37. ୩୭. ୟୀଶୁ ଲାଝାର୍ କେ ଗୋଜାକାନ୍ ଏତେ ବିରିଃ କିଜାଏ
ଲାଝାର୍ ମୁତୁମ୍ ମିୟାଃ ହୋଡ଼୍ ତାଇକେନାଏ। ଇନିଜାଃ ବାରିୟା ମିଶିକିନ୍ ତାଇକେନାକିନ୍ ଅକନ୍ କିନ୍ଆ ନୁତୁମ୍ ମାରିୟାମ୍ ହାର୍ ମାର୍ଥା ତାଇକେନା। ଇନ୍କୁ ସୋବେନ୍ କୋ ୟୀଶୁ ରାଃ ନାଡ଼େଜାନ୍ ଗାତି ତାଇକେନାକୋ। ମୁସିଙ୍ଗ୍ ହୁଲାଙ୍ଗ୍, ଅକଏ ଉଦୁବ୍ କେଦାଏ ଚି ଲାଝାର୍ ଥିମ୍ବାଗି ବିମାର୍ ରେ ତାଇକେନାଏ। ଚିମ୍ତା ୟୀଶୁ ନେୟା ଆୟୁମ୍ କେଦାଏ ଦୋ ଇନିଃ କାଜିକେଦାଏ, “ନେୟା ବେମାର୍ ଲାଝାର୍ କେ ଗୋଏଃ କାଏ ଧାଡ଼ିଆ। ନେୟାଃଲାଗିନ୍, ନେ ହୋଡ଼୍ କୋ ପାର୍ମେଶ୍ଵାର୍ ରାଃ ମାନାରାଙ୍ଗ୍ ଲାଗିନ୍ତେ ହୋବା ଅଗାଏ।”
ୟୀଶୁ ଆଜାଃ ଗାତିକୋକେ ଦୁଲାଡ଼୍ କୋ ତାଇନାଏ,ମେନ୍ଦୋ ଅକତାଃରେ ଆଏଃ ତାଇକେନାଏ ଏନ୍ତାଃରେ ବାର୍ସିଙ୍ଗ୍ ଶାନ୍ ତାଙ୍ଗୀ କେଦାଏ। ଏନ୍ ବାର୍ଶିଙ୍ଗୀ ତାୟୋମ୍ତେ, ଇନିଃ ଆଜାଃ ଚେଲା କୋକେ କାଜିକେଦାଏ, “ହିଜୁଃପେ, ୟାହୁଦାତେ ରୁଆଡ଼୍ ସେନାବୁ।”ଚେଲାକୋ କାଜିକେଦାକୋ, “ମେନ୍ଦୋ ହେ ଗୁରୁ,ନାଆ କାଟୀଃ ସାମାୟ୍ ସିଦାରେ ଏନ୍ତାଃରେନ୍ ହୋଡ଼ୋକୋ ଇଙ୍ଗ୍ କେ ଗୋଏଃ ସାନାଙ୍ଗ୍ ତିନାକୋ!”ୟୀଶୁ କାଜିକେଦାଏ, “ଆବୁଆଃ ଗାତି ଲାଝାର୍ ଗିତିଃ କାନାଏ, ହାର୍ ଇଙ୍ଗ୍ କେ ଇନିଃକେ ବିରିଃ ମେନାଗା।”
ୟୀଶୁ ରାଃ ଚେଲାକୋ କାଜିକେଡ଼ାକୋ, “ହେ ପ୍ରାଭୂ, ଆଗାର୍ ଲାଝାର୍ ଗିତିଃ କାନ୍ ରେ, ଦୋ ଇନିଃ ବୁଗିନ୍ କେନୋଗାଏ।” ଏନ୍ତେ ୟୀଶୁ ଇନ୍କୁକେ ସାଫା-ସାଫା କାଜିକେଃ କୋୱାଏ, “ଲାଝାର୍ ଗୋଏଃ କାନାଏ। ଇଙ୍ଗ୍ ରାଶିକାନ୍ ତାନିଙ୍ଗ୍ ଚି ଇଙ୍ଗ୍ ଏନ୍ତାଃରେ କାଇଙ୍ଗ୍ ତାଇକେନା, ତାଚି ଆପେ ଇଙ୍ଗ୍ ଆଃରେ ବିଶ୍ଵାସ୍ ୟାପେ।”
ଚିମ୍ତାଙ୍ଗ୍ ୟୀଶୁ ଲାଝାର୍ ରାଃ ହାତୁ ସେଟେର୍ ଜାନାଏ ଦୋ ଲାଝାର୍ କେ ଗୋଜାକାନ୍ କାବାର୍ ନାମ୍ ଚାଇର୍ ଦିନ୍ ହୋବାତାଇକେନା। ମାର୍ଥା ୟୀଶୁକେ ନାପାମ୍ ଲାଗିନ୍ ବାହାର୍ ହିଝୁଃନାଏ ହାର୍ କାଜିକେଦାଏ, “ହେ ପ୍ରାଭୂ, ଆଗାର୍ ଆମ୍ ନେତାଃ ତାଇନ୍ ଜାନ୍ ରେ ଦୋ ଇଙ୍ଗ୍ଆଃ ହାଗା କାଏ ଗୋଜୋଃ ତେୟାଃ। ମେନ୍ଦୋ ଇଙ୍ଗ୍ ବିଶ୍ଵାସ୍ ତାନିଙ୍ଗ୍ ଚି ଜେତାନାଃ ସୋବେନ୍ ତେୟାଃ ଆମ୍ ପାର୍ମେଶ୍ଵାର୍ କେ ଆଶିରେମ୍ ଏନା ଆମ୍ କେ ଏମାମେୟାଏ।”
ୟୀଶୁ କାଜିକେଦାଏ, “ଜୀବିରିନିଦ୍ ହାର୍ ଜୀଦାନ୍ ଇଙ୍ଗ୍ ତାନିଙ୍ଗ୍। ଅକଏ ଜେତାଏ ଇଙ୍ଗ୍ଆଃ ଚେତାନ୍ ରେ ବିଶ୍ଵାସ୍ ମାଣ୍ଡାଅ ୟାଃଏ ଆଗାର୍ ଇନିଃ ଗୋଏଃ କେନୋଃ ରେଅଗି ଜିହିଦୋଗାଏ। ଚିନ୍ଆଃ ନେୟାରେ ଆମ୍ ବିଶ୍ଵାସ୍ ତାନାମ୍?” ମାର୍ଥା କାଜିକେଦାଏ, “ହେ ପ୍ରାଭୂ,ଇଙ୍ଗ୍ ବିଶ୍ଵାସ୍ ତାନିଙ୍ଗ୍ ଚି ଆମ୍ ପାର୍ମେଶ୍ଵାର୍ ରାଃ ହୋନ୍ ମାସିହ ତାନ୍ ମେ।”
ଏନ୍ ତାଆଏତେ ମାରିୟାମ୍ ସେଟେର୍ ଜାନାଏ। ଇନିଃ ୟୀଶୁରାଃ କାଟା ସୁବାରେ ଉୟୁଃକେତେ କାଜିକେଦାଏ, “ହେ ପ୍ରାଭୂ, ଆଗାର୍ ଆମ୍ ନେତାଃରେ ତାଇନ୍ ଜାନ୍ ରେମ୍ ଦୋ ଇଙ୍ଗ୍ଆଃ ହାଗା କାଏ ଗୋଜୋଃ ତେୟାଃ।”ୟୀଶୁ ଇନିଃକେ କୁଲିକିଜାଏ, “ଆପେ ଲାଝାର୍ କେ କୋତାଃରେ ମାଣ୍ଡାଅ କିଜାପେ?”ଇନ୍କୁ ଇନିଃକେ ଉଦୁବ୍ କିଜାକୋ, “କାବାର୍ ରେ। ହିଝୁଃ ମେ ହାର୍ ନେଲିମେ।”ଏନ୍ତେ ୟୀଶୁ ରାଆ କେଦାଏ।
ଏନ୍ କାବାର୍ ମିୟାଃ ଗୁଫା ତାଇକେନା ଏନାରାଃ ଦ୍ଵାର୍ରେ ମିୟାଃ ଦିରିରେ ହାହୁବ୍ବା କାନ୍ ତାଇକେନା। ଚିମ୍ତାଙ୍ଗ୍ ୟୀଶୁ କାବାର୍ ତାଃ ସେଟେର୍ ଜାନାଏ ଦୋ ଇନିଃ ଇନ୍କୁକେ କାଜିକେଦାଏ, “ଦିରି କେ ଗେନା ତାପେ।” ମେନ୍ଦୋ ମାର୍ଥା କାଜିକେଦାଏ, “ଇନିଃ କେ ଗୋଜାକାନ୍ ଚାଇର୍ ଦିନ୍ ହୋବାକାନା। ଏନାତେ ଦୋ ଶିତୃ ସୋୱାନ୍ ଅଡୋଙ୍ଗ୍ ତାନା।”
ୟୀଶୁ କାଜି କିଜିକିଜାଏ, “ଚିନାଃ ଇଙ୍ଗ୍ କାଇଙ୍ଗ୍ କାଜିଲାଆ ଚି ଆଗାର୍ ଆମ୍ ଇଙ୍ଗ୍ଆଃ ଚେତାନ୍ ରେ ବିଶ୍ଵାସ୍ ଏରେମ୍ ଦୋ ପାର୍ମେଶ୍ଵାର୍ ରାଃ ପେଡ଼େଏ କେ ନେଲେୟାମ୍?”ଏନାଲାଗିନ୍ ଇନ୍କୁ ଦିରିକେ ଆତୋମ୍ ଗେନା ତାଦାକୋ।
ଏନ୍ତେ ୟୀଶୁ ଚେତାନ୍ ସିର୍ମାତେ ନେଲ୍ କେତେ କାଜିକେଦାଏ, “ହେ ଆପୁ, ଇଙ୍ଗ୍ଆଃ ଆୟୁମ୍ ଲାଗିଙ୍ଗ୍ ଧାନ୍ୟାବାଦ୍ ତାନିଙ୍ଗ୍। ଇଙ୍ଗ୍ ସାରିତାନିଙ୍ଗ୍ ଚି ଆମ୍ ସୋବେନ୍ ଇମ୍ତାଙ୍ଗ୍ ଆୟୁମ୍ ୟାମ୍, ମେନ୍ଦୋ ଇଙ୍ଗ୍ ନେୟା ନେତାଃରେ ତିଙ୍ଗୁକାନ୍ ସୋବେନ୍ ହୋଡ଼ୋକୋୱାଃ ସାହାଏତା ଲାଗିନ୍ କାଜିତାନିଙ୍ଗ୍ ତାଚି ନିକୁ ବିଶ୍ଵାସ୍ ୟାକୋ ଚି ଆମ୍ ଇଙ୍ଗ୍ କେ କୁଲ୍ କାଦିଙ୍ଗ୍ୟାମ୍।” ଏନ୍ତେ ୟୀଶୁ ଜୋର୍ତେ ହାକାଅ କେଦାଏ, “ହେ ଲାଝାର୍, ବାହିର୍ ଅଡୋଙ୍ଗ୍ ହିଜୁଃମେ!”
ଏନ୍ତେ: ଲାଝାର୍ ବାହାରି ଅଡୋଙ୍ଗ୍ ଜିହୁଃ ଲେନାଏ!ଇନିଃ ନାଆ ଅଗି ମାଣା ଲିଜାଃରେ ଲାଟୁମ୍ କାନ୍ ତାଇନାଏ। ୟୀଶୁ ଇନ୍କୁକେ କାଜିକେଃ କୋୱାଏ, “ନେ ମାଣାଲିଜାଃ କେ ରାଡ଼ା ଲାଗିନ୍ ଇନିଜାଃ ସାହାଏତା ଇପେ ହାର୍ ଇନିଃକେ ରାଡ଼ାଇପେ।” ନେ ଆକ୍ ଦାନ୍ଦାଅ କାମିରାଃ ଚାଲ୍ତେ ଥିମ୍ବାଗି ୟାହୁଦୀକୋ ୟୀଶୁ ରାଃ ଚେତାନ୍ ବିଶ୍ଵାସ୍ କେଦାକୋ।
ମେନ୍ଦୋ ୟାହୁଦୀକୋୱାଃ ଧାର୍ମିକ୍ ଆଗୁୱା କୋ ୟୀଶୁକେ ହିଶିଙ୍ଗାତେ ଜୁଲ୍ ଜାନାକୋ, ନେୟା ଲାଗିନ୍ ଇନ୍କୁ ମିଃତା ହୁଣ୍ଡି ରୋଜୋଟ୍ ବାଇ ସେକାଡ଼୍ କେଦାକୋ ଚି ଚିଲ୍କା ୟୀଶୁ ହାର୍ ଲାଝାର୍ କେ ଗୋଏଃ କିନାବୁ।
ବାଇବାଲ୍ ମିୟାଃ କାହାନୀ: ଯୋହାନ୍ ୧୧: ୧-୪୬
Free to use, adapt, and share under an open license (CC BY-SA 4.0).