35. ୩୫. ଦାୟାତାନ୍ ଆପୁନିଜାଃ କାହାନୀ

ମୂଶିଙ୍ଗ୍, ୟୀଶୁ ଏନ୍ ଥିମ୍ବା ହୋଡ଼ୋକୋକେ ସିଖାଅ କୋ ତାଇନାଏ ଅକନ୍ ଇନିଜାଃ ଆୟୁମ୍ ଲାଗିନ୍ ହୁଣ୍ଡିନ୍ ତିନାକୋ। ନେ ହୋଡ଼୍ କୋ ମାଲ୍ ଟାକା ହାରୋମ୍ କୋ ହାର୍ ଗାତିରେ ଏଟାଃ ହୋଡ଼୍ କୋଗି ତାଇକେନାକୋ ଅକନ୍ କୋ ମୂଶାନାବୀ ରାଃ ନିୟାମ୍ କୋକେ କାକୋ ମାନାତିଙ୍ଗ୍ ତିନା।

ଚିମିନ୍ ଧାରାମ୍ ଗୁରୁକୋ (ଆଗୁଆ) ନେଲ୍ କେଦାକୋ ଚି ୟୀଶୁ ଏନ୍ ହୋଡ଼ୋକୋଲୋଃ ମିହୋଡ଼୍ ଗାତିକୋ ଲେକା ବାକାଣ ତାନାଏ। ଏନାଲାଗିନ୍ ମିହୋଡ଼୍ ଏଟାଃ ନିଜାଃଲୋଃ ନେୟାକାଜି କାଜି ଏଟେଃ କେଦାକୋ ଚି ଇନିଃ ଗାଲ୍ତି ତାନାଏ। ୟୀଶୁ ଇନ୍‍କୁୱାଃ କାଜିକୋକେ ଆୟୁମ୍ କେଦାଏ,ଏନାଲାଗିନ୍ ଇନିଃ ଇନ୍‍କୁକେ ନେ କାହାନୀ ଉଦୁବ୍ କେଦାଏ।

“ମିୟାଃ ହୋଡ଼୍ ତାଇକେନାଏ ଅକନିଜାଃ ବାରୋଡ୍ କୋଡ଼ାହୋନ୍ ତାଇକେନାକିନ୍। ହୁଡିଙ୍ଗ୍ କୋଡ଼ାହୋନ୍ ଆଜାଃ ଆପୁତେକେ କାଜିକିଜାଏ, ‘ହେ ଆପୁ, ଇଙ୍ଗ୍ କେ ନାଆ ଇଙ୍ଗ୍ଆଃ ହିସ୍ସା(ଭାଗ୍) ଏମିଙ୍ଗ୍ ମେ!’ଏନ୍ତେ: ଆପୁ ଆଜାଃ ବାରାନ୍ କୋଡ଼ାହୋନ୍ କିନ୍ ନାଃ ଥାଲାରେ ଆଜାଃ ଧାନ୍ ସାମ୍ପାତି କୋକେ ହାଟିଂଙ୍ଗ୍ ତାଃକିନାଏ। ”

“ସେକାଡ଼୍ ଗି ହୁଡିଙ୍ଗ୍ କୋଡ଼ାହୋନ୍ ଆଜାଃ ସୋବେନ୍ ତେୟାଃ ହୁଣ୍ଡିକେତେ ସାଙ୍ଗିନ୍ ଦିଶୁମ୍ତେ ସେନୋଃ ଜାନାଏ ହାର୍ ପାପି ଜୀଦାନ୍ ରେ ଜିହୀଦ୍ ଦୋଃ ଲାଗିନ୍ ଆଜାଃ ସୋବେନ୍ ଧାନ୍ କେ ବାର୍ବାଦ୍ ଛାବା ତାଦାଏ।”

“ଏନା ତାୟୋମ୍ତେ, ଅକତାଃରେ ହୁଡିଙ୍ଗ୍ ହାଗା ତାଇକେନାଏ ଏନ୍ ଦିଶୁମ୍ ରେ ମିୟାଃ ମାରାଙ୍ଗ୍ ଆକାଲ୍ ହୋବାଜାନା, ହାର୍ ଇନିଜାଃ ତାଃ ଯୋଯୋମାଃ ଖିରିଙ୍ଗ୍ ଲାଗିନ୍ ଟାକା କା ତାଇକେନା। ଏନାଲାଗିନ୍ ଇନିଃ ଅକନ୍ କାମି ନାମ୍ ଜାନା ଏନା ସୁକ୍ରିକୋକେ ଗୁପି ତାଇକେନା। ଇନିଃ ଦୁଖୀ ହାର୍ ରେଙ୍ଗ୍ଏଃ ଲେନାଏ ଚି ଇନିଃ ସୁକ୍ରିକୋୱାଃ ଯୋଜୋମାଃ ତେୟାଃକେ ଯୋମ୍ ସାନାଙ୍ଗ୍ ତାଇନାଏ। ”

“ଆଖ୍ରୀ ସାମାୟ୍ ରେ, ଏନ୍ ହୁଡିଙ୍ଗ୍ ହାଗା ଆପାନ୍ କେ କାଜିଜାନାଏ, ଇଙ୍ଗ୍ ଚିନାଃ ରିକାତାନିଙ୍ଗ୍? ଇଙ୍ଗ୍ଆଃ ଆପୁ ରାଃ ସୋବେନ୍ ମାଜ୍ରିକାମି ତାନ୍ କୋତାଃ ଜୋମେଲାଗିନ୍ ଥିମ୍ବା ମେନାଃ, ହାର୍ ଇଙ୍ଗ୍ ନେତାଃ ରେଙ୍ଗେଃତେ ଗୋଜୋଃ ତାନିଙ୍ଗ୍। ଇଙ୍ଗ୍ ଇଙ୍ଗ୍ଆଃ ଆପୁରାଃ ନାଡ଼େଏ ରୁଆଡ଼୍ ଇଙ୍ଗ୍ ହାର୍ ଇଙ୍ଗ୍ଆଃ ଆପୁରାଃ ମିୟାଃ ମାଜ୍ରିକାମି ହୋଡ଼୍ ଲେକା ଇନିଃକେ ଆର୍ଜି ଇଙ୍ଗ୍।‘”

“ଏନ୍ତେ ହୁଡିଙ୍ଗ୍ ହାଗା ଆଜାଃ ଆପୁ ଅଡ଼୍ଆଃ ରୁଆଡ଼୍ ଲାଗିନ୍ ଏଟେଃ କେଦାଏ। ଜାବ୍ ଚି ଇନିଃ ସାଙ୍ଗିନ୍ ରେ ତାଇକେନାଏ, ଇନିଜାଃ ଆପୁ ଇନିଃକେ ନେଲ୍ କିଜାଏ ହାର୍ ଇନିଃକେ ଦାୟାରେ ଫେରେଃ ଜାନାଏ। ଇନିଃ ନିର୍କେତେ ଆଜାଃ ହୋନ୍ କୋଡ଼ାରାଃ ନାଡ଼େଏ ହିଜୁଃ ଲେନାଏ ହାର୍ ଇନିଃକେ ଭେଟ୍ କିଜାଏ ହାର୍ ଚୁମାକିଜାଏ।”

“ଏନ୍ କୋଡ଼ାହୋନ୍ କାଜିକେଦାଏ, ହେ ଆପୁ, ଇଙ୍ଗ୍ ପାର୍ମେଶ୍ଵାର୍ ରାଃ ହାର୍ ଆମାଃ ବିରୁଦ୍ଧ୍ ପାପ୍ କାଦିଙ୍ଗ୍। ଇଙ୍ଗ୍ ଆମାଃ ହୋନ୍ କାଜିନ୍ ରାଃ ଲାଏକ୍ ୟଗି ନାହାଲିଙ୍ଗ୍।’”

“ମେନ୍ଦୋ ଆପୁ ଆଜାଃ ମିୟାଃ ମାଜ୍ରିକାମି ତାନ୍ ହୋଡ଼୍ କେ (ଦାସୀ) କେ କାଜିକିଜାଏ, ‘ସେକାଡ଼୍ ଗି ସେନୋଃମେ ଲିଜାଃ ଆଉୟେମେ ହାର୍ ଇଙ୍ଗ୍ଆଃ ହୋନ୍ କୋଡ଼ାକେ ତୁସିଙ୍ଗ୍ ଇମେ! ଇନିଜାଃ ଆଙ୍ଗ୍ ଠିରେ ମୁଦି ହାର୍ ଇନିଜାଃ କାଟାରେ ଯୁତା ତୁସିଙ୍ଗୀମେ। ଆଡୋଃ ସୋବେନ୍ତେ ବୁଗିନ୍ ମିଣ୍ଡୀ ଗୋଜିମେ ତାଚି ଆବୁ ଭୋଜି ଜୋମେୟାବୁ ହାର୍ ରାଶିକାନ୍ ୟାବୁ, ଚିୟାଃଚି ଇଙ୍ଗ୍ଆଃ ହୋନ୍ ଗୋଏଃ କାନ୍ ତାଇନାଏ, ମେନ୍ଦୋ ନାଆ ଇନିଃ ଜିହିଃ ମେନିଯା! ଇନିଃ ଆଆଃ କାନ୍ତିନାଏ, ମେନ୍ଦୋ ନାଆ ଆଲେ ନାମ୍ କିଜାଲେ!”

“ଏନା ଲାଗିନ୍ ହୋଡ଼ୋକୋ ରାଶିକାନ୍ ଏଟେଃ କେଦାକୋ। ଚିମିନ୍ ସାମାୟ୍ ସେନୋଃ ଜାନ୍ ରେ, ମାରାଙ୍ଗ୍ ହାଗା ଲୋୟୋଙ୍ଗ୍ କାମିକେତେ ଅଡ଼୍ଆଃ ହିଜୁଃ ଲେନାଏ। ଇନିଃ ଦୁରାଙ୍ଗ୍ ହାର୍ ଶୁଶୁନ୍ ରାଃ ଷାଡ଼ିକୋ ଆୟୁମ୍ କେଦାଏ ହାର୍ ଆକ୍ ଦାନ୍ଦା ଜାନାଏ ଚି ନେୟାଃ ଚିନ୍ଆଃ ହୋବାଅଃ ତାନା।”

“ଚିମ୍ତାଙ୍ଗ୍ ମାରାଙ୍ଗ୍ ହାଗାକେ ସାରିଜାନାଏ ଚି ଇନ୍‍କୁ ଏନାଲାଗିନ୍ ରାଶିକାନ୍ ତିନାକୋ ଚି ଚିୟାଃଚି ଆଜାଃ ହାଗା ଅଡ଼୍ଆଃ ହିଜୁଃ ଲେନାଏ, ଦ ଇନିଃ ଥିମ୍ବାଗି ଖିସ୍ ଜାନାଏ ହାର୍ ଅଡ଼୍ଆଃରେ କାଏ ବୋଲୋଜାନାଏ। ଆଜାଃ ଆପୁ ବାହାରି ହିଜୁଃକେତେ ଆଏଃକେ ଇନ୍‍କୁୱାଃ ଲୋଃ ରାସୀକାନ୍ ଲାଗିନ୍ ଆର୍ଜି କିଜାଏ, ମେନ୍ଦୋ ଇନିଃ ମାନା ତାଦାଏ।”

“ମାରାଙ୍ଗ୍ ହୋନ୍ କୋଡ଼ା ଆଜାଃ ଆପୁକେ କାଜିକିଜାଏ, ‘ନେ ସୋବେନ୍ ବାରାଶ୍ କୋରେ ଇଙ୍ଗ୍ ଆମାଃ ଲାଗିନ୍ ବିଶ୍ଵାସ୍ ତାନ୍ ଲୋଃ କାମିକେଦିଙ୍ଗ୍! ଚିଉଲା ୟଗି ଆମାଃ କାଜିକେ କାଇଙ୍ଗ୍ ମାନାକାଦା,ମେନ୍ଦୋ ଆମ୍ ଚିଉଲା ୟଗି ଇଙ୍ଗ୍ କେ ମିୟାଃ ହୁଡିଙ୍ଗ୍ ମେରୋମ୍ ୟଗି କାମ୍ ଏମ୍ କାଦା ଚି ଇଙ୍ଗ୍ ଇଙ୍ଗ୍ଆଃ ଗାତିକୋ ଲୋଃ ରାସୀକାନ୍ ଅଗିଙ୍ଗ୍। ମେନ୍ଦୋ ଆମାଃ ନେ ହୋନ୍ କୋଡ଼ା ଆମାଃ ଧାନ୍ ସାମ୍ପାତିକୋକେ ପାପି କାମିରେ ଖାର୍ଚା ତାଦାଏ। ହାର୍ ଚିମ୍ତାଙ୍ଗ୍ ନାଆ ଇନିଃ ହିଜୁଃ ଜାନ୍ ରେ ଦୋ ଇନିଃଜାଃ ଲାଗିନ୍ ରାଶିକାନ୍ ଲାଗିନ୍ ଆମ୍ ସୋବେନ୍ ଏତେ ବୁଗିନ୍ ମିଣ୍ଡୀକେ ଗୋଏଃ କିଜାମ୍!’”

“ଆପୁ କାଜିକିଜାଏ, ‘ହେ ଇଙ୍ଗ୍ଆଃ ହୋନ୍ କୋଡ଼ା, ଆମ୍ ସୋବେନ୍ ଇମ୍ତାଙ୍ଗ୍ ଇଙ୍ଗ୍ଆଃ ଲୋଃ ମେନାମା, ହାର୍ ଅକନାଃ ଇଙ୍ଗ୍ଆଃ ତାନାଃ ଏନା ସୋବେନ୍ ଆମାଃ ତାନାଃ। ମେନ୍ଦୋ ଆବୁକେ ରାଶିକାନ୍ ଲାଗିନ୍ ବୁଗିନ୍ ତାନାଃ ଚିୟାଃଚି ଆମାଃ ହାଗା ଗୋଏଃ ଲେନାଏ, ମେନ୍ଦୋ ନାଆ ଜିହୀଦ୍ ମେନିଜାଃ। ଇନିଃ ଆଆଃ କାନ୍ତିନାଏ, ମେନ୍ଦୋ ନାଆ ଆବୁ ଇନିଃ କେ ନାମ୍ ଲିଜାବୁ!”