8. ୦୮. ପାର୍ମେଶ୍ଵାର୍ ଯୋସେଫ୍ ହାର୍ ଆଜାଃ ପାରିବାର୍ କେ ବାଞ୍ଚାଅ ତାନାଏ

ଚିମିନ୍ ସିର୍ମା ରାଃ ତାୟୋମ୍ତେ, ଚିମ୍ତାଙ୍ଗ୍ ୟାକୁବ୍ ହାଡ଼ାମ୍ ଲେନ୍ ତାଇନାଏ, ଇମ୍ତା ଆଏଃ ଆଜାଃ ଦୁଲାଡ଼୍ ହୋନ୍‍କଡ଼ା ଯୋସେଫ୍ କେ ଆଜାଃ ହାଗାକୋକେ ନେଲ୍ ହିଜୁଃମେ ମେନ୍ତେ କୁଲ୍ କିଜାଏ ଅକନ୍ କୋ ଚି ପାଶୁ କୋୱାଃ ଗୋଟ୍ କୋକେ ଗୁପି ହୋରୋକୋ ତାଇନାକୋ।

ଯୋସେଫ୍ ରାଃ ହାଗାକୋ ଆଏଃ କେ ହିଲାଙ୍ଗ୍ ତାଇନାକୋ ଚିୟାଃଚି ଇନିଜାଃ ଆପୁ ଆଏଃକେ ଥିମ୍ବା ଦୁଲାଡ଼୍ ତାଇନାଏ ହାର୍ ନେୟାମେନ୍ତେ ହଁ ଚି ଯୋସେଫ୍ କୁମୁ ରେ ନେଲ୍ ଲେଃତାଇନାଏ ଚି ଆଏଃ ଇନ୍‍କୁ ୱାଃ ଚେତାନ୍ ରାଇଜ୍ ତାନ୍ ନିଃ ବାଇୟୋଗାଏ। ଚିମ୍ତାଙ୍ଗ୍ ଯୋସେଫ୍ ଆଜାଃ ହାଗାକୋୱା ନାଡ଼େଏ ହିଜୁଃ ଜାନାଏ ଇମ୍ତା ଇନ୍‍କୁ ଆଏଃକେ ଥୋଲ୍ ମାଣ୍ଡାଅ କିଜାକୋ। ହାର୍ ଆଏଃକେ ଦାସୀକୋୱାଃ ବେପାରୀ କୋତାଃ ଆଖ୍ରିଙ୍ଗ୍ ତାଇଜାକୋ।

ଅଡ଼୍ଆଃ ରୁଆଃଡ଼୍ ରାଃ ସିଦା ରେ ଯୋସେଫ୍ ରାଃ ହାଗାକୋ ଯୋସେଫ୍ ରାଃ ଲିଜାଃ କେ ଚେଚାଃ କେତେ ମେରୋମ୍ ମାୟୋମ୍ ରେ ଡୁବିଃ ଆଲି ତାଦାକୋ। ଆଡୋଃ ଇନ୍‍କୁ ଏନ୍ ଲିଜାଃ କେ ଆକୋୱାଃ ଆପୁ କେ ଦେଖାଅ କିଜାକୋ ଯେଚି ଇନିଃ ନେୟା ପାହୋମେୟାଏ ଚି ଜାହାଁନ୍ ଟୋନାଙ୍ଗ୍ ରେନ୍ ଜାନ୍ତୁ ଯୋସେଫ୍ କେ ଗୋଏଃ କିଜାଏ। ୟାକୁବ୍ ଥିମ୍ବାଗି ଦୁକୁ ଜାନାଏ।

ଦାସୀକୋୱାଃ ବେପାରୀ କୋ ଯୋସେଫ୍ କେ ମିଶାର୍ ଦିଶୁମ୍ ତେ ଇଦିକିଜାକୋ। ନିଲ୍ ନାଇ ରାଃ ଗେନା ରାଃ ମିଶାର୍ ଦିଶୁମ୍ ମିୟାଃ ମାରାଙ୍ଗ୍ ହାର୍ ପେଡ଼େଜାନ୍ ଦିଶୁମ୍ ତାଇକେନା। ଏନ୍ ଦାସୀକୋୱାଃ ବେପାରୀ କୋ ଯୋସେଫ୍ କେ ମିୟାଃ କିଶାଣ୍ ସାର୍କାରୀ ଆଧିକାରୀ କେ ଦାସୀ ଲେକା ଆଖ୍ରିଙ୍ଗ୍ ତାଇଜାକୋ। ଯୋସେଫ୍ ଆଜାଃ ଗୋମ୍ କେ ରାଃ ବୁଗିନ୍ ଲେକାତେ ସେୱାଃ କେଦାଏ, ହାର୍ ପାର୍ମେଶ୍ଵାର୍ ଯୋସେଫ୍ କେ ଆଶିସ୍ ଏମ୍ କିଜାଏ।

ଆଜାଃ ଗୋମ୍ କେ ରାଃ କୁଡ଼ି ଯୋସେଫ୍ ଲୋଃ ଗୀତିଃ ଲାଗିନ୍ ସାନାଙ୍ଗ୍ କେଦାକିନ୍, ମେନ୍ଦୋ ଯୋସେଫ୍ ନେ ଲେକାତେ ପାର୍ମେଶ୍ଵାର୍ ରାଃ ବିରୁଦ୍ଧ ରେଃ ପାପ୍ ରିକା ଲାଗିନ୍ ମାନା କେଦାଏ। ଇନିଃ ଖିସ୍ ଜାନାକିନ୍ ହାର୍ ଯୋସେଫ୍ ଚେତାନ୍ ରେ ସାମା ରେ ଦୋସ୍ ଲାଗାୱ କେଦାଏ, ଏନାଲାଗିନ୍ ଇନିଃକେ ଥଲ୍ କେତେ ଜେଲ୍ ଅଡ଼୍ଆଃ ରେ କୁଲ୍ ତାଇଜାଏ। ନେତାଃ ସାନ୍ତେ ଚି ଜେଲ୍ ଅଡ଼୍ଆଃ ରେହ, ଯୋସେଫ୍ ପାର୍ମେଶ୍ଵାର୍ ରାଃ ସାମାନାଙ୍ଗ୍ ରେ ବିଶ୍ଵାସେ ଲେକାନିଃ ତାଇ ଜାନାଏ, ହାର୍ ପାର୍ମେଶ୍ଵାର୍ ଇନିଃକେ ଆଷିସ୍ ଏମ୍ କିଜାଏ।

ବାର୍ ସିର୍ମା ରାଃ ତାୟୋମ୍ତେ, ଯୋସେଫ୍ ନାଆ ସାନ୍ତେ ଜେଲ୍ ଅଡ଼୍ଆଃ ରେ ତାଇକେନାଏ, ଇନିଃ ନିର୍ଦୋସ୍ ତାଇକେନ୍ ରେହଗି, ମୂଷିଙ୍ଗ୍ ନିଦା, ଫିରୋନ୍, ଜେଲେକା ଚି ମିଶାର୍ ଦିଶୁମ୍ ରେନ୍ ହୋଡ଼ୋକୋ ଆକୋୱାଃ ରାଜା କୋକେ ନୁତୁମ୍ ତାଇକେନାକୋ, ଇନିଃ ବାରିୟା କୁମୁ ନେଲ୍ କେଦାଏ ଏନା ଆଏଃକେ ଥିମ୍ବାଗି ଆକ୍‍ବାକାଅ କିଜାଏ। ଇନିଜାଃ ବୁଗିନ୍ ହୋରା ଉଦୁବ୍ ତାନ୍ କୋଏତେ ଜେତାଏ ହଗି ଏନ୍ କୁମୁ ରାଃ ମାନେ କେ କାକୋ ଉଦୁବ୍ ଧାଡ଼ିଜାନା।

ପାର୍ମେଶ୍ଵାର୍ ଯୋସେଫ୍ କେ କୁମୁ କୋରାଃ ମାନେ କେ ଉଦୁବ୍ ଲାଗିନ୍ତେ ସେଣା ଏମ୍ ଲିଜାଏ, ଏନାଲାଗିନ୍ତେ ଫିରୋନ୍ ଯୋସେଫ୍ କେ ଜେଲ୍ ଅଡ଼୍ଆଃ ଏତେ ଆଜାଃ ନାଡ଼େଏ କେଡ଼ା କିଜାଏ। ଯୋସେଫ୍ ଏନ୍ କୁମୁ କୋରାଃ ମାନେ କେ ଉଦୁବ୍ କେଦାଏ ହାର୍ କାଜିକେଦାଏ, “ପାର୍ମେଶ୍ଵାର୍ ଥିମ୍ବାଗି ଯଅ ହୋବାଅଃ ରାଃ ସାତ୍ ଶିର୍ମା ତାୟୋମ୍ତେ ଆକାଲ୍ ରାଃ ସାତ୍ ଶିର୍ମା କେ କୁଲେୟାଏ।”

ଫିରୋନ୍ ରାଜା, ଯୋସେଫ୍ କେ ସୁକୁୟାନ୍ତେ ନିମିନ୍ ଥାଏଃ ଜାନାଏ ଚି ଇନିଃକେ ମିଶାର୍ ଦିଶୁମ୍ ରାଃ ଏଟାଃ ସୋବେନ୍ କୋୱାଃତେ ପେଡ଼େଜାନ୍ ହୋଡ଼ ବାଇତାଇଜାଏ।

ଯୋସେଫ୍ ହୋଡ଼ୋକୋକେ ବୁଗିନ୍ ଯଅ କାନ୍ ସାତ୍ ଶିର୍ମା ରେ ଥିମ୍ବାଗି ଯୋଜୋମାଃ ହୁଣ୍ଡି ଲାଗିନ୍ତେ କାଜିକେଃକୋୱାଏ। ଚିମ୍ତାଙ୍ଗ୍ ସାତ୍ ଶିର୍ମା ରାଃ ଆକାଲ୍ ହିଜୁଃନା ଇମ୍ତା ଯୋସେଫ୍ ହୋଡ଼ୋକୋକେ ଏନ୍ ଯୋଜୋମାଃ କେ ଆଖ୍ରିଙ୍ଗ୍ କେଦାଏ ଏନାତେ ଇନ୍‍କୁ ତାଃ ଜୋମେ ଲାଗିନ୍ ଥିମ୍ବାଗି ତାଇୟୋଃୱା।

ଏନ୍ ଆକାଲ୍ ମିଶାର୍ ଦିଶୁମ୍ ରେ ଭାଇର୍ କାହା, ମେନ୍ଦୋ କାନାନ୍ ଦିଶୁମ୍ ରେହ ଥିମ୍ବାତେ ତାଇକେନା ଅକତାଃ ରେ ୟାକୁବ୍ ହାର୍ ଇନିଜାଃ ଅଡ଼୍ଆଃ ରେନ୍ କୋ ତାଇନ୍ ତାଇନାକୋ।

ଏନାମେନ୍ତେ ୟାକୁବ୍ ଆଜାଃ ମାରାଙ୍ଗ୍ ହୋନ୍‍କୋଡ଼ା କୋକେ ଯୋଜୋମାଃ କିରିଙ୍ଗ୍ ଲାଗିନ୍ତେ ମିଶାର୍ ଦିଶୁମ୍ କୁଲ୍ କେଃକୋୱାଏ। ଚିମ୍ତାଙ୍ଗ୍ ଇନ୍‍କୁ ଯୋଜୋମାଃ କିରିଙ୍ଗ୍ ଲାଗିନ୍ତେ ଯୋସେଫ୍ ରାଃ ନାଡ଼େଏ ତିଙ୍ଗୁ ଜାନାକୋ ଦୋ ଏନ୍ ହାଗାକୋ ଯୋସେଫ୍ କେ କାକୋ ନେଲ୍ ଉରୁମ୍ କିଜା। ମେନ୍ଦୋ ଯୋସେଫ୍ ଇନ୍‍କୁ କେ ନେଲ୍ ଉରୁମ୍ କେଃକୋୱାଏ।

ନେୟା ସାରିନ୍ ଲାଗିନ୍ ଚି ଇଦୁ ଇନ୍‍କୁୱା ମୋନ୍ ବାଦ୍‍ଲାଅ ଜାନା ଇନ୍‍କୁକେ ଆଟକାର୍ ଉରୁମ୍ ରାଃ ତାୟୋମ୍ତେ, ଯୋସେଫ୍ ଇନ୍‍କୁକେ କାଜିକେଃକୋୱାଏ, “ଇଙ୍ଗ୍ ଆପେୟାଃ ହାଗା ଯୋସେଫ୍ ତାନିଙ୍ଗ୍! ଆଲୋପେ ବୋରୋୟା। ଚିମ୍ତାଙ୍ଗ୍ ଆପେ ଇଙ୍ଗ୍ କେ ଦାସି ଲେକାତେ ଆଖ୍ରିଙ୍ଗ୍ ଲେଃତାଇନାପେ ଇମ୍ତା ଦୋ ଆପେ ଏତ୍କାନ୍ ରିକା ସାନାଙ୍ଗ୍ ଲାଃପେ, ମେନ୍ଦୋ ପାର୍ମେଶ୍ଵାର୍ ଏନ୍ ଏତ୍କାନାଃ କେ ବୁଗିନାଃ ଲାଗିନ୍ ବାଇକେଦାଏ! ଦେଲା ହିଜୁଃପେ ହାର୍ ମିଶାର୍ ଦିଶୁମ୍ ରେ ତାଇନ୍ ପେ ଏନାତେ ଇଙ୍ଗ୍ ଆପେ ନାଙ୍ଗ୍ ହାର୍ ଆପେୟାଃ ଅଡ଼୍ଆଃ ରେନ୍ କୋ ଲାଗିନ୍ ଯୋଜୋମାଃ ଯୋଗାଓ ଧାଡ଼ିୟାଇଙ୍ଗ୍।”

ଚିମ୍ତାଙ୍ଗ୍ ଯୋସେଫ୍ ରାଃ ହାଗାକୋ ଅଡ଼୍ଆଃ ରୁଆଡ଼୍ ଜାନାକୋ ହାର୍ ଆକୋୱାଃ ଆପୁ ୟାକୁବ୍ କେ ଉଦୁବ୍ କେଦାକୋ ଚି ଯୋସେଫ୍ ନାଆ ସାନ୍ ଜିହିଃଗିୟାଏ ଏଣ୍ଡେ ଇନିଃ ଥିମ୍ବାଗି ରାଶିକା ଜାନାଏ।

ୟାକୁବ୍ ମିୟାଃ ହାଡ଼ାମ୍ ହୋଡ଼ ତାଇକେନାଏ ଏଣ୍ଡେଅଗି ଇନିଃ ଆଜାଃ ସୋବେନ୍ ଅଡ଼୍ଆଃ ରେନ୍ କୋଲୋଃ ମିଶାର୍ ଦିଶୁମ୍ ତେ ସେନୋଃ ଜାନାଏ, ହାର୍ ଇନ୍‍କୁ ଏନ୍ତାଃରେ ତାଇନ୍ ଜାନାକୋ। ୟାକୁବ୍ ଗୋଜୋଃ ରାଃ ସୀଦା, ଇନିଃ ଆଜାଃ ସୋବେନ୍ ହୋନ୍ କୋଡ଼ା କୋକେ ଆଶିଷ୍ ଏମ୍ କେଃକୋୱାଏ।

ନିୟାମ୍‍ଥଲ୍ ରାଃ ଏନ୍ କିରିୟା ଅକନାଃ ପାର୍ମେଶ୍ଵାର୍ ଆବ୍ରାହାମ୍ ଲୋଃ ରିକାଲେଦାଏ, ଏନା ଇସାହାକ୍ ଚେତାନ୍ ରେ, ହାର୍ ଏନା ତାୟୋମ୍ତେ ୟାକୁବ୍ ଚେତାନ୍ ରେ, ହାର୍ ଏନା ତାୟୋମ୍ତେ ଆଜାଃ ବାରାଝାନ୍ ହୋନ୍ କୋଡ଼ା କୋୱା ରେ ହାର୍ ଆକୋୱାଃ ଅଡ଼୍ଆଃ ରେନ୍ କୋୱାଃ ରେ ହିଜୁଃ ଲେନା। ଏନ୍ ବାରା ହୋନ୍ କୋଡ଼ା କୋୱାଃ ବାଂଶ୍ କୋ ଇସ୍ରାଏଲ୍ ରାଃ ବାରା କିଲି ବାଇଜାନାକୋ।