26. ୨୬. ୟୀଶୁ ଆଜାଃ ସେୱାଃକାମୀ ଏଟେଃ ତାନାଏ

ଶାଏତାନ୍ ରାଃ ପାରିକ୍ଷାକୋକେ ଜିତାଅ ରାଃ ତାୟୋମ୍ତେ, ୟୀଶୁ ଗାଲିଲ୍ ଦିଶୁମ୍ ରେ ରୁଆଡ଼୍ ଜାନାଏ। ନେୟା ଏନ୍ ଜାଗାଗି ତାନାଃ ଅକତାଃରେ ଇନିଃ ତାଇନ୍ ତାଇନାଏ। ପାବିତାର୍ ଆତ୍ମା ଇନିଃକେ ଥିମ୍ବାଗି ପେଡ଼େଏ ଏମିତିନାଏ, ହାର୍ ୟୀଶୁ ମିୟାଃ ଜାଗା ତେ ଏଟାଃ ଜାଗା ସେନ୍ ଜାନାଏ ହାର୍ ହୋଡ଼ୋକୋକେ ଶିଖାଅକୋ ତାଇନାଏ। ସୋବେନ୍ କୋ ଇନିଜାଃ ବିଶାୟ୍ ରେ ବୁଗିନ୍ କାଜି କେଦାକୋ।

ୟୀଶୁ ନାଶ୍ରାତ୍ ସାହାର୍ ତେ ସେନ୍ ଜାନାଏ। ନେୟା ଏନ୍ ହାତୁ ତାନାଃ ଅକତାଃ ରେ ଇନିଃ ହୁଡିଙ୍ଗ୍ ସାମାୟ୍ ରେ ତାଇନ୍ ତାଇନାଏ। ଆରାମେ ହୁଲାଙ୍ଗ୍, ଇନିଃ ଆରାଧାନା ଜାଗାତେ ସେନ୍ ଜାନାଏ। ଆଗୁୱା କୋ ଇନିଃକେ ୟଶାୟାହ୍ ନାବୀ ରାଃ ମିୟାଃ କିତାବ୍ ଏମ୍ କିଜାକୋ। ଇନ୍‍କୁ ସାନାଙ୍ଗ୍ ତିନାକୋ ଚି ଇନିଃ ଏନାତେ ପାଢ଼ାଅ କାଏ। ଏନ୍ତେ; ୟୀଶୁ ଏନ୍ କିତାବ୍ କେ ଖୋଲାଅ କେତେ ଇନ୍‍କୁୱାଃ ଲାଗିନ୍ ମିୟାଃ ଭାଗ୍ କେ ହୋଡ଼ୋକୋ ଲାଗିନ୍ ପାଢ଼ାଅ କେଦାଏ।

ୟୀଶୁ ପାଢ଼ାଅ ଜାନାଏ, “ପାର୍ମେଶ୍ଵାର୍ ଇଙ୍ଗ୍ କେ ଆଜାଃ ଆତ୍ମା ଏମ୍ କେଦିଙ୍ଗ୍ଆଏ ଏନାତେ ଇଙ୍ଗ୍ ରେଙ୍ଗେଏଃତାନ୍ କୋକେ ସୁସାମାଚାର୍ ପାର୍ଚାର୍ କୋୱାଃଇଙ୍ଗ୍। ଇନିଃ ଇଙ୍ଗ୍ କେ ନେୟାଲାଗିନ୍ କୁଲ୍ କାଦିଙ୍ଗ୍ଆଏ ଚି ଥୋଲାକାନ୍ କୋକେ ରାଡ଼ା କୁଇଙ୍ଗ୍, ଆନ୍ଧା କୋ ଆଡୋଃ ମିଶା ନେଲ୍ ଧାଡ଼ିକାକୋ, ହାର୍ ଇନ୍‍କୁକେ ରାଡ଼ା କୁଇଙ୍ଗ୍ ଅକନ୍ କୋକେ ଏଟାଃ ହୋଡ଼ୋକୋ ସାତାଅ କୋ ତାନାକୋ। ନେୟା ଏନ୍ ସାମାୟ୍ ତାନାଃ ଚିମ୍ତାଙ୍ଗ୍ ପାର୍ମେଶ୍ଵାର୍ ଆବୁଆଃ ଚେତାନ୍ ରେ ଦାୟା ବୁଆଏ ହାର୍ ଆବୁଆଃ ସାହେତା ୟାଏ।”

ଏନା ତାୟୋମ୍ତେ ୟୀଶୁ ଦୁବ୍ ଜାନାଏ। ଇମ୍ତା ସୋବେନ୍ ହୋଡ଼ୋକୋ ଇନିଃ କେ ଧେୟାନ୍ ତେ ନେଲିତିନାକୋ। ଆକୋ ସାରିତିନାକୋ ଚି ପାବିତାର୍ ପୁଥିରାଃ ଅକନ୍ ଭାଗ୍ ଇନିଃ ପାଢ଼ାଅନ୍ ତାଇନାଏ ଏନା ମାସୀହ୍ ରାଃ ବିଷାୟ ରେ ତାଇନ୍ କେନା। ୟୀଶୁ କାଜିକେଦାଏ, “ଅକନ୍ କାଜି ଇଙ୍ଗ୍ ନାଆ ଆପେୟାଃ ଲାଗିନ୍ ପାଢ଼ାଅ ଜାନିଙ୍ଗ୍, ଏନା ନେ ସାମାୟ୍ ହୋବାଅଃ ତାନାଃ।” ସୋବେନ୍ କୋ ଆକ୍ ଦାନ୍ଦାଅ ତିନାକୋ। ଇନ୍‍କୁ କାଜିକେଦାକୋ,” ଚିନାଃ ନିଇ ଯୋଶେଫ୍ ରାଃ ହୋନ୍ କୋଡ଼ା ନାହାଲୀ?”

ଏନ୍ତେ ୟୀଶୁ କାଜିକେଦାଏ, “ନେୟା ସାର୍ତି ତାନାଃ ଚି ହୋଡ଼ୋକୋ ଜେତାଏ ନେକାନ୍ ନାବୀକୋକେ ଚିଉଲା କାକୋ ମାନାତିଙ୍ଗ୍ କୋୱାଃ ଅକନ୍ କୋ ଆପାନାଃ ସାହାର୍ ରେ ଆସୁଲ୍-ହାରା କାନୋଗାକୋ। ଏଲିୟା ନାବୀ ରାଃ ସାମାୟ୍ ରେ, ଇସ୍ରାଏଲ୍ ଦିଶୁମ୍ ରେ ଥିମ୍ବାଗି ବିଧବାକୋ ତାଇକେନାକୋ। ମେନ୍ଦୋ ଚିମ୍ତାଙ୍ଗ୍ ସାଡ଼େ ତିନ୍ ବାରାଷ୍ ସାନ୍ତେ ଦାଆ କାଗାମା ଜାନା ଦୋ ପାର୍ମେଶ୍ଵାର୍ ଏଲିୟା କେ ଇସ୍ରାଏଲ୍ ରେନ୍ ଜେତାନ୍ ବିଧବା କେ ସାହେତା ଲାଗିନ୍ କାଏ କୁଲ୍ କିଜା। ନେୟା ବାଗିକେତେ, ଇନିଃ ଏଲିୟା କେ ମିୟାଃ ଏଟାଃ ଦିଶୁମ୍ ରେନ୍ ବିଧବା ନାଡ଼େଏ କୁଲ୍ କିଜାଏ।”

ଯୀଶୁ କାଜି କାଏ ହୋକାକେଦା, “ହାର୍ ଏଲିସା ନାବୀ ରାଃ ସାମାୟ୍ ରେ, ଇସ୍ରାଏଲ୍ ଦିଶୁମ୍ ରେ ଥିମ୍ବାଗି ହୋଡ଼ୋକୋୱାଃ ଚାମ୍‍ଡ଼ା ରୋଗ୍ ତାଇକେନା। ମେନ୍ଦୋ ଏଲିସା ଇନ୍‍କୁଏତେ ଅକଏ କୋକେ ୟଗି କାଏ ଚାଙ୍ଗାଇ କେଦାଏ। ଇନିଃ ଇସ୍ରାଏଲ୍ ରାଃ ବାଇରୀ କୋୱାଃ ସିପାହୀ କୋୱାଃ ଗୋମ୍ କେ ‘ନାମାନ୍’ କେ ଚାଙ୍ଗାଇ କିଜାଏ।” ମେନ୍ଦୋ ଅକନ୍ ହୋଡ଼ୋକୋ ଯୀଶୁ ରାଃ କାଜିକେ ଆୟୁମ୍ ତିନାକୋ ଇନ୍‍କୁ ୟାହୁଦୀ ତାଇକେନାକୋ। ଏନାଲାଗିନ୍ ଚିମ୍ତାଙ୍ଗ୍ ଇନ୍‍କୁ ଇନିଃକେ ନେୟା କାଜିତାନ୍ ଆୟୁମ୍ କିଜାକୋ ଦୋ ଇନ୍‍କୁ ଇନିଃକେ ଖିସ୍ ଯାନାକୋ।

ନାଶ୍ରାତ୍ ରେନ୍ ହୋଡ଼ୋକୋ ୟୀଶୁ କେ ସାବ୍ କିଜାକୋ ହାର୍ ଇନିଃକେ ଆରାଧାନା ରାଃ ଜାଗାତେ ଗେସ୍ରାଅ କେତେ ବାହାରିତେ ଅଡ଼ୋଙ୍ଗ୍ କିଜାକୋ। ଇନିଃକେ ଗୋଏଃ ଲାଗିନ୍ତେ ମିୟାଃ ମାରାଙ୍ଗ୍ ସେରେଙ୍ଗ୍ ଚେତାନ୍ ତେ ଇଦିକିଜାକୋ। ମେନ୍ଦୋ ୟୀଶୁ ଭିଡ଼୍ ତେ ଅଡ଼ୋଙ୍ଗ୍ ଜାନାଏ ହାର୍ ନାସ୍ରାତ୍ ସାହାର୍ ବାଗେକେତେ ନିର୍ ଜାନାଏ।

ଆଡୋଃ ୟୀଶୁ ସୋବେନ୍ ଗାଲିଲ୍ ଜାଗା କୋରେ ସେନ୍ ଜାନାଏ, ହାର୍ ମାରାଙ୍ଗ୍ ଭିଡ଼୍ ହୋଡ଼ୋକୋ ଆଜାଃ ନାଡ଼େଏତେ ହିଜୁଃ ଜାନାକୋ। ଇନ୍‍କୁ ହାସୁତାନ୍ କୋକେ ହାର୍ ସେସେନ୍ କାକୋ ଧାଡ଼ିତାନ୍ କୋକେ ଥିମ୍ବାଗି ଆଉଲାଆକୋ। ଇନ୍‍କୁୱାଃତେ ଚିମିନ୍ କୋ ନେନେଲ୍, ଆୟୁମ୍ ୟାଦ କାଜି କାକୋ ଧାଡ଼ିତିନାକୋ, ଆଡୋଃ ୟୀଶୁ ଇନ୍‍କୁକେ ବେଶ୍ କେଃକୋୱାଏ।

ଏନାକେ ବାଗିକେତେ, ଥିମ୍ବାଗି ନେକାନ୍ ହୋଡ଼ୋକୋ ୟୀଶୁ ରାଃ ନାଡ଼େଏ ଆଉକେଦାକୋ ଅକନ୍ କୋ ବୋଙ୍ଗା ଆତ୍ମାତେ ଏସେର୍ କାନ୍ ତାଇକେନାକୋ। ୟୀଶୁ ବୋଙ୍ଗାଆତ୍ମା କୋକେ ଇନ୍‍କୁଏତେ ଅଡୋଙ୍ଗ୍ ଲାଗିନ୍ ଆଚୁ କେଃକୋୱାଏ। ଏନ୍ ବୋଙ୍ଗା ଆତ୍ମାକୋ କିର୍ଲାଅ କେଦାକୋ, “ଆମ୍ ପାର୍ମେଶ୍ଵାର୍ ରାଃ ହୋନ୍ କୋଡ଼ା ତାନ୍ ମେ!” ଭିଡ଼୍ ରେନ୍ ହୋଡ଼ୋକୋ ଆକ୍ ଦାନ୍ଦାଅ ତିନାକୋ, ହାର୍ ଇନ୍‍କୁ ପାର୍ମେଶ୍ଵାର୍ ରାଃ ମାନାରାଙ୍ଗ୍ କେଦାକୋ।

ଏନ୍ତେ ୟୀଶୁ ବାରାଝାନ୍ କୋଡ଼ାକୋକେ ସାଲାକେଦାଏ ଇନ୍‍କୁକେ କୁଲାକାନ୍ ଚେଲା(ପ୍ରେରିତ୍) କାଜିକେଃକୋୱାଏ। ଏନ୍ କୁଲାକାନ୍ ଚେଲାକୋ ୟୀଶୁ ଲୋଃ ସେନ୍ ଯାନାକୋ ହାର୍ ଇନିଜାଃତେ ସିଖାଅନ୍ ତିନାକୋ।