଶ୍ଵାର୍ ବେଦି ଚେତାନ୍ ରେ ସେଙ୍ଗେଲ୍ ଉୟୁଃରେଦୋ ସାରିକେପେ ଚି ଇନିଃଗି ସାର୍ତି ପାର୍ମେଶ୍ଵାର୍ ତାନିଃ।” ଏନ୍ତେ ବାଲ୍ ଦେବ୍ତା ଗାଃ ଆୟାର୍ କାଜି କାଜିତାନ୍ କୋ ମିୟାଃ ଦାଣେ ଲାଗିନ୍ ବାଇକେଦାକୋ ମେନ୍ଦୋ ସେଙ୍ଗେଲ୍ କାକୋ ଯୁଲ୍ କେଦା।

ଏନା ତାୟୋମ୍ତେ ବାଲ୍ ଦେବ୍ତା ରାଃ ଆୟାର୍ କାଜି କାଜିତାନ୍ କୋ ବାଲ୍ ଦେବ୍ତା ତାଃ ବିନ୍ତି କେଦାକୋ, “ହେ ବାଲ୍ ଦେବ୍ତା, ଆଲେୟାଃ ଆୟୁମ୍ ମେମ୍!” ସୋବେନ୍ ଶିଙ୍ଗୀ ସାଟୁବ୍ ଇନ୍‍କୁ ବିନ୍ତି କେଦାକୋ ହାର୍ କିର୍ଲାଅ କେଦାକୋ ହାର୍ ନେତାଃ ସାନ୍ତେ ଚି ଆକୋଗି କାତୁତେ ହାଃଆ ଜାନାକୋ, ମେନ୍ଦୋ ବାଲ୍ ଦେବ୍ତା କାଏ ଆୟୁମ୍ କେଦା, ହାର୍ ଇନିଃ ଜେତାନ୍ ସେଙ୍ଗେଲ୍ କାଏ ଉୟୁ କେଦା।

ବାଲ୍ ଦେବ୍ତା ରାଃ ଆୟାର୍ କାଜି କାଜିତାନ୍ କୋ ବାଲ୍ ଦେବ୍ତା କେ ବିନ୍ତିତେ ମୂଷିଙ୍ଗ୍ ଶିଙ୍ଗୀ ସାଟୁବ୍ ହୋବାଜାନା। ଏନ୍ତେ:ଇନ୍‍କୁ ବିନ୍ତି ଲାଗିନ୍ ହକା ତାଦାକୋ। ଏନ୍ତେ ଏଲିୟା ଏଟାଃ ହୁଲାଙ୍ଗ୍ ମିଣ୍ଡି ରାଃ ମାସ୍ କେ ପାର୍ମେଶ୍ଵାର୍ ରାଃ ବେଦିରେ ମାଣ୍ଡାଅ ତାଦାଏ। ଏନାତାୟୋମ୍ତେ, ଇନିଃ ହୋଡ଼ୋକୋକେ ଦାଆ ଆଉଲାଗିନ୍ ମାପାରାଙ୍ଗ୍ ବାଲ୍ଟି କୋରେ ଘାଡା କୋରେ ଏନ୍ ମାରାଙ୍ଗ୍ ଦାଣେ ଏମ୍ ଚେତାନ୍ ରେ ଦୁଲ୍ ଲାଗିନ୍ କାଜିକେଦାଏ ଚି ଚିମିନ୍ ସାନ୍ ଚି ମାସ୍, ସାହାନ୍ ହାର୍ ନେତାଃ ସାନ୍ତେଚି ବେଦି ରାଃ ଆମ୍ନା-ସାମ୍ନା ରାଃ ସୋବେନ୍ ଅତେକୋ କା ଗିଲାଅ ସାନ୍ତେ।

ଏନ୍ତେ ଏଲିୟା ବିନ୍ତି ଏଟେଃ କେଦାଏ,“ହେ ୟାହୋବା, ଆବ୍ରାହାମ୍, ଇଶାକ୍ ହାର୍ ୟାକୁବ୍ ରାଃ ପାର୍ମେଶ୍ଵାର୍ ଆଲେକେ ଦେଖାଅ ଲେମ୍ ଚି ଆମ୍ ଇସ୍ରାଏଲ୍ ରେନ୍ ପାର୍ମେଶ୍ଵାର୍ ତାନ୍ ମେ ହାର୍ ନେୟା ଚି ଇଙ୍ଗ୍ ଆମାଃ ଦାସୀ ତାନ୍ ନିଙ୍ଗ୍। ଇଙ୍ଗ୍ କେ ଉଦୁବେଇଙ୍ଗ୍ ମେ ଜେଚି ନେ ହୋଡ଼ୋକୋ ସାରିକାକୋ ଚି ଆମ୍ ସାର୍ତି ପାର୍ମେଶ୍ଵାର୍ ତାନ୍ ମେ।”

ଇମ୍ତାଗି, ସିର୍ମାଏତେ ସେଙ୍ଗେଲ୍ ଉୟୁଃ ଜାନା ହାର୍ ଏନା ମାସ୍ କେ, ସାହାନ୍ କେ, ଦିରି, ହାସା ହାର୍ ନେତାଃ ସାନ୍ତେ ଚି ବେଦି ଏମ୍ ଆମ୍ନା-ସାମ୍ମଆ ରାଃ ଦାଆ କେଅଗି ଯୁଲ୍ ତାଦାଏ। ଚିମ୍ତାଙ୍ଗ୍ ହୋଡ଼ୋକୋ ନେୟା କେ ନେଲ୍ କେଦାକୋ, ଇନ୍‍କୁ ଅତେରେ ଉୟୁ ଜାନାକୋ ହାର୍ କାଜିକେଦାକୋ,” ୟାହୋବା ଗି ପାର୍ମେଶ୍ଵାର୍ ତାନିଃ! ୟାହୋବା ଗି ପାର୍ମେଶ୍ଵାର୍ ତାନିଃ!”

ଏନ୍ତାଃଏତେ ଏଲିୟା କାଜିକେଦାଏ, “ବାଲ୍ ଦେବ୍ତା ଗାଃ ଆୟାର୍ କାଜି କାଜିତାନ୍ କୋ ଆଲୋକାକୋ ବାଚାଅଃକା!” ଏନାଲାଗିନ୍ ବାଲ୍ ଦେବ୍ତା ରାଃ ଆୟାର୍ କାଜି କାଜିତାନ୍ କୋକେ ସାବ୍ କେଦାକୋ ହାର୍ ଇନ୍‍କୁକେ ଏନ୍ତାଆଃ ଏତେ ଏଟାଃପାଡ଼୍ ଇଦିକେଦାକୋ ହାର୍ ଇନ୍‍କୁକେ ଗୋଏଃ ତାଦାକୋ।

ଏନ୍ତେ ଏଲିୟା ଆହାବ୍ ରାଜାକେ କାଜିକେଦାଏ,”ଜାଲ୍ ଦିଗି ଆମାଃ ଅଡ଼୍ଆଃ ପାଡ଼୍ ତେ ନିର୍ ମେ, ଚିୟାଃଚି ଦାଆ ହିଜୁଃ ଲାଇମେନ୍ଆଃ।” ଇମ୍ତାଗି ରିମିଲ୍ ହେନ୍ଦେ ଜାନା, ହାର୍ ଥିମ୍ବାଗି ଦାଆ ସୁରୁଜାନା। ୟାହୋବା ଏନ୍ ମାରୁଡ଼ିକେ ଛାବା ତାଇନାଏ। ନେୟା ତେ ସାରିଜାନା ଚି ୟାହୋବା ଗି ସାର୍ତି ପାର୍ମେଶ୍ଵାର୍ ତାନିଃ।

ଚିମ୍ତାଙ୍ଗ୍ ଏଲିୟା ଆଜାଃ କାମିଛାବା କେଦାଏ, ଏଣ୍ଡେ ପାର୍ମେଶ୍ଵାର୍ ଏଲିଶା ନୁତୁମ୍ ମିୟାଃ କଡ଼ାକେ ଆଜାଃ ଆୟାର୍ କାଜି କାଜି ଲାଗିନ୍ ଶାଲା କିଜାଏ। ପାର୍ମେଶ୍ଵାର୍ ଏଲିଶା ଏତେ ମାପାରାଙ୍ଗ୍ ଥିମ୍ବାଗୀ ଆକ୍ ଦାନ୍ଦା କାମି କେଦାଏ। ଏନାରେ ମିୟାଃ ଆକ୍ ଦାନ୍ଦା କାମି ନାମାନ୍ ରେ ହୋବାଜାନା। ଇନିଃ ମିୟାଃ ବାଇରୀ ରାଃ ସିପାହୀ କୋୱାଃ ମୁଖିଆ ତାଇକେନାଏ, ମେନ୍ଦୋ ଆଏଃକେ ହୋଡ଼୍ ମୋ ରାଃ ଚାମ୍‍ଡ଼ା ରେ ମିୟାଃ ରୋଗ୍ ହୋବାଲେନା। ନାମାନ୍ ଏଲିଶା ରାଃ ବାରେରେ ଆୟୁମ୍ ଲାଆଏ, ଏନାଲାଗିନ୍ ଇନିଃ ଏଲିଶା ରାଃ ନାଡ଼େଏ ସେନ୍ ଜାନାଏ ହାର୍ ଇନିଃ ଆଏଃକେ ବେସ୍ ରିକାଲାଗିନ୍ ଆର୍ଜି କିଜାଏ। ଏଲିଶା ନାମାନ୍ କେ କାଜିକିଜାଏ ଚି ସେନ୍ କେତେ ୟାର୍ଦାନ୍ ଗାଡ଼ା ରେ ସାତ୍ ବେର୍ ଦାଆରେ ଡ଼ୁବ୍ କିନ୍ ମେ।

ନାମାନ୍ ଖିସ୍ ଜାନାଏ। ଇନିଃ ଏନ୍ କା ରିକାଲାଗିନ୍ ମାନା ତାଦାଏ, ଚିୟାଃଚି ଏନା ଆଏଃକେ ମୁରୁଖ କାମିଲେକା ଆଟ୍ କାରୀ ତିନା। ମେନ୍ଦୋ ତାୟୋମ୍ତେ ଆଜାଃ ମୋନ୍ କେ ରୁଆଡ଼୍ କେଦାଏ ହାର୍ ସେନ୍ କେତେ ୟାର୍ଦାନ୍ ଗାଡା ରାଃ ଦାଆରେ ସାତ୍ ବେର୍ ଡ଼ୁବ୍ କି ଜାନାଏ। ଚିମ୍ତାଙ୍ଗ୍ ଇନିଃ ଆଖ୍ରିରେ ଦାଆତେ ଅଡୋଙ୍ଗ୍ ଜାନାଏ ଦୋ ପାର୍ମେଶ୍ଵାର୍ ଇନିଃକେ ବୁଗିନ୍ ତିଜାଏ।

ପାର୍ମେଶ୍ଵାର୍ ଇସ୍ରାଏଲ୍ ହୋଡ଼ୋକୋୱାଃ ନାଡ଼େଏରେ ଏଟାଃ ଥିମ୍ବାଗି ଆୟାର୍ କାଜି କାଜିତାନ୍ କୋକେ କୁଲ୍ କେଃକୋଏ। ଏନ୍ ସୋବେନ୍ ହୋଡ଼ୋକୋକେ ମୂର୍ତି ପୂଜାଲାଗିନ୍ ବାନ୍ଦ୍ ରିକା କାଜିକେଦାଏ। ଏନାଆଃ ତାୟୋମ୍ତେ, ଇନ୍‍କୁ ମିୟାଃ ଏଟାଃ ଲୋଃ ନେୟାଏ ଲେକାତେ ସେସେନ୍ ଚାହି ହାର୍ ମିହୋଡ଼୍ ଏଟାଃ ନିଜାଃ ଲୋଃ ଦାୟା ରିକାଏପେ। ଏନ୍ ଆୟାର୍ କାଜି କାଜିତାନ୍ କୋ ହୋଡ଼ୋକୋକେ ଚେତାଉନି ଏମ୍ କେଦାକୋ ଚି ଇନ୍‍କୁୱାଃ ଏତ୍କାନ୍ କାମୀକୋ ବାଗେ ତାକୋ ହାର୍ ପାର୍ମେଶ୍ଵାର୍ ରାଃ କାଜିକୋକେ ମାନାତିଙ୍ଗ୍ କାକୋ। ଆଗାର୍ ନେକା କାକୋ ରିକାଏ ରେଦୋ ପାର୍ମେଶ୍ଵାର୍ ଇନ୍‍କୁକେ ଦୋଷୀ ବାଇକେତେ ଇନ୍‍କୁୱାଃ ବିଚାର୍ ରିକାୟାଏ, ହାର୍ ଇନ୍‍କୁକେ ଦାଣ୍ଡ୍ ଏମାକୋୱାଏ।

ଥିମ୍ବା ସମାୟ କୋରେ, ଏନ୍ ହୋଡ଼ୋକୋ ପାର୍ମେଶ୍ଵାର୍ ରାଃ ଆନାଚୁ କେ କାକୋ ମାନାତିଙ୍ଗ୍ ଜାନା। ମିଶା-ମିଶା ଇନ୍‍କୁ ଆୟାର୍ କାଜି କାଜିତାନ୍ କୋକେ ଖାରାପ୍ ବେବ୍ ହାର୍ କେଦାକୋ ହାର୍ ନେତାଃ ସାନ୍ତେଚି ମିଶା-ମିଶା ଇନ୍‍କୁକେ ଗୋଏଃ କେଦାକୋ। ମିଶା, ଇନ୍‍କୁ ଜିରିମିୟା ଆୟାର୍ କାଜି କାଜିନିଃ କେ ରୋହୋଡ଼୍ କୁଆଁ ରେ ଉୟୁ ତାଦାକୋ ହାର୍ ଇନିଃକେ ଏନ୍ତାଃରେ ଗୋଏଃ ଲାଗିନ୍ତେ ବାଗେ ତିଜାକୋ। ଇନିଃ କୁଆଁ ଭିତାର୍ ଲୋଷୋଅ ରେ ଫାଶେ ଲେନାଏ। ମେନ୍ଦୋ ଏନ୍ ସାମାୟ୍ ରେ ରାଜା ଇନିଜାଃରେ ଦାୟା ହିଜୁଃ ଲେନା ହାର୍ ରାଜା ଆଜାଃ ସିପାହୀ କୋକେ ଆଚୁ କେଦାଏ ଚି ଜିରିମିୟା କେ ଗୋଜୋଃ ରାଃ ସିଦା କୁଆଁତେ ବାହାରି ଥାଏଃ କିକାକୋ।

ଆୟାର୍ କାଜି କାଜିତାନ୍ କୋ ହୋଡ଼ୋକୋ କାକୋ ମାନାତିଙ୍ଗ୍ ରେଅଗି ପାର୍ମେଶ୍ଵାର୍ ରାଃ ହୋରାତେ କାଜି ତିନାକୋ। ଇନ୍‍କୁ ହୋଡ଼ୋକୋକେ ଚେତାଅନି ଏମ୍ କେଦାକୋ ଚି ଆଗାର୍ ଇନ୍‍କୁ ମୋନ୍ କେ କାକୋ ରୁଆଡ଼୍ ଏରେ ପାର୍ମେଶ୍ଵାର୍ ଇନ୍‍କୁକେ ନାସ୍ ତାଆଏ। ଆୟାର୍ କାଜି କାଜିତାନ୍ କୋ ହୋଡ଼ୋକୋକେ ନେୟାଅଗି ପାହୋମ୍ ରିକା କେଦାଏ ଚି ପାର୍ମେଶ୍ଵାର୍ ଇନ୍‍କୁୱାଃ ନାଡ଼େଏରେ ମାସୀହ୍ କେ କୁଲ୍ ଲାଗିନ୍ କିରିୟା କାଦାଏ।