45. ୪୫. ସ୍ଥିଫାନୁସ୍ ହାର୍ ଫିଲିପ୍

ପାହିଲା ମାଶିହି ଆଗୁୱା କୋୱାଃ ଥାଲାରେ ସ୍ଥିଫାନୁସ୍ ନୁତୁମ୍ ମିୟାଃ ହୋଡ଼୍ ତାଇକେନାଏ। ସୋବେନ୍ ହୋଡ଼ୋକୋ ଆଜାଃ ମାଇନ୍ ତିନାକୋ। ପାବିତାର୍ ଆତ୍ମା ଆଏଃକେ ଥିମ୍ବାଗି ପେଡ଼େଏ ହାର୍ ବୁଦ୍ଧି ଏମ୍ ଲାଆଏ। ସ୍ଥିଫାନୁସ୍ ଥିମ୍ବା ଆକ୍ ଦାନ୍ଦାଅ କାମିକୋ ଲାଆଏ। ଚିମ୍ତାଙ୍ଗ୍ ଇନିଃ ୟୀଶୁରାଃ ଚେତାନ୍ ବିଶ୍ଵାସ୍ ଲାଗିନ୍ ଇନ୍‍କୁକେ ସିଖାଅ ଏମ୍ କେଦାଏ ଦୋ ଥିମ୍ବାଗି ହୋଡ଼ୋକୋ ଇନିଃ ଜାଃରେ ବିଶ୍ଵାସ୍ କେଦାକୋ।

ମୂଷିଙ୍ଗ୍ ହୁଲାଙ୍ଗ୍, ସ୍ଥିଫାନୁସ୍ ୟୀଶୁରାଃ ବିଶାୟରେ ସିଖାଅ କୋ ତାଇନାୟ, ହାର୍ ଚିମିନ୍ ନେକା ୟାହୁଦୀକୋ ହିଜୁଃ ଲେନାକୋ ଅକନ୍ ୟୀଶୁରାଃ ଚେତାନ୍ କାକୋ ବିଶ୍ଵାସ୍ କାଃତିନା ହାର୍ ଇନ୍‍କୁୱାଃ ଲୋଃ କାଜି-ବାଖାଣ୍ ଏଟେଃ ତାଦାଏ, ଇନ୍‍କୁ ଥିମ୍ବାଗି ଖିସ୍ ଜାନାକୋ, ଏନାଲାଗିନ୍ ଇନ୍‍କୁ ଧାର୍ମିକ୍ ଆଗୁୱା କୋତାଃ ସେନ୍ ଜାନାକୋ ହାର୍ ଇନିଃ ଜାଆଃ ବିଶାୟରେ ବେଦା କାଜି କେଦାକୋ। ଇନ୍‍କୁ କାଜିକେଦାକୋ, ଆଲେ ସ୍ଥିଫାନୁସ୍ କେ ମୁଶା ନାବୀ ହାର୍ ପାର୍ମେଶ୍ଵାର୍ ରାଃ ବିଶାୟରେ ଏତକାନ୍ କାଜି କାଜିତାନ୍ ଆୟୁମ୍ ଲାଆଲେ!”ଏନାଲାଗିନ୍ ଧାର୍ମିକ୍ ଆଗୁୱାକୋ ସ୍ଥିଫାନୁସ୍ କେ ଶାବ୍ ଥଲ୍ କିଜାକୋ ହାର୍ ମାରାଙ୍ଗ୍ ୟାଜାକ୍ କୋ ହାର୍ ୟାହୁଦୀକୋ ଏଟାଃ ଆଗୁୱାକୋ ନାଡ଼େଏ ଇଦିକିଜାକୋ। ଆଡୋଃଗି ବେଦା ଗୋଆଃ କୋ ହିଜୁଃ ଲେନାକୋ ହାର୍ ଇନ୍‍କୁ ସ୍ଥିଫାନୁସ୍ ରାଃ ବିଶାୟରେ ବେଦାକାଜିକୋ କାଜିକେଦା।

ମାରାଙ୍ଗ୍ ୟାଜାକ୍ ସ୍ଥିଫାନୁସ୍ କେ କୁଲିକିଜାଏ, “ଚିନାଃନିକୁ ଆମାଃ ବିସାୟରେ ସାର୍ତେ କାଜିତାନାକୋ?” ସ୍ଥିଫାନୁସ୍ ମାରାଙ୍ଗ୍ ୟାଜାକ୍ କେ କାଜିଉଦୁଃବ୍ ଲାଗିନ୍ ଥିମ୍ବାଗି କାଜିକୋ କାଜି ଏଟେଃ କେଦାଏ। ଇନିଃ କାଜିକେଦାଏ ଚି ଆବ୍ରାହାମ୍ ଆଃ ସାମାୟ୍ତେ ୟୀଶୁରାଃ ସାମାୟ୍ ସାନ୍ତେ ପାର୍ମେଶ୍ଵାର୍ ଇସ୍ରାଏଲୀ କୋ ଲାଗିନ୍ ଥିମ୍ବାଗି ଆକ୍ ଦାନ୍ଦା କାମିକୋ କାମି ଲାଆଏ। ମେନ୍ଦୋ ହୋଡ଼ୋକୋ ସୋବେନ୍ ଇମ୍ତାଙ୍ଗ୍ ପାର୍ମେଶ୍ଵାର୍ କେ କାକୋ ମାନାତିଙ୍ଗ୍ କିଜା। ସ୍ଥିଫାନୁସ୍ କାଜିକେଦାଏ, “ଆପେ ପାର୍ମେଶ୍ଵାର୍ ରାଃ ବିରୁଦ୍ରେ କେଟେଃ ମୋନ୍ ହାର୍ ବେଦା ହୋଡ଼ୋକୋ ତାନ୍ ପେ। ଆପେ ସୋବେନ୍ ଇମ୍ତା ପାବିତାର୍ ଆତ୍ମାକେ କାପେ ମାନାତିଙ୍ଗ୍ କିଜା, ଜେଲେକା ଚି ଆବୁଆଃ ପୁର୍ଖାକୋ ସୋବେନ୍ ଇମ୍ତାଙ୍ଗ୍ ପାବିତାର୍ ଆତ୍ମାକେ କାକୋ ମାନାତିଙ୍ଗ୍ ଲିଜା ହାର୍ ସୋବେନ୍ ଇମ୍ତା ଆଜାଃ ନାବୀକୋକେ ଗୋଏଃ କେଦାକୋ। ମେନ୍ଦୋ ଅକନାଃ ଇନ୍‍କୁ ରିକାଲାଆକୋ ଇନ୍‍କୁୱାଃ ଯୋକାତେ ଆପେ ଆଡୋଃଗି ବୁରାଇ କାଦାପେ! ଆପେ ମାସିହିଃ କେ ଗୋଏଃ କିଜାପେ!”

ଚିମ୍ତାଙ୍ଗ୍ ଏନ୍ ଧାର୍ମିକ୍ ଆଗୁୱାକୋ ନେୟା ଆୟୁମ୍ କେଦାକୋ, ଦୋ ଇମିନ୍ ଖିସ୍ ଜାନାକୋ ଚି ଇନ୍‍କୁ ଆପ୍ନାଃ ଲୁତୁର୍ କୋକେ ମୁନ୍ଦିଇ କେଦାକୋ ହାର୍ ଯୋର୍ତେ କିର୍ଲାଅ କେଦାକୋ। ଇନ୍‍କୁ ସ୍ଥିଫାନୁସ୍ କେ ଘେସ୍ରାଅ କେତେ ହାତୁତେ ବାହାରି ଅଡୋଙ୍ଗ୍ ଇଦି କିଜାକୋ ହାର୍ ଇନିଃକେ ଗୋଜିଲାଗିନ୍ ଇନିଃକେ ଦିରିତେ ଥେର୍ କିଜାକୋ।

ଚିମ୍ତା ସ୍ଥିଫାନୁସ୍ ଗୋଜୋଃ ତାଇକେନାଏ, ଇନିଃ ଯୋର୍ତେ ହାକାଅ କେଦାଏ, “ହେ ୟୀଶୁ, ଇଙ୍ଗ୍ଆଃ ଆତ୍ମାକେ ଗ୍ରାହାନ୍ କେମେ!”ଏନ୍ତେ ଇନିଃ ଇକ୍ଡୁମ୍ କେତେ ଉୟୁଃ ଜାନାଏ ହାର୍ ଆଡୋଃ ମିଶା ହାକାଅ କେଦାଏ, “ହେ ପ୍ରାଭୂ, ନେ ପାପ୍ ଇନ୍‍କୁୱାଃରେ ଆଲୋମ୍ ଏମେୟାଃ। ଏନ୍ତେ ଇନିଃ ଗୋଏଃ ଜାନାଏ।

ଏନ୍ ହୁଲାଙ୍ଗ୍, ଯିରୁସାଲେମ୍ ସାହାର୍ ରେ ତାଇନ୍ ଥିମ୍ବା ହୋଡ଼ୋକୋ ୟୀଶୁକେ ଅତୋଙ୍ଗ୍ ହୋଡ଼ୋକୋକେ ସାତାଅ ଏଟେଃ ଜାନା, ଏନାଲାଗିନ୍ ବିଶ୍ଵାସୀକୋ ଏଟାଃ ଜାଗାରେ କୋ ଶେନ୍ଅ ଜାନାକୋ। ମେନ୍ଦୋ ନେୟାଃତେ ୟଗି, ଅକତାଃରେ ଇନ୍‍କୁ ସେନ୍ ଜାନାକୋ ଇନ୍‍କୁ ୟୀଶୁରାଃ ବିସାଏରେ ପ୍ରାଚାର୍ କେଦାକୋ।

ଫିଲିପ୍ ନୁତୁମ୍ ରେନ୍ ୟୀଶୁରାଃ ମିୟାଃ ବିଶ୍ଵାସୀ ତାଇକେନାଏ। ଜେଲେକା ଚି ଏଟାଃ ଥିମ୍ବାଗି ବିଶ୍ଵାସୀକୋ ଲାଆକୋ ଇନିଃୟଗି ୟୀରୁଶାଲେମ୍ ସାହାର୍ ନିର୍ କାନ୍ ତାଇନାଏ। ଇନିଃ ସାମାରିୟା ହାତୁତେ ସେନୋଃ କାନ୍ ତାଇନାଏ। ଏନ୍ତାଆଃ ରେ ହୋଡ଼ୋକୋକେ ୟୀଶୁରାଃ ବିଷାଏରେ ପାର୍ଚାର୍ କେଦାଏ। ଥିମ୍ବା ହୋଡ଼ୋକୋ ଇନିଃଜାଃରେ ବିଶ୍ଵାସ୍ କେଦାକୋ ହାର୍ ଉଦ୍ଧାର୍ ନାମ୍ କେଦାକୋ। ମୂଷିଙ୍ଗ୍ ହୁଲାଙ୍ଗ୍, ଫିଲିପ୍ ରାଃ ନାଡ଼େଏ ପାର୍ମେଶ୍ଵାର୍ ପାଡ଼୍ ଏତେ ମିୟାଃ ସିର୍ମାଦାସୀ ହିଜୁଃଲେନାଏ ହାର୍ ଇନିଃକେ ଟନାଙ୍ଗ୍ ରେ ସେନ୍ଅଃ ଲାଗିନ୍, ହାର୍ ମିୟାଃ ସାଣ୍ଡାକ୍ ରେ ସେନ୍ ଲାଗିନ୍ କାଜିକେଦାଏ। ଫିଲିପ୍ ଏନ୍ତାଃରେ ସେନ୍ଅଃ ଜାନାଏ। ଚିମ୍ତାଙ୍ଗ୍ ଇନିଃ ଏନ୍ ସାନ୍ ଡାକ୍ ରେ ସେନ୍ ତାଇନାଏ, ଦୋ ଇନିଃ ମିୟାଃ ହୋଡ଼୍ କେ ଆଜାଃ ରାହାତ୍ ଗାଡିରେ ସେନ୍ ତାନ୍ ନେଲ୍ କିଜାଏ। ନେ ହୋଡ଼୍ କୁସ୍ ଦିଶୁମ୍ ରେନ୍ ମିୟାଃ ନୁତୁମାନ୍ ମାରାଙ୍ଗ୍ ପାଡ଼୍ ଦାରି ତାଇକେନାଏ। ପାବିତାର୍ ଆତ୍ମା ଫିଲିପ୍ କାଜିକିଜାଏ ଚି ସେନ୍ ମେ ଏନ୍ ହୋଡ଼୍ ରାଃ ଗାତିରେ ସେନେମେ।

ଏନାଲାଗିନ୍ ଫିଲିପ୍ ରାହାତ୍ ରାଃ ନାଡ଼େଏ ସେନ୍ ଜାନାଏ। ଇନିଃ ଆୟୁମ୍ କେଦାଏ ଚି ଏନ୍ କୁସି ହୋଡ଼୍ ପାର୍ମେଶ୍ଵାର୍ ରାଃ ବାଚାନ୍ ପାଢ଼ାଅନ୍ ତାଇକେନାଏ। ଅକନାଃ ଜିଶାଇୟାଃ ନାବୀ ଅଲ୍ ଲେଦାଏ ଇନିଃ ଏନାକେ ପାଢ଼ାଅ ତାଇକେନାଏ। ଇନିଃ ପାଢ଼ାଅନ୍ ତାଇକେନାଏ, “ଇନ୍‍କୁ ଇନିଃକେ ଗୋଜି ଲାଗିନ୍ ମିଣ୍ଡୀ ଲେକା ଇଦିକିଜାକୋ, ହାର୍ ଜେଲେକା ମିୟାଃ ମିଣ୍ଡୀ ହୋନ୍ ଲେକା ହାପା ତାଇନାଏ, ଇନିଃ ମିୟାଃ କାଜି ୟଗି କାଏ କାଜି ଲାଆଏ। ଇନ୍‍କୁ ଇନିଃ ଜାଆ ଲୋଃ ଖରାବ୍ ବେବାର୍ କେଦାକୋ ହାର୍ ଇନିଜାଃ କାକୋ ଆଦାର୍ କିଜା। ଇନ୍‍କୁ ଇନିଜାଃ ଜୀଉ ଇଦିକେଦାକୋ।”

ଫିଲିପ୍ ଏନ୍ କୁସିକେ କୁଲିକିଜାଏ, “ଅକନାଃ ଆମ୍ ପାଢ଼ାଅନ୍ ତାନାମ୍ ଚିନାଃ ଆମ୍ ଏନାକେ ବୁଝାଅଃ ତାନାମ୍?” ଏନ୍ କୁସି କାଜିକେଦାଏ, “କାହା। ଚିମ୍ତାଙ୍ଗ୍ ସାନ୍ ଜେତାଏ ଏନାକେ ଇଙ୍ଗ୍ କେ କାଏ ଉଦୁବ୍ ସାନ୍ ଇଙ୍ଗ୍ ଏନାକେ କାଇଙ୍ଗ୍ ବୁଝାଅ ଧାଡ଼ିୟାଃ। ଆର୍ଜି ମେତାନିଙ୍ଗ୍ ଇଙ୍ଗ୍ଆଃ ନାଡ଼େଏରେ ଦୁବ୍ ମେ। ଯିଶାୟହ ନେୟାଃ ଆଜାଃ ବିସାଏରେ ଅଲ୍ ତାନାଏ ଚି ଜେତାଏ ଆଡୋଃରାଃ?”

ଫିଲିପ୍ ରାହାତ୍ ରେ ରାକାବ୍ କେତେ ଦୁବ୍ ଜାନାଏ। ଏନ୍ତେ ଇନିଃ ଏନ୍ କୁସି ହୋଡ଼୍ କେ ଉଦୁବ୍ କିଜାଏ ଛି ୟଶାୟାହ ନାବୀ ୟୀଶୁରାଃ ବିଷାଏରେ ଅଲାକାଦାଏ। ଫିଲିପ୍ ପାର୍ମେଶ୍ଵାର୍ ରାଃ ବାଚାନ୍ କେ ଥିମ୍ବାତେ ଏଟାଃ ଭାଗ୍ ଏତେ ୟଗି କାଜିକିଜାଏ। ନେ ଲେକାତେ, ଇନିଃ ଏନ୍ ହୋଡ଼୍ କେ ୟୀଶୁ ରାଃ ବିଷାଏରେ ସୁସାମାଚାର୍ ଉଦୁବ୍ କିଜାଏ।

ଫିଲିପ୍ ହାର୍ ଏନ୍ କୁସିରେନ୍ ହୋଡ଼୍ ସେନ୍ ଲୋଃ ଦାଆ ରାଃ ନାଡ଼େଏ ହିଜୁଃ ଯାନାକିନ୍। କୁସି କାଜିକିଜାଏ, “ନେଲେମ୍! ନେତାଃରେ ଦାଆ ମେନାଗା! ଚିନାଃ ଇଙ୍ଗ୍ ବାପ୍ତିସ୍ମା ଇଦି ଧାଡ଼ିୟାଇଙ୍ଗ୍!” ହାର୍ ଇନିଃ ରାହାତ୍ ଚାଲାଅନିଃକେ ରାହାତ୍ ତିଙ୍ଗୁଲାଗିନ୍ କାଜିକିଜାଏ।

ଏନ୍ତେ; ଇନ୍ କିନ୍ ଦାଆ ଭିତାର୍ ତେ ବୋଲୋଯାନାକିନ୍, ହାର୍ ଫିଲିପ୍ କୁସିହୋଡ଼୍ କେ ବାପ୍ତିସ୍ମା ଏମ୍ କିଜାଏ। ଚିମ୍ତାଙ୍ଗ୍ ଇନିଃ ଦାଆତେ ବାହାରେ ଅଡୋଙ୍ଗ୍ ଜାନାଏ ଦୋ ପାବିତାର୍ ଆତ୍ମା ସେକାଡ଼୍ ଗି ଫିଲିପ୍ କେ ଅଟାଙ୍ଗ୍ କେତେ ଏଟାଃ ଜାଗାରେ ଇଦିକିଜାଏ। ଏନ୍ତାଃରେ ଫିଲିପ୍ ହୋଡ଼ୋକୋକେ ୟୀଶୁରାଃ ବିଷାଏରେ ଲାଗାତାର୍ ଉଦୁବ୍ କେଏଃ କୋୱାଏ।

ଏନ୍ କୁସିହୋଡ଼୍ ଆଜାଃ ଅଡ଼୍ଆଃତେ ସେନୋଃ ଜାନାଏ। ଇନିଃ ସୁକୁରେ ତାଇକେନାଏ ଚି ଇନିଃ ୟୀଶୁକେ ସାରିତାଇନାଏ।