27. ୨୭. ଦାୟାଲୁ ସାମାରୀ ରାଃ କାହାନୀ

ମୁଷିଙ୍ଗ୍ ହୁଲାଙ୍ଗ୍, ୟାହୁଦୀ ଆଇନ୍ ନିୟାମ୍ ସାରିକାନ୍ ମିୟାଃ ୟୀଶୁ ନାଡ଼େଏ ହିଜୁଃ ଲେନାଏ। ଇନିଃ ସୋବେନ୍ କୋକେ ନେୟା ଉଦୁବ୍ ସାନାଙ୍ଗ୍ ତାଇନାଏ ଚି ୟୀଶୁ ଗାଲାତ୍ ସିଖାଅ କୋ ତାନାଏ। ଏନାଲାଗିନ୍ ଇନିଃ କାଜିକେଦାଏ,”ହେ ଗୁରୁ, ଜାନାଓ ଜୀଦାନ୍ ନାମେ ଲାଗିନ୍ ଇଙ୍ଗ୍ ଚିନାଃ ରିକାଇଙ୍ଗ୍?” ୟୀଶୁ କାଜିକେଦାଏ,”ପାର୍ମେଶ୍ଵାର୍ ରାଃ ନିୟାମ୍ ପୁଥି ରେ ଚିନାଃ ଅଲାକାନା?”

ଏନ୍ ହୋଡ଼ କାଜିକେଦାଏ, “ଇନିଃ କାଜିୟାଏ ଚି ଆମ୍ ଆମାଃ ପାର୍ମେଶ୍ଵାର୍ କେ ଆମାଃ ସୋବେନ୍ ମୋନ୍, ଜିଉ, ପେଡ଼େଏ ହାର୍ ସେଣା ଲୋଃ ଦୁଲାଡ଼୍ ଇମ୍। ହାର୍ ଆମାଃ ନାଡ଼େଏ-ଜାପାଃ ରେନ୍ କୋଲୋଃ ଆମାଃ ଲେକା ଦୁଲାଡ଼୍ ମାଣ୍ଡାଅ ଏମେ।” ୟୀଶୁ କାଜିକେଦାଏ, “ଆମ୍ ବୁଗି କାଜିତାନାମ୍! ଆଗାର୍ ଆମ୍ ନେକା ୟାମ୍, ଏଣ୍ଡେ ଦୋ ଆମ୍ କେ ଜାନାଓ ଜୀଦାନ୍ ନାମୋଗା।”

ମେନ୍ଦୋ ଏନ୍ ଆଇନ୍ ନିୟାମ୍ ସାରିକାନ୍ ହୋଡ଼୍ ହୋଡ଼ୋକୋକେ ନେୟା ଉଦୁବ୍ ସାନାଙ୍ଗ୍ ତାଇନାଏ ଚି ଆଜାଃ ଜିହିଦୋଃ ହୋରା ବୁଗିନ୍ ତାନାଃ। ଏନାଲାଗିନ୍ ଇନିଃ ୟୀଶୁକେ କୁଲିକିଜାଏ, “ବୁଗିନ୍ ତାନାଃ, ଦୋ ଇଙ୍ଗ୍ଆଃ ନାଡ଼େଏ ଜାପାଃକୋ ଅକଏକୋ ତାନ୍ କୋ?”

ୟୀଶୁ ଏନ୍ ଆଇନ୍ ନିୟାମ୍ ସାରିକାନ୍ ହୋଡ଼୍ କେ ମିୟାଃ କାହାନୀ ଉଦୁବ୍ କେତେ କାଜିରୁଆଡ଼ କିଜାଏ। ମିୟାଃ ୟାହୁଦୀ ହୋଡ଼ ତାଇକେନାଏ ଇନିଃ ମିୟାଃ ହୋରାରେ ୟୀରୁଶାଲେମ୍ ତେ ୟେରିହୋ ସାହାର୍ ତେ ସେସେନ୍ ତାଇନାଏ।”

“ମେନ୍ଦୋ ଚିମିନ୍ ଡାକୁକୋ ଇନିଃ କେ ନେଲ୍ କିଜାକୋ ହାର୍ ଇନିଃକେ ଗୋଜୋଃ ସାନ୍ତେ ବିଡାକିଜାକୋ। ଇନିଜାଃ ସୋବେନ୍ ଜିନିଷ୍ କୋ ରେଏଃ ଇଦିକେଦାକୋ ହାର୍ ନିର୍ ଜାନାକୋ। ”

“ଏନ୍ ସାମାୟ୍ ରେ ଗି, ମିୟାଃ ୟାହୁଦୀ ୟାଜାକ୍ ଏନ୍ ସାଣ୍ଡାକ୍ ହୋରା ତେଗି ସେନ୍ ତାଇନାଏ। ଏନ୍ ୟାଜାକ୍ ଏନ୍ ହୋଡ଼୍ କେ ସାଣ୍ଡାକ୍ ରେ ଦାର୍ମାରା ଉୟୁକାନ୍ ନେଲ୍ କିଜାଏ। ଚିମ୍ତାଙ୍ଗ୍ ଇନିଃ ଇନିଃକେ କେ ନେଲ୍ କିଜାଏ ଦୋ ଇନିଃ ସାଣ୍ଡାକ୍ ରାଃ ଗେନା ହୋରାତେ ଆୟୁର୍ ସେନ୍ ଜାନାଏ। ଇନିଃ ଏନ୍ ହୋଡ଼୍ କେ କାଏ ନେଲ୍ ଲେକା ସେନୋଃ ଜାନାଏ।”

“ନେୟା ରାଃ ହୁଡିଙ୍ଗ୍ ସାମାୟ୍ ରାଃ ତାୟୋମ୍ତେ, ମିୟାଃ ଲେବୀ ଏନ୍ ସାଣ୍ଡାକ୍ ହୋରା ତେଗି ହିଜୁଃ ତାଇନାଏ [ଲେବୀ ୟାହୁଦୀ କୋୱାଃ ମିୟାଃ କିଲିରେନ୍ ତାଇକେନାଏ ଅକନ୍ କୋ ମାନ୍ଦିର୍ ରେ ୟାଜାକ୍ କୋକେ ସାହାଏତା ତିନାକୋ] ଏନ୍ ଲେବୀ ୟଗି ସାଣ୍ଡାକ୍ ଗେନା ହୋରାତେ ଏଟାଃ ପାର୍ତେ ଆୟୁର୍ ସେନୋଃ ଜାନାଏ। ଇନିଃ ୟଗି ଏନ୍ ହୋଡ଼୍ କେ କାଏ ନେଲ୍ ଲେକା ହୋବାଜାନାଏ।”

“ଏଟାଃ ହୋଡ଼୍ ଅକନିଃ ଏନ୍ ସାଣ୍ଡାକ୍ ହୋରା ତେଗି ହିଜୁଃ ତାଇନାଏ ଇନିଃ ସାମାରୀୟା ଦିଶୁମ୍ ରେନ୍ ମିୟାଃ ହୋଡ଼୍ ତାଇକେନାଏ। [ସାମାରୀୟାରେନ୍ କୋ ହାର୍ ୟାହୁଦୀକୋ ମିହୋଡ଼୍ ଏଟାଃ ନିଃଇ ଲୋଃ କାକୋ ବାପାଇଅଃ ତିନାକୋ] ଏନ୍ ସାମାରୀୟାନ୍ ହୋଡ଼୍ ସାଣ୍ଡାକ୍ ରେ ଉୟୁକାନ୍ ଏନ୍ ହୋଡ଼୍ କେ ନେଲ୍ କିଜାଏ। ଇନିଃ ନେଲ୍ କିଜାଏ ଚି ଇନିଃ ୟାହୁଦୀ ତାନିଃ, ଏଣ୍ଡେୟଗି ଇନିଃ ଇନିଜାଃ ଚେତାନ୍ ମାରାଙ୍ଗ୍ ଦାୟା କେଦାଏ। ଏନ୍ତେ: ଇନିଃ ଇନିଜାଃ ନାଡ଼େଏ ସେନ୍ ଜାନାଏ ହାର୍ ଇନିଜାଃ ଘାଅ କୋକେ ସାଫା କେଦାଏ ହାର୍ ପାଟି ଥଲ୍ କେଦାଏ।”

“ଆଡୋଃ ଏନ୍ ସାମାରୀୟାନ୍ ଏନ୍ ହୋଡ଼୍ କେ ଆଜାଃ ଗାଧା ଚେତାନ୍ ଲାଦିକିଜାଏ ହାର୍ ଇନିଃ ଏନ୍ ହୋରାରେ ମିୟାଃ ଧାରାମ୍ ଶାଲା ଅଡ଼୍ଆଃରେ ଇଦିକିଜାଏ। ଅକତାଃରେ ଇନିଃ ଇନିଜାଃ ସେୱା ଜାତାନ୍ ଲାଗିନ୍ କାଏ ବାଗି।”

ଏଟାଃ ହୁଲାଙ୍ଗ୍, ଏନ୍ ସାମାରୀୟାନ୍ କେ ଆୟୁର୍ତେ ସେସେନ୍ ରାଃ ତାଇକେନା। ଇନିଃ ଏନ୍ ଧାରାମ୍ ଶାଲା ରେନ୍ ଗୋମ୍ କେ ଚିମିନ୍ ଟାକାକୋ ଏମିଯାଏ। ଇନିଃ ଇନିଃକେ କାଜିକିଜାଏ, “ନେ ହୋଡ଼୍ କେ ସେୱା ଜାତାନ୍ ଇମେ। ଆଗାର୍ ନେ ଟାକା କେ ବାଗେକେତେ ଆମାଃ ଚିମିନ୍ ଟାକା ଖାର୍ଚାଅୱାଃ ଏଣ୍ଡେ ଦୋ ରୁଆଡ଼୍ ହିଜୁଃ ଇମ୍ତା ଇଙ୍ଗ୍ ଆମାଃ ଏନ୍ ଖାର୍ଚାକାନ୍ ଟାକାକେ ରୁଆଡ଼୍ ଏମ୍ ତାମିଙ୍ଗ୍।”

ଆଡୋଃଗି ୟୀଶୁ ଏନ୍ ନିୟାମ୍ ଆଇନ୍ ସାରିକାନ୍ ଗୁରୁକେ କୁଲିକିଜାଏ, “ଆମ୍ ଚିନାଃ ପାହାମ୍ ତାନାମ୍? ଏନ୍ ଆପିହୋଡ଼୍ ତେ ଅକଏ ଏନ୍ ହୋଡ଼୍ ଗାଃ ନାଡ଼େଏ-ଜାପାରେନ୍ ତାନିଃ ଅକନିଃକେ ଚି ରେଏଃ କିଜାକୋ ହାର୍ ବିଡା କିଜାକୋ?” ଇନିଃ କାଜିକିଜାଏ, “ଅକଏ ଇନିଃଜାରେ ଦାୟା କେଦାଏ।” ୟୀଶୁ କାଜିରୁଆଡ଼୍ କିଜାଏ, “ଆମ୍ ଜୁ ହାର୍ ଏନ୍ କାଗି ରିକାଏମ୍।”