33. ୩୩. ମିୟାଃ ଚାଷ୍ କାମିନିଜାଃ କାହାନୀ

ମୂଷିଙ୍ଗ୍ ହୁଲାଙ୍ଗ୍,ୟୀଶୁ ମାରାଙ୍ଗ୍ ଗାଡା ରାଃ ଗେନା ନାଡ଼େଏ ରେ ତାଇକେନାଏ। ଇନିଃ ହୋଡ଼ୋକୋୱାଃ ମାରାଙ୍ଗ୍ ମିୟାଃ ହୋଡ଼ୋ କୋକେ ସିଖାଅକୋ ତାଇନାଏ। ଇନିଃ ଜାଃଆ ତେ ଆୟୁମ୍ ଲାଗିନ୍ ସୋବେନ୍ ହୋଡ଼ୋକୋ ୟୀଶୁ ରାଃ ନାଡ଼େଏରେ ହାର୍ ଏନ୍ ସୋବେନ୍ କୋଏତେ ବାଖାଣ ଲାଗିନ୍ ଜାଗା କା ତାଇକେନା। ଏନାଲାଗିନ୍ ଇନିଃ ଦାଆରେ ତିଙ୍ଗୁକାନ୍ ଡୋଙ୍ଗାରେ ରାକାବ୍ ଜାନାଏ। ଏଣ୍ଡେରେ ଇନିଃ ଦୁବ୍ ଜାନାଏ ହାର୍ ହୋଡ଼ୋକୋକେ ସିଖାଅ କେଦାଏ।

ୟୀଶୁ ଇନ୍‍କୁକେ ନେ କାହାନୀ ଉଦୁବ୍ କେଦାଏ, “ମିୟାଃ ଚାଷି ହିତାହେର୍ ଲାଗିନ୍ ଅଡୋଙ୍ଗ୍ ଜାନାଏ। ଚିମ୍ତାଙ୍ଗ୍ ଇନିଃ ତିଇତେ ହିତାକୋକେ ହେର୍ ତାଇନାଏ ଦୋ ଚିମିନ୍ ହିତା ହୋରାରେ ଉୟୁ ଜାନା। ମେନ୍ଦୋ ଅଡ଼େକୋ ହିଜୁଃକେତେ ଏନ୍ ସୋବେନ୍ ହିତାକୋକେ ଯୋମ୍ ତାଦାକୋ।”

“ଏଟାଃ ହିତାକୋ ଦିରି ଅତେରେ ଉୟୁଃ ଜାନା ଅକତାଃରେ ଥିମ୍ବାଗି ହାସା କାମ୍ତି ତାଇକେନା। ଦିରିଅତେରେ ଉୟୁଃ କାନ୍ ହିତା ସେକାଡ଼୍ ଗି ଅମୋନ୍ ଜାନା, ମେନ୍ଦୋ ଏନାରାଃ ରେହେଃ ଅତେରାଃ ହାସା ଭିତାର୍ ରେ କାଏ ସେନ୍ ଧାଡ଼ିଜାନା। ଚିମ୍ତାଙ୍ଗ୍ ଶିଙ୍ଗୀ ଅଡୋଙ୍ଗ୍ ଜାନା ହାର୍ ଶିତୁମ୍ କେଦାଏ ଦୋ ଏନ୍ ଦାରୁ ଗୋଶୋଜାନା ହାର୍ ଗୋଏଃ ଜାନା।”

“ଏଣ୍ଡେଅ ଏଟାଃ ହିତାକୋ ଜାନୁମ୍ ବୁଟା ଥାଲାକୋରେ ଉୟୁଃ ଜାନା। ଏନ୍ ହିତାକୋ ଅମୋନ୍ ଏଟେଃ ଜାନା, ମେନ୍ଦୋ ଜାନୁମ୍ କୋ ଏନାକୋକେ ଅତା କେଦାଏ। ଏନାଲାଗିନ୍ ଜାନୁମ୍ ଅତେ ରେ ଉୟୁଃକାନ୍ ହିତାତେ ଅଡୋଙ୍ଗ୍ କାନ୍ ଦାରୁତେ ଜେତାନାଃ ଯୋ କା ଯୋ ଧାଡ଼ିଜାନା।”

“ଏଟାଃ ହିତା ବେସ୍ ଅତେ ରେ ଉୟୁଃ ଜାନା। ଏନ୍ ହିତାକୋ ଅମୋନ୍ ଜାନା ହାର୍ ଯାମିନ୍ ହିତା ହେର୍ ଲେନା ଏନାତେ ୩୦,୬୦, ହାର୍ ନେତାଃସାନ୍ ଚି ୧୦୦ ଗୁନା ଯୋ ଯୋ ଜାନା। ଜେତାଏ ୟଗି ପାର୍ମେଶ୍ଵାର୍ ରାଃ ତାୟୋମ୍-ତାୟୋମ୍ ସେନ୍ ସାନାଙ୍ଗ୍ ତାନାଏ, ଇନିଃ ଏନ୍ କାଜିକୋକେ ଧେୟାନ୍ ଏମେକାଏ ଅକନାଃ ଇଙ୍ଗ୍ କାଜିତାନିଙ୍ଗ୍!”

ନେ କାହାନୀ ଚେଲାକୋକେ ଫାସେ ତାଃ କୋୱାଏ। ଏନା ଲାଗିନ୍ ୟୀଶୁ ବୁଝାଅ କେଦାଏ, “ଏନ୍ ହିତା ପାର୍ମେଶ୍ଵାର୍ ରାଃ ବାଚାନ୍ ତାନ୍ଆ। ଏନ୍ ହରା ମିୟାଃ ନେକା ହୋଡ଼୍ ତାନାଃ ଅକଏ ପାର୍ମେଶ୍ଵାର୍ ରାଃ ବାଚାନ୍ ଆୟୁମ୍ ୟାଏ, ମେନ୍ଦୋ ଏନାକେ କାଏ ବୁଝାଅ ଧାଡ଼ିୟା। ଏନ୍ତେ ଶାଏତାନ୍ ଇନିଜାଃ ନାଡ଼େଏତେ ବାଚାନ୍ କେ କୁମ୍ଡୁ ଇଦିକେଆଏ। ମାନେ ଶାଏତାନ୍ ଇନିଃକେ ବୁଝାଅ କାଏ ଏମିୟାଃଏ।”

“ଏନ୍ ଦିରିଅତେ ନେକାନ୍ ହୋଡ଼୍ ତାନିଃ ଅକଏ ପାର୍ମେଶ୍ଵାର୍ ରାଃ ବାଚାନ୍ କେ ଆୟୁମ୍ ୟାଃଏ ହାର୍ ରାଶିକାନ୍ ତାନ୍ ଲୋଃ ଏନାକୋକେ ମାନାତିଙ୍ଗ୍ କେୟାଏ। ମେନ୍ଦୋ ଚିମ୍ତାଙ୍ଗ୍ କେଟେଃ ସାମାୟ୍ ହିଯୁଗା, ୟାଦ ଚିମ୍ତାଙ୍ଗ୍ ଏଟାଃ ହୋଡ଼ୋକୋ ଇନିଃକେ ସାତାଅ ୟାକ, ଦ ଇନିଃ ପାର୍ମେଶ୍ଵାର୍ ତେ ସାଙ୍ଗିନ୍ କେନୋଗାଏ। ମାନେ ଇନିଃ ପାର୍ମେଶ୍ଵାର୍ ଚେତାନ୍ ରେ ଭାରୋଷା ତେଆଃ ବାନ୍ଦ୍ ତାଆଏ।”

“ଏନ୍ ଜାନୁମ୍ ବୁଟା ନେକାନ୍ ହୋଡ଼୍ ତାନିଃ ଅକଏ ପାର୍ମେଶ୍ଵାର୍ ରାଃ ବାଚାନ୍ କେ ଆୟୁମ୍ କେଆଏ। ମେନ୍ଦୋ ଇନିଃ ସୋବେନ୍ କାଜିକୋରାଃ ପାହୋମ୍ ଏଟେଃ କେଆଏ, ହାର୍ ଇନିଃ ଥିମ୍ବାଗି ଟାକା-ପାଇସା କାମିଲାଗିନ୍ ପାହୋମ୍ ୟାଏ, ହାର୍ ଇନିଃ ଥିମ୍ବାଗି ଜିନିସ୍ କୋକେ ନାମେ ଲାଗିନ୍ ପାହୋମ୍ ୟାଏ। ନାଆ ଇନିଃ ପାର୍ମେଶ୍ଵାର୍ କେ ଦୁଲାଡ଼୍ କାଏ ଧାଡ଼ିୟାଃଏ। ଏନାଲାଗିନ୍ ଅକନାଃ ଇନିଃ ପାର୍ମେଶ୍ଵାର୍ ରାଃ ବାଚାନ୍ କେ ସିଖାଅକାନ୍ ଲେନାଏ ଇନିଃ ଏନାକୋକେ ପାର୍ମେଶ୍ଵାର୍ କେ ସାମାୟ୍ ଏମ୍ କାଏ ଧାଡ଼ିଜାନା। ଇନିଃ ଗହମ୍ ଖେଡ୍ ଲେକା ତାନିଃ ଅକନାଃରେ ଯେତାନ୍ ଯୋ ଯୋକାଏ ଧାଡ଼ିୟାଏ।”

“ମେନ୍ଦୋ ବୁଗିନ୍ ଅତେ ଇନିଃ ଏନ୍ ହୋଡ଼୍ ଲେକା ତାନିଃ ଅକଏ ପାର୍ମେଶ୍ଵାର୍ ରାଃ ବାଚାନ୍ କେ ଆୟୁମ୍ କେୟାଏ, ଇନିଜାଃ ଚେତାନ୍ ରେ ବିଶ୍ଵାସ୍ ୟାଏ, ହାର୍ ଯୋକୋ ଯୋ ଧାଡ଼ିୟାଃଏ।”